26/09/2009, 04:04 PM
|
| زعيــم فعــال | | تاريخ التسجيل: 09/08/2007
مشاركات: 289
| |
| أنا اللي أبي أعرفه
ليش ياسر يكرهني فيه أكثر وأكثر بتصريحاته ؟؟
ليش دايما ما يبغى أحد ينتقده
مره انتقدناه قال اللي عالمدرج يتفرج
وألحين صالح النعيمة يقول ما فيه أحد يستحق التأهل من لاعبي المنتخب قال في نقاد مش مؤهلين.
يعني لازم يا ياسر نقول إنك أفضل لاعب في العالم !!!
لازم نقول إن ياسر هو اللي يستحق اللعب للمنتخب فقط والباقي ما يستحقون !!!
اعرف يا ياسر ترى ما رفعك فوق إلا جمهور الهلال وإلا أنت ماحد درى عنك أول
ترى يا ياسر لو على قولتك إن اللي عالمدرج يتفرج يعني بس نتفرج ترى قسما بالله ما تسوى ...... لأن احنا اللي رفعناك من يوم جيت الهلال
ولكن من زمان وأنا أطالب بالمساواة بين اللاعبين ولكن جمهورك ( وليس جمهور الهلال ) ما يسمعون الكلام وما خلاك كذا إلا هالجمهور اللي يغفر زلاتك كلها
ويلعن جدف أي لاعب ثاني غيرك
جمهورك هو اللي خلا فيه تفرقة بين اللاعبين
جمهورك هو اللي ضيع علينا موهبة الصويلح وموهبة العنبر
وقبلهم ضيعك أنت يا ياسر
لأنك يوم جيت للهلال كنت تحفر الملعب حفر
عشان وشو؟؟
عشان تمسك مكان أساسي
وبعدها الجمهور رفعك فوق
فصرت أنت ياياسر ما عاد تهتم لأنك ضمنت المكان الأساسي في التشكيلة بسبب الجمهور اللي ما هو راضي يقتنع إنك صرت شايف نفسك ومتكبر وتعرف بأن جمهورك راح يجيب لك أعذار
آآآآه يا سامي فهل من لاعب مثلك يا أسطورة ؟؟
آآآآه يا سامي الذي لم يزعل أي أحد من الجمهور؟؟
انتقدوه فقال ستروني إن شاء الله أفضل
اجتمع الإعلام كله ضده فيزيد قوة ويسكتهم برصاص في شباكهم
(وليس من يجلب العار لنفسه ويهبط مستواه ويقولون بأنه معذور لأنه يتعرض للإستهزاء من الجماهير الأخرى )
سامي كان الإعلام يقف ضده ويحاربه بجميع ميولهم بما فيهم بعض الإعلام الهلالي المحسوب على الهلال في ذاك الوقت
ولا تراه إلا مصرا على إسعاد الجماهير الهلالية
لله درك يا سامي
فقد ذهبت يا سامي وأصبح مكانك أشباه لاعبين ولكن كلي أمل بالمحياني والعنبر والصويلح |
الوضع المتطور
