|
بالعكس انا مع توجه قيريتس هو مدرب كبير وعارف وش يسوي أهم شي الإنضباطيه وخالد عزيز صحيح انه لاعب كبير بس كلنا نعرف انه غير منضبط واقول كذا عشانه صار له أكثر من موقف زي كذا ولم يعاقب عشان كذا تمادى بس بإذن الله راح يعرف انه غلطان وما راح يكرر الغلط مرهـ ثانيه .... بالنسبه لحاتم بن عرفه انت تقول :(حاتم بن عرفه لاعب متحرف وانتم تعرفون احتراف لاعبيننا كيف ) طيب ليه ما يصيرون لاعبيننا محترفين مثل لاعبين أوروبا ..؟ وهذا اللي بيحصل مع قيريتس بإذن الله ... آسف على الإطاله وبالتوفيق للزعيم ... |
كلامك صحيح وليس معنا هذا انه خطا كبييير يعني خطا بصيط بس ارجو منك انك لا تستعجل على احكام المدرب الهدوء في مثل هذي الامور مطلوب |
خالد عزيز .. نهائي الهلال والشباب كأس الدوري سحب على النادي وغاب عن المباراه والله واعلم وين كان خالد عزيز نهائي الأتحاد العام ضيع المباراه بسبب تافه ماله داعي خالد عزيز سحب على التمارين وغاب بدون عذر وكل هذا تبونه يلعب ندري انه لاعب له ثقل في الفريق لكن وش نسوي حبيبي مانبي لعبيتنا مثل نور شف وش سوى بالاتحاد .. لواي ذراعهم |
ياخوي المدرب في فرنسا معروف في عصبيتة معاقب بن عرفة شهر والحين خنى يوم عاقب خالد عزيز بدى كل احد طالع علينا بموضوع ليش وليش خلاص مدرب هو ابخص مني ومنكم ومشكور اتمنى كلامي يوصلك |
لا عادي زي توقيف حاتم بن عرفه وربي يوفق الهلال في كل مكان وفي اي زمان |
اذا ما عوقب بهذه العقوبة فهي بداية التسيب بالهلال وبداية النهاية اترك العاطفة جانبا واجعل للقريبين من النادي يعملون عملهم دمت بحفظ الله |
عليكم السلاااااااااااااااام ورحمة الله وبركاته كل عام وانت والجميع بخير تقول بارك الله فيك: الوضع زاد عن حده ، واصبح يحتاج إلى تدخل إداري لاعب يغيب عن تمرين صباحي ، بسرعة البرق تقترب نهايته !! وأقول: هذا كلام المفروض يتم توجيهه للعب اللي أخطأ بغيابه ، وليس للمدرب اللي أتخذ الإجراء ردّة الفعل تقول بارك الله فيك: بالمناسبة العقوبة ليست لخالد عزيز بل للهلال ممكن يتأثر خالد عزيز ولكن المتأثر و الخاسر الأكبر هو الهــــــــــلال !! وأقول: الله يسامحك بس ... أعتزل العمالقة مثل صالح النعيمة والثنيان والذيب ... ومع ذلك الهلال يرجع أقوى وأقوى ولله الحمد وتزيد عدد البطولات تقول بارك الله فيك: نعم للعقوبة والتأديب ، ولكن ليس بهذه الصورة إذا كانت هذه رؤية جيرتيس في العقوبات فهنا نهاية نادي إسمه هلال !! وأقول: بل على العكس ... المفروض العقوبة لا تقل عن هذه الصورة .. وذلك لضرب المثل باللاععبين الأصغر في الفريق عن مدى جدية العقوبة .. حتى بالنسبة للاعبين كبار ودوليين مثل عزيز أما نهاية الهلال وانا أخوك فهذا أمر مستبعد بإذن الله على الأقل في المستقبل القريب تقول بارك الله فيك: بعض الجماهير يشد من أزر المدرب في إتخاذ هكذا عقوبات في إعتقادهم أن اللاعب قد يتأدب من شدة العقاب !! ولكنهم نسوا أن اللاعب بشـــــــــــــــر وقد يتضجر أو يمل ، وبالتالي لا ندري ما هو المصير !! وأقول: هذا الموقف الطبيعي والمنطقي ... انا اذا جبت مدرب محترم ومحترف حقيقي ومكلف الشيء الفلاني ... يجب اني أترك له الحرية في إتخاذ القرار... والا أجيب واحد دلخ زي العجلاني الله لا يعيد أيامه واسوي اللي أبي ولاحظ وانا أخوك ان باقي اللاعبين في الفريق أيضاً بشر مثل عزيز يعني ليسوا بكائنات فضائية .. ماعدا ويلي ماشاء الله عليه :) .. وعندهم ظروف ايضاً خاصة السعوديين منهم ويمكن ظروف بعضهم أسوأ من ظروف عزيز..ومع ذلك منضبطين..الا من رحم ربّي تقول بارك الله فبك: ولكن بعقوبات جيرتيس و الله لا أعلم ما هي العواقب !! والله يجعل العواقب سليمه وأقول: العواقب مزيد من الإنضباطية بإذن الله وبالتالي مزيد من المكاسب للفريق تقول بارك الله فيك: سؤال يدور في ذهني لو لا سمح الله ، يتعرض خالد عزيز لظرف يحرمه من المجي للتمرين ( بدون قصد ) ??? وأقول: كويّس انك حطيت بدون قصد بين قوسين .... لأن التكرار عند ابو عزيز يكاد ينفي هالملاحظة ومع ذلك لو حصلت..ممكن يتم مناقشته والتأكد من ظروفه وبالتالي التجاوز عن عقابه من قبل المدرب.. او يتخذ الأصلح حسب صلاحياته ختاماً بارك الله فيك اذا كنت تعرف اللاعب فأتمنى انك تنصحه انه ينضبط حتى لا يكون مصيره مثل مصير الغشيان والا الجمعان لعيبه ممتازين جداً فنيّاً .. ورايحين فيها جداً إنضباطياً واذا كنت ماتعرفه ... فانا اتمنى يقرأ هالموضوع ويفهم كيف ينظر له الموج الأزرق عزيز لاعب كبير وعنده الكثير يقدمه بإذن الله اذا انضبط وتخلى عن بعض قناعاته وقدّر النعمة اللي هو فيها يلعب في فريق يتمنى أي لاعب سعودي انه يحصل على تجربة فيه ... مهوب عاد أساسي والله اني أحب هاللاعب وأحب لعبه ..... لكن أحب الزعيم أكثر وابحث عن مصلحته وفي الختام ... السلام عليكم |
عزيز يستاهل وهو صار كبش الفداء للمدرب عزيز مزاجي وخل المدرب يضبطه صح لان لو سمح لعزيز وتغاضى كان انفرطت السبحه مع اللعيبه الباقيين اللي يغيب واللي يتاخر وبالتوفيق للهلال:alzaeem: |
بصراحه يشكر السيد جيرتس في شدة العقوبه على هذا الاعب كثير المشاكل المدعو خالد عزيز والذي لم يجد من يردعه فاستهان بالامر وكثرت مشاكله بصراحه السنه الاولى من تولي الامير عبدالرحمن لاحظنا الدلال والتدليع لجميع الاعبين وهذا انعكس سلبا على الفريق فلاحظنا الاستهتار والاسواء من هذا لاحظنا العب بدلع وبدون روح قتاليه كون الاعبين النجوم ظامنين بأنهم لن يتعرضوا لعقوبه ومهما كان مستواهم سيء فلن يجد الفريق افضل منهم وهذا لاحظناه خصوصاً الموسم الماضي في طارق التايب وخالد عزيز وياسر القحطاني ولكن الامر الان اختلف واعترف الامير عبدالرحمن بخطأه في تدليع هؤلا وانه ما ينفع معهم الا العين الحمرا عشان يمشون صح وهاهي السياسه الجديده يطبقها السيد جيرتس فلا دلع في نادي الهلال بعد اليوم ومن يريد من الاعبين الدلع قليذهب عند امه تدلعه كما يريد فمن لا ينظبط في التدريبات ويحترق من اجل الازرق فسيرى ما يسوئه وكما قال سمو الامير عبدالرحمن ((سيكون مكانه بين الجماهير ولا حاجة لنا به في دكة الاحتياط)) |
هذي وجهة نظر المدرب وهو ادرى بمصلحة اي لالالالالالاعب واي عقوبه تصدر للاعب شووفوووا وش سوا ولا نحكم لاجل انه لاعب صلب وانه فناااان نريد لاعبين محترفين لا نريد لاعبين تحضر متى تشاء وتتغيب متى تشاء نريد حضور وحماس للاجل البطولالالالالالات |
إقتباس:
|
كل ما يفعله المدرب نحن راضين عنه تمام الرضى طالما رئيس النادي وضع كامل الثقه في المدرب يجب علينا ان نقف بجانب شبيه الريح والذي لا يخدم النادي مكانه المدرج كما قال شبيه الريح |
النسبة للاعب مارسيليا بن عرفه وعقوبته فهنا لابد أن نتذكر شيء مهم جدا وهو أن بن عرفه لاعب محترف ونحن نعرف العقلية الإحترافية عند اللاعبين الأوروبيين تختلف كثيرا عن اللاعبين السعوديين للأسف اللاعبين السعوديين مزاجيين وكذلك ليست أصابع اليد متشابهة فــ خالد عزيز له طبعه وتفكيره الخاص فيه كما هو الحال لـ بن عرفه .. وقد يكون الإختلاف من حيث طريقة التفكير والعقلية لدى اللاعب ... انت ترد علي نفسك بهذا الكلام . انت ونحن وجميع الجمهور الهلالي يريد فريق محترف بمعني الكلمه . اما اذا تريدنا مثل الحواري شي ثاني. عندما اكون مدرب وابني خطط الفريق علي لاعب مثلا ويتغيب كيف تريدني اعتمد عليه . |
الا يعجبك المدرب اللي يسوي زي كذا أجل يخليهم على راحتهم وياخذون الدعوه مرح ولهو لا أنا صراحةً يعجبني ذا المدرب لما اراه من قرارات قوية مانيب لاقين مدرب مثل هذا صراحة |
أخي وعزيزي صاحب الموضوع ** خالد عزيز أخطأ وأنت تتفق معي على أنه يستحق أن يعاقب. ** رئيس النادي قال بأن العقوبات والقرارات التي تخص اللاعبين متروكة للمدرب وأنا أرى أنه مصيب في تسليم الأمور للمدرب للأسباب أدناه:- 1- حتى يتحمل المسؤلية كاملة عن النتائج ولا يكون له أي عذر.<< هذا يكفي ولكن.. 2- هذا النظام معمول فيه في أكثر الأندية الأوربية وخاصة الناجحة منها. 3- المدرب كان لاعب سابق ويعرف تماما التعامل مع اللاعبين. ** بالنسبة لمدة العقوبة ، فكر معي قليلا.. اللاعب لم يغب سوا عن مباراتين مع أندية ضعيفة وإذا لعب في مباراة الوحدة (ربما) يرد إلى ذهنه بأن المدرب لايستطيع الإستغناء عنه في المباريات الهامة والصعبة. ** عندما يتعامل المدرب مع اللاعب كلاعب ليس أوروبي فهذا يزيد من استهتار اللاعب ويساعد على عدم الإنظباطية.. ولاحظ عزيزي الإنظباط المنقطع النظير من بعد تلك الحادثة. ** بالنسبة للخسائر المادية ، فاللاعب حسم من مرتبه الشهري. الإختلاف في الرأي لايفسد للود قضية .. :rose:لك ودي :rose: ولكن تذكر سيعود عزيز بإذن الله أقوى من ماكان عليه. |
| الوقت المعتمد في المنتدى بتوقيت جرينتش +3.
الوقت الان » 05:06 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd