|
اتوقع خطة المدرب.. العقاب انتهى اول مرة اعرف مدرب يهتم بالتأديب اكثر من المستوى.. أكيد خالد حريص عالمستوى والغياب ضروف.. |
السلام عليكم .. عزيز كثرت اخطائه .. ولم يجد رادع لها .. هذا هو السبب ولو وجدت الاداره والمدرب تجاوب من عزيز .. لعاد عزيز الى القائمه الهلاليه |
اما ننسقه والا نحطه بقائمة الانتقال انت صاحي ترا هذا ابو العزمو حيالله بعدين المدرب حر بكل اللي يسويه اذا كل ماغاب لاعب والمدرب سكت عنه راح يتمادون الاعبين انا من اشد المؤيدين لضرورة وجود عزيز بالتشكيله واحيانا يتأثر الهلال بغيابه وحتى المنتخب تأثر وكلنا عاتبنا كوزمين يوم ابعده الموسم اللي فات لكن لازم يعاقب عزيز لانه تكرر منه هالشي كثير لاهي مره والا ثنتين واظن ان عزيز لعب اليوم وان شاءالله نشوفه اول واحد بتشكيلة الهلال ضد النصر ونتمنى انه استوعب الدرس لانه والله لاعب عزيز على قلوبنا والا ودنا يحرجنا بتصرفاته يعطيك العافيه |
قرار المدرب سليم وصح 100% لانه مدرب محترف وقدير وبعدين مدرب جديد على اللاعبين ولازم يكون صارم من البداية حتى كل اللاعبين تحترمه دمتم بود؛؛؛ |
الحمد الله على الفوز يا رب الحمد الله على الفوز يا رب الف مبرررررررررررررررروووووووووووك الفوز يا جماهري الهلال بالتوووفيق للهلال ان شاء الله |
خالد عزيز غاب عن التدربيات حلوة لاعب غايب عن التدريب وتبغونه اساسي ولاعب يحترق ويتدرب ويجي في عز الحر ولاعب يغيب عن تدريب ويضمنها اساسي انا لااقصد عزيز انا اقصد لاعيبه كلهم عزيز غاب عن تدريب بدون عذر فيما محمد العنبر اعتذر في احدي التدربيات عن الحضور بسبب ان سيارته خربانه وقبلت عذره الاداره انا مع العقوبه لاي لاعب كان عزيز او غيره اهم شي الانضباط عشان اذا شارك الا هو محترق على المشاركة ويحرث الملعب حرث عشان الفريق |
اقول الحمد لله انك موب مدرب الهلال كان خليت كل شي داج وهاج ........... وسالفتك يوم تقول لاعبينا مزاجيين مايعرف الأحتراف موب كلام هذا المفروض تكد خضير المخسوع الين يعرف الدرب زين والاحتراف موب تعطيه حلاوه مصاص وتقول خلاص حبيبي نم رح تعال ومتى ما خلصت تعال تدرب معنا لا لا لا لا لا لا والف لا الا المفروض ان مع غيريتس خيزران ويبطحه ويجلده الين يعرف عزيز الحضور بدري واصلا عزيز طولها موب الاولى يسويها واذا ما واضبط اللاعبين كثير ومثل تفاريس راح ونسيناه وعوضنا ربي بأبو كلبشه ............ تقبل مروري |
ولا يهمك اخوي بكلم شبيه الريح يلغي عقد جريتس ويخليك بداله يكفي الموسم اللي راح ومشهد الجمهور بعد الخروج الاعيبه كلهم خيبوا ظنه والموسم هذا بعد كلام سمو الامير يوم قال جميع الصلاحيه لجريتس كل الاعيبه التزموا ماراح يلعب الا اللي يحترق لاجل الشعار وهاذي تكفي لا انا ولا انت احسن من جريتس اكبر مثال الشلهوب وينه الموسم اللي راح والحين اساسي مع الفريق اهم شي الانضباط |
إقتباس:
حآسب على كـلامـك ، مانبي ننتقد على المدرب ببداية الدوري حآسب المدرب عند الخسآير " فهو يتحمل المسؤليه الكآملـه .." وانت مآتدري بالضبـط وش ذنب عزيز هل هو التاخير والغياب المتكرر او خطئـه المشهور الي باسبابه طآر دررع الدوري علينآ العآم ولله اعلم بالخآفي وشاهدنآ عزيز اليوم يدخل بديـل وان شاء الله مع الوقـت تشوفه بالاساسيــه كل التوفيق لزعيـم وقيريس |
لآزم يعآقب علشآن يكون عبره والكل يعقل ويآخي هو آعرف فيك واعرف في الفريق .. تبيه يضحي في الفريق علشآن لآعب .. سلآمآآت .. يآآخي وش تبي آنت . .!! |
كلآآآم سليم يااخوي انا معك 100% لان العقوبه كذ1 ماتكون للاعب تكوون للفريق كاامل يااخي طيب الاعب اخطأ اخصم من رااتبه ولا اي شي بس مو ابعـآآآآآد....! ومشكوور اخووي ع المووضوع الاكثر من رآآئع:) |
اما سالفة يخليه يروح فكثر منها :( الله يهديك ياشيخ وراك معصب .. ؟!! عزيز اخطا و عاقبه المدرب و شفناه الليله كيف نزل في الملعب وفرحنا كلنا .. وربي ان فرحتي برجعه ابو الجوهرة كبيرة و انا من اشد القائلين بان مايسترو الوسط الاول في الهلال هو خالد عزيز .. و بعدين اذا تبي الصراحة العقوبة ياعزيزي يتخذها المدرب حسب مايراه و انا مااتوقع ان جريتس راح يتخلى عن خالد عزيز وهو في امس الحاجة له يعني هو ابعده و هو عارف متى بيرجعه .. يعني حط في بالك انه ابعده في اول مباراتين و رجعه في الثالثة لانه يحتاجه وبقوووة كمان و انا كلي امل اني عزيز يواصل في كل المباريات الجاية لانه مصدر ثقة وصمام امان قدام السناتر ... دمتم زعماااااااااااء |
إذا كانت هذه رؤية جيرتيس في العقوبات فهنا نهاية نادي إسمه هلال !! صح ان خالد عزيز له وزن في الفريق لكن مو ان نادي الهلال ينتهي نادي الهلال لا يتوقف على لاعب واحد وفيه اسامي كثيره بدال عزيز رادوووي والغنام والبرقان |
أول شي فيه كلمه قالها أبن مساعد نهايه الموسم الماضي وأول ماتم التوقيع مع جيريتس . قال الاعب الغير منتظم سيكون مكانـه المدرجات ولن يتم تنسيقه أو أنتقاله لأي فريق وخاصه لمن هو مرتبط بعقد رسمي يعني بالعربي أنضبط أو أنهي حياتك بالملاعـب بنفسك وأقطع رزقــك !! أنـا معك لو عزيز قرب يدخل الـ6 شهـور لنهايه عقده فمن المفترض أننا نهدي الأمور ونحاول ننهي الأمر بأقل الخساير لنــا !! لكــن عزيـز عقـده متبقى منه على ماأعتقــد موسمين !! صدقني عزيـز حاسبهــا صــح وراح يرضـخ لأي عقوبــه لأنــه مضطـر يسـوي كذا !! وبعديــن يغيب عن تمريـن أول الموســم ولا يجيــك قبل مبـاراه نهائيــه ويسحــب عليـك عاد رقعهــا !! أكثر واحــد يحـب عزيــز هــو أنــا والدليــل أنـي أتمنــى يعاقــب عقاب قـوي ليعـود أفضل !! |
انا مع المدرب واللاعب اللي يشووف نفسه كبير ويحاول يتأخر وا يماطل الاحتياط مصيره وكثير لاعبين مميزين يتمون ارتداء شعار الهلال |
| الوقت المعتمد في المنتدى بتوقيت جرينتش +3.
الوقت الان » 05:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd