|
التايب رحل ماذا بعد ؟؟ لابد ان نكون متفهمين للوضع !! بسم الله الرحمن الرحيم . سلام عليكم ورحمة الله وبركاته . اسعد الله اوقاتكم بكل خير . / اخواني جمهور الهلال الوفي . الى متى وجمهورنا العزيز يردد بطارق التايب عبر المنتدى ؟؟ طارق التايب ذهب لنادي الشباب ونحن ندعوآ له بالتوفيق مع فريقـه نحن لسنا بيدنا حل ولا ربط .. لوكان ذلك بأيدينا لانرضى برحيل طارق ولكن طريقة لعب المدرب جريتيس هو من اقنع الادارة برحيله والاستغناء عن خدماته والان لابد ان نحترم وجهة نظر المدرب .ومدربنا القدير نلاحظُه يبرز في كل مباراه ويثبت نفسه بأداه للعب .فيا جمهورنا العزيز , نرجوآ منكم عدم ذكر طارق التايب مرةً اخرى ,فهو الان ينتمي لنادي غير نادي الهلال , فمثل هذه المواضيع سوف تكون عامل سلبي للاعبين الهلال , فهذا يعتبر اننا لسنى واثقين بهم . لاعبينا فيه الافضل من طارق التايب وفيه الاسواء ولكن مانراه الان ان مدربنا يتعامل مع اللاعبين تعامل صح والدليل على ذلك فجميع المباريات الثلاث التي لعبها الهلال , ظهروآ بمستوى ونتيجه ممتازه. رجوعالقحطاني والشلهوب الى مستوياتهم التي كنا نعرفها بالسابقوهذا بفضل من الله ثم بفضل مدربنا الداهيه فأرجوآ منكم عدم الاستعجالبالمواضيع الغير ايجابيه للفريق فالبداية تُبشر بخير ان شاء اللهوانا متأكد تماماً ان الفريق سوف تكون له بصمه قويه في الدوري وبحصد الكؤوس وان شاء الله بوقفة الجمهور سوف يتحقق هذا الشي . فيا جمهور الزعيم الوفي ,حضوركم هو وراء انتصارات الفريق فنريد المبارايات كجمهور نحضر بكثافه غير الموسم الماضي فنريد نملأ جنبات الملعب عن بكرة ابيها , فلاعبينا بحاجة وقفتنا معهم فبهذا ستكون للاعبين روح اللاعبين غير الروح المعهوده فيذكرون ان هناك جمهور يحضر ويؤازر من لرفع الروح وحماسهم داخل الملعب . بالنهايه : نتمنى من جمهور الهلال عدم الألتفات الى التفاهاات التي تخرج من جمهور بعض الانديه وان يفكر بفريقنا فقط لاغير. واتمنى التوفيق لنادي الهلال في مشواره القادم . |
تم النقل من منتدى التقييم موضوع جميل شكراً لك |
نحن نشـجــعْ الكيـــان الأزرق فقطْ ~ × أعتزل النعيمه وأعتزل الثنيان وأعتزل الأسطورة ~ سـامي الجابر × ومع ذلك بقي الزعيــمـْ زعيـمــــاً أتمنى أن لا أشاآهد المزيد من هذهـ المواآآضيعْ ~ |
الله يعطيـكـ الف عافيه اخي العزيز / وطارق التائب لاعب كبيرر واللي يقول غير كذا مايفهم كورة بصراااحه والدليل مباراه النصر والشباب ,, << صناعه ليبييــه ميه بالميه ,, !! واحنا كجمهور وافئ وننتمي للكيان الهلالي ,, اقل شئ نشكرره ونذكره بكل خيرر ,, واعجبني بصررااحه طررحك الرائع لان مافيه تجررريح للاعب ,, مووضوع تشكرر عليه يالغالي ,, بس احب انوه على شئ بسيط اخي العزيز الا وهو إقتباس:
آخر مبارااه للزعيم او بالاخص اخر شــوط امام الوحده كان وضع الفرريق اقل من عاادي ,, ولولا لطف الله عز وجل كان الوحدهـ تعادل معناا ,, وومكن برضوو يسجل هدف ثلاث !! صحيح مباراه نجرران مانختلف الهلال اداء اكثر من رائع وجمـااعي بحت ,, بس مبارااه الوحده والقادسيه كان اداء الزعيم ,, اقل من عاادي والفوز في كلتاا المباراتاان ,, في الاول بعد شق الانفس ,, وفي الثاانيه سلمنا من التعادل !!لنكون واقعيين الهلال في المبارااتاان المذكورهـ ,, لم يكن في مستوااه ,, |
ابلشونا يا خوك .. المشكلة ما ادري وشفيهم على الشباب و الله انه فريق حليو و لعيبته ابطال صحيح ريسه مهايطي بس ما عليكم منه اهم شي طارق الفن و الابداع .. >> ليتكم بس ترجعون تناظرون مبارياتنا مع الاتحاد الهلال جاب اللي انفع و امتع من طارق و راحوا لأن هذي سنه الحياة و هلالنا هو هلالنا .. طارق احترف معنا ما قصر اعطى كل اللي عنده بس حاليا ماله مكان بالهلال ..لأن لكل زمان دولة و رجال الله يوفقه مع ناديه و يوفق نادينا |
آآآآآآآآآآآآآآآآآآه يا برنس الفن لاعب كبير ومبدع الهلال بدونه يعاني وسيعاني وسترون حسبي على من تسبب برحيله |
- - ذهب طارق الامتاع وبقي هلال الابداع كل التوفيق لطارق العجايب وكل التوفيق لهلال القلب والمشاعر مشكور اخوي ع الموضوع الرائع تحياتي لك |
والله من جد كلام روعه ومنطق وهذا الكلام ساير في منتدايات الرياضه اه يارحيل طارق الى متى طارق رحل وبقي الزعيم لن يرحل عن البطولات |
طارق وطارق وطارق وطارق تراكم ازعجتونا اي واحد يحبه يروح ويشجعه تراكم لجيتوا رؤوسنا عساكم بعد كل مباراة بتلجون امنا فيه الله يستر لا لعبنا قدام الشباب اتوقع تلبسون اسود وتقعدون في المدرج وتمسكون مناديل وتبكون عليه اقول رح مناك انت وياه قال طارق قال احد يترك الهلال ويفكر في طارق صدق ماعندكم سالفه |
يااااااااعالم فكونا خلاص طارق راح بخيره وبشره الله يوفقه |
لاعب كبير البرنس والله يوفقه خلاص انسوه مثل مانسيتوا كماتشو وتيفا |
الهلال كبير .. كلنا نحب طارق ورحيله لايجعلنا نكره الهلال ؟؟؟ مانبي فتنه لو سمحت .. الناس صارت واعيه |
الهلال اولا الهلال اولا الهلال اولا |
طارق سوف يبقى كبير و سوف يبقى في قلوبنا وليس من عادة جمهور الهلال الاجحاف بحق اي لاعب ابدع مع الهلال وبعدين لازم نحييه بمباراة الشباب لانه يستاهل وما قصر معنا يا لبى قلبك بس يا ابو نادين |
خلاص طارق راح الله يوفقه والهلال غالي علينا ماراح نتخلى عنه |
| الوقت المعتمد في المنتدى بتوقيت جرينتش +3.
الوقت الان » 05:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd