إقتباس الرسالة الأصلية كتبت بواسطة البرنـــــــس كاكا السلام عليكم .. حبيت أسأل ابي اسوي حركة بجهازي بس مدري وين يسوونها !!؟؟ العالمي :: ،’ اللي يعرف إسم محل يسوي زي كذا يعلمني .. شكراً مقدماً للي يجاوب ~ ==> هذا الرد برعاية الرئيس الذهبي كحيلان بالفهم والإستيعاب

هذي الله يسلمك زي اللصقات تنباع , موجود بجرير اشكال خوقاقيه , اما اذا تبي شكل مخصص فيه محلات الظاهر تعطيها الصورة وتزبطها لك .

^
^
صح عليك يالبرنس
,

شكراً لك مَاهِينُورْ حسن كراني
< قليل خآتمه
,

إقتباس الوسم هذا يا طويلة العمر يصير ولد عم هتلر يبي يعلمنا إنه سنع ويعرف علوم الأولين والآخرين ما درى إن ما عنده ما عند جدتي

لا وأنتي الصادقه , شآري شراع علشان أغطي الحطب وشكلي برجعه
حسآفه بـ 28 ريال , يالله لاتسخط بنآ
,

إقتباس دحمي يالطعسسس قلبي الايسسر الي مالله رزقني فيه . أن قاله الله ماتشششد مطر بسدير , خل عنك بس ساكن بسدير وتبي مطر ؟

أيه نبي مطر أجل من زين أم سدير الحين , اللي يشوفنآ نمشي بـ قوارب من السيول
على الأقل عندكم بحر , موب أحنا من يجي المطر كل أهل الرياض عندنا
يقلع ابو شكلهم قاطين معنا في كل شي
شكراً لك د.فهد يابعد كل شي

c.u

^^^^^^


شسمه
بـ سألكم يا قويّين , التحويل من جامعة لـ جامعة الملك سعود متيسّر وإلا متعرقل
لا من جدّ يعني كم النسبة المطلوبة ؟! و وشو الإجراءات ؟!
أتحدّث عن أقسام الهندسة فقط

إقتباس الرسالة الأصلية كتبت بواسطة مَاهِينُورْ لا والله ماسمعنا الأغاني حراام بعدين ليش تقولون دائما ماسمعتوا محمد عبده وش قال ؟؟>< والله لو انه هو قال القصيدة .. حتحت يالكبيرة مشتاقين لك

حنين
ودي اقول تشتاق لكـ العافيهـ
بس للاسف هالجملهـ انا مو مقتنعهـ فيها نهائياً .. احسها دعوهـ عليكـ مو لكـ
لذالك ماحب اقول شي مو مقتنعهـ فيهـ

لكن ما اقول الا ياحبيلك
كبيرهـ أجل
يمديني اهون بس ..؟



..


سؤالي ../

الحين الوقت الي مايصلح يصلى فيهـ الصبح سواء الضحى او سنهـ الوقت من كم الى كم ..؟!
^
سؤالي مو مفهوم ادري بس الي فهم يجاوب
والي مافهم الشكوى لله يدعي للجيل القادم الي بيطيح بايدي

إقتباس دوق فليد الكتب 1-المعادلات التفاضلية المؤلف : البرني محمد سعيد 2-نظرية مسائل في المعادلات التفاضلية المؤلف: فرانك آيرز 3-2500مسألة محلولة في المعادلات التفاضلية المؤلف: ريتشارد برونسون آسفين عالتاخير ..

أختي بطلة الله يبارك فيك وينور دروبك وينجحك يا رب ... إلخ إلخ إلخ
ولكن هذه الكتب موجودة وما احتاجها لأن أقل من مستواي وللأسف ما لقيت أيقونة تعبر عن الغرور عشان أحطها هنا
وتحويلات لابلاس تستخدم في حل المعادلات التفاضلية وأنا فاهمها ولكن يوجد تفاصيل كنت أريد الاستزادة منها وللأسف لم أجد أي كتاب باللغة العربية لا في مكتبة الجامعة ولا في جرير ولا العبيكان ولا المريخ ولا تهامة ولا زحل..!!

بالنسبة للتقسيم فالتقسيم هو نفسه في أقسام البنات وأقسام الرجال لأن المكتبات يستخدمون نفس التصنيف في تقسيم الكتب وهو تصنيف ( ديوي ) المعروف وأرقام كتب الرياضيات غالباً تكون في 500 وكتب الهندسة الإلكترونية في حدود الـ 620 إلخ

ولكن مثل ما قلت قبل للأسف حتى في الموقع الالكتروني اللي اعطيتني إياه في الرد السابق دورت على كتب باللغة العربية عن لابلاس وفوريير ما لقيت..!!
مع أنها باللغة الإنجليزية فقط في مكتبة الجامعة أكثر من مئة عنوان فقط لو تكتبي Laplace راح ينفجر الجهاز من كثرة الكتب ولكن بالعربي = صفر مع أن تحويلات لابلاس وفوريير من أهم التحويلات واستخداماتها جداً مهمة في الهندسة

ولكن حسبي الله على الهيئة العالمية للترجمة والمقاييس العربية ما يترجمون إلا الطبخ وكتب المؤامرات على العرب..

شكراً لك جزيلاً وآسف على الإزعاج

إقتباس الرسالة الأصلية كتبت بواسطة سكب ^^^^^^ شسمه بـ سألكم يا قويّين , التحويل من جامعة لـ جامعة الملك سعود متيسّر وإلا متعرقل لا من جدّ يعني كم النسبة المطلوبة ؟! و وشو الإجراءات ؟! أتحدّث عن أقسام الهندسة فقط

انا ماني من القويين بس بجاوبك لاني احد ابناء هذه الجامعة الغراء (ميزانية اكبر عشان سرقة احسن )

المهم الجامعة لما تراجع لها كأنك تراجع للاحوال ولا الجوازات بس هنا فرق عندهم زحمة وشوفة نفس
وموضفين الجامعة فاضيين وشوفة نفس يعني ماتدري وش يبون

التحويل طبعا في بداية كل فصل وخصوصا اول اسبوع تروح تاخذ موافقة من الكلية اللي تبغى تحول لها بعدها تراجع كليتك >>هذا النظام اللي اعرفه

والنسبة طبعا لازم فوق 87% >>خبري فيها قبل سنتين لما دخلت الجامعة ومدري كم تحصيلي وخلافة

لكن برضوة شي مهم ان معدلك الحين مايكون اقل من 3 طبعا حسب النظام

لكن هنا بالنسبة وحبة الخشوم بيحولونك لو كان معدلك -3

قصة قصيرة استفيدوا منها>>هذا دكتور عندنا ذل امنا بهالقصص (واحد من اخويانا ماجاب نسبة الا نسبة تدخلة كلية المجتمع وبعد اول فصل بغى يحول وراح يجرب حظزة في التربية الخاصة على انها مطلوبة بعد التخصصات العلمية والعالم مذابح عليها راح انتضر عميد الكلية والسكرتير كل شوي يصرفه وماني عارف ايش والاخ ناشب من س8 وطويل العمر مافضى الا على صلاة الظهر طلع ولقى ذا ينتظرة من الصبح وقاله السكرتير على وضعه طبعا اول ماقاله بدا يقول النظام مايسمح وخينا ماخلاله فرررصة انا انتظرك من الصباح ومخلي اهلي فالمستشفى وماامداه يكمل كلامة الا قاله خلاص وختم ووقع على طلبة )

المطلوب من القصة تبي شي من الجامعة لاتخليهم يصرفووونك انشب لهم في حلوقهم يخلصونك

وان كنت تعرف اي احد فالجامعة خله يروح معك وبيضبط وضعك على طول

اقول شكلي بنسخ الرد وبحطه موضوع من طوله

إقتباس الرسالة الأصلية كتبت بواسطة مَاهِينُورْ متابعه منوّره المجلس بعودتك الحمد لله على السلامة

النور نوركم يا بعدي
الله يسلمك ويخليك
ترى سلامك وصل

إقتباس الرسالة الأصلية كتبت بواسطة U S A M O V I C هلا ازيكم ؟ احوال الدراسه ؟ انا فيه شي لابشني ومطلعلي قرون

وشو اللي لابشك وانا اختك

إقتباس الرسالة الأصلية كتبت بواسطة سكب ^^^^^^ شسمه بـ سألكم يا قويّين , التحويل من جامعة لـ جامعة الملك سعود متيسّر وإلا متعرقل لا من جدّ يعني كم النسبة المطلوبة ؟! و وشو الإجراءات ؟! أتحدّث عن أقسام الهندسة فقط

