السلام عليكم.
أرجو عدم الشماتة من البعض
.
أخواني وأخواتي.
وصلت لهالعمر الله يحفظني وأنا ما أشرب من أنواع القهاوي إلا القهوة العربية.
يعني قهوة مو مبهرة بالهيل والزعفران لاتقربونها مني.
لا بلاك كافي ولا قهوة تركية قهوة عربية ولازم تكون بالدلة
.
فجأه قبل يومين الراس كان مصدع وياحليلك يبو محمد من هالصداع كلمت الريسبشين قلت عندكم بنادول قال مافيه .
طبعا بما ان الي في الريسبشين مصري فلا بد يتفلسف
.
سألني أبو محمد عندك صداع .
بكل برائه قلت له إيه
.
قال حاخلي العامل يعملك فقال أهوة تركية يزبط دماغك
.
قلت أنا وش تركية اللهم لك الحمد
.
قالي .قرب وشوف .
قلت يخوي ريحتها ما أواطنها تبي اشربها.
المصري بكل برود اشرب وشوف.
ويجيبون لي فنجان صغير من القهوة التركية.
أول رشفة باقي ماتاقلمت
ثاني رشفه واو
ثالث رشفة يالبيه
رابع رشفة خلصت الفنجان وطلبت كوب اكبر
حقيقة ما توقعتها بهالروعة وفوق هذا الصداع راح.
بس حسيت راسي راح وانحط مكان بلكة من ثقله
,
مالكم بالطويل لو أني كاتب موضوع اشرف لي
.
الحين صرت لازم كل يوم على الفجر او اول ما اصحى اشرب لي كوب قهوة او كوبين والادهى والامر اني شكلي ورطت.
السؤال الآن.
هل الافضل القهوة التركية أم البلاك كوفي.
وماهي أفضل انواع القهوة التركية والقهوة الامريكية.
وما هي افضل الكوفيهات التي تعمل القهوة التركية بالرياض.
مودة واحد ادمن على القهوة التركية
وشكلوا بااعتمد أولمبيس
و احب أجلس ما قبل الأخير احيانا اصير في الصف الخامس أو الرابع إستحاله الاول أو الثاني 
فزعه الزعماء تكفوون 
الوضع العادي