على حسب التخصص اللي تبي تحول له
لأن كل تخصص عندنا له طلبات معينة تختلف عن غيره .,
ادخل هنا وإن شاء الله بتلقى جواب لإستفساراتك

بالتوفيق يا دووب

مرحبا بالجميع

اشوف البنوتات منورات هنا عودا حميدا
شذى - ماهينور - متابعه - حتحت

إقتباس الرسالة الأصلية كتبت بواسطة U S A M O V I C هلا ازيكم ؟ احوال الدراسه ؟ انا فيه شي لابشني ومطلعلي قرون , الخط بالجهاز متغير وياليته متغير بخط واحد متغير بمليون خط وحجم , المصيبه بالمتصفح اغلب التغيير , استخدمت فاير فوكس وعادي ما بوه مشاكل , اصلا متصفحي اللي استخدمه ما يدعم عربي كيف بتتغير الخطوط , صراحه خلاص ما اقدر استحمل الفاير فوكس لا يطاااااااااااااااق , شوفولي حل لان اعتقد المشكله يا فيروس او مشكله بالاعدادات . see you

هلا بك اخوي
انا متصفحي اكسبلور مدري وش متصفحك انت
بس عند تعديل الخطوط من نفس المتصفح
نروح ادوات (tools) __> خيارات انترنت __> الخطوط
واذا بالجهاز كامل من لوحه التحكم

ان شاء الله ضبط متصفحك بعد اعاده التشغيل وماتحتاج حلول
واذا ماضبط شغل السياره وروح سو فورمات ويادار مادخلك شر

فهد
اضحك إلين ينفلق راسك يالتفخ
السؤال موب لي أبدًا , وإلا أحد يذوق حلاة البترول ويخلّيها ؟!
هذا واحد من اخوياي بيحوّل , ولا هو في البترول بعد , في جامعة أخرى لن أذكر نيمها

Z3eem ksa
يعطيك العافي يا أقوى واحد في الدوووونيا
شوووووووووكرن بـ حجم حبّي لـ فهد

إقتباس الرسالة الأصلية كتبت بواسطة حتى ظلالي هلالي سؤالي ../ الحين الوقت الي مايصلح يصلى فيهـ الصبح سواء الضحى او سنهـ الوقت من كم الى كم ..؟! ^ سؤالي مو مفهوم ادري بس الي فهم يجاوب والي مافهم الشكوى لله يدعي للجيل القادم الي بيطيح بايدي

الوقت من طلوع الفجر الى ان تشرق الشمس وترتفع ( قيد رمح ) ..
وعاد مدري كيف احسب قيد رمح ..

إقتباس وشو اللي لابشك وانا اختك

وش موقع هالرد من الاعراب ؟

إقتباس هلا بك اخوي انا متصفحي اكسبلور مدري وش متصفحك انت بس عند تعديل الخطوط من نفس المتصفح نروح ادوات (tools) __> خيارات انترنت __> الخطوط واذا بالجهاز كامل من لوحه التحكم ان شاء الله ضبط متصفحك بعد اعاده التشغيل وماتحتاج حلول واذا ماضبط شغل السياره وروح سو فورمات ويادار مادخلك شر

المشكله عامه عالجهاز يعني الخط منسدح يمين شوي بكل شي بالجهاز, ولا كمان احيان خطوط تلاقيه مكبرها مدري على وش .

تازمت جد والله

الفورمات بالرغم من ان جهازي فاضي لكن ما احبه ابدا احس اللي يسوي فورمات يعني جهازة شيب وخرف .

إقتباس الرسالة الأصلية كتبت بواسطة سكب ^^^^^^ شسمه بـ سألكم يا قويّين , التحويل من جامعة لـ جامعة الملك سعود متيسّر وإلا متعرقل لا من جدّ يعني كم النسبة المطلوبة ؟! و وشو الإجراءات ؟! أتحدّث عن أقسام الهندسة فقط

صباح الخير ..

ياخوان واحد من المقربين لي , نحييييف جداً , ووده يسمن لو يدفع راس ماله
طبعاً من ناحية الاكل ماشاء الله مو مقصر , ياكل حق 3 اشخاص ..

المهم .. استخدم حبوب وسمن لكن صارت الحبوب مضره جداً ومنعت من الاسواق ..

والحين نفسه بحبوب أي نوع آخر .. بس يسمن ..

اللي عنده اسم حبوب يفزع لنا .. ويكسب في الولد اجر ..

ودمتم بخير