قول اتركوو جيرتس في حاله

لاتتدخل في عمله وهو يعطيك

العقوبه اللي اخذها عزيز يستاهلها

لإن عزيز بصراحه لاعب نجم ونجم بقوه

وغلطت الشاطر بعشره

انا اتوقع إن عزيز بيعوود بقووه وبسرعه البرق للنجوميه

وسيصبح هداف ... مع جيرتس



انتظرووه جاتوزو العرب


وبعدين جيرتس صحيح عاقب عزيز

لكن مامنعه من التدريبات او قال اشطبوه لي

هو قال اللاعب اخطأ وعاقبته


وبعدين خالد عزيز راح مع البعثه للطائف

يعني ريح رااسك وريحونا من الاقاويل والاشاعات والتكهناات اللي مالها لزوم خصوصا داخل الفريق

انت مشكلة تفكيرك انك تفكر بالجانب الانساني اكثر من الجد والاجتهاد


ياخوي عزيز لاعب لازم يتأدب خله ياخذ حقة ((لاتنس بن عرفة يوم كان بمرسيليا وش صار فيه

حبيبي

خالد يستاهل ماجاه

وانا من الاول ابي مدرب يعاقبه مثل كذا

لانه سواها فينا مرتين قبل الاولى في النهائي والثانيه الكرت الاحمر

يعني لو ماجاه عقاب مثل كذا

صدقني ماراح ينردع

ولاهو خساره ع الهلال ولا شي

الهلال مايوقف على لاعب واحد

وخاصه ان خطه المدرب ماتحتاج عزيز

لان رادوي قائم بالاجوار الدفاعيه والهجوميه بعكس عزيز

وليس انقاص في عزيز ومستواه بس هذا الحق

احسن كي تكون عقوبه صارمه وامام الجميع فالزعيم ليس به كبير

والله يستاهل العقاب ... لتكون عبره لغيره .. لكن المشكله ان اللاعبين المتميزين في الانديه السعوديه في الفتره الحاليه قليله وينعدون على الاصابع ...

عكس الفرق الاوربيه وييجيك مدرب مغمور متعود على العقاب ويطيح في يده لاعب متميز سعودي .. بكره اللاعب يخسره النادي ويروح نادي آخر بمبلغ وقدره . والضحيه النادي وجمهوره .

شدني كثيرا ضم خالد عزيز مع الفريق واعطاءه فرصه مره اخرى
كل التوفيق لك ياكابتن في مبارة الوحده وبإنتظار ابداعك.. هذي فرصتك لتصحيح الخطأ ..

لا ابشر بالخير عزيز راجع للزعيم الليله

وكلي امل بالله بالفوز الليله

:


خالد عزيز نال ما يستحق
و إن شاء الله ينضبط كـ بقية اللاعبين :)

:

خــالد عزيز استحق العقوبه بكل تاكيــد
بس مو لهالدرجــه
انا اتفق معاك

عزيز لاعب كبير ومكسب لاي نادي
ونتمنى مانخسرهـ

الله يكتب اللب فيه خير للهلال..

علهااا خيره ...


.............

آخَوي المدِرب [ آبخص ] ؛ وآدِرى بآللَي يسِويه !

انا لا أؤيدك أبداً ..

وخاصة مع لاعب مثل خالد عزيز ..

اللاعب عمل ما لا يعمله أعداء النادي !!

وصدقني المدرب أحرص على الهلال منك .. ومني .. وهو أحوج لكل اللاعبين .

لكن أقول لك .

رئيس الهلال .. محترف
مدرب الهلال .. محترف
مدير النادي .. محترف

هؤلاء يعملون باحترافية .. ولم يبقَ إلا أن تكون بعض الجماهير أكثر عقلانية ..

اخوي عزيز مو اول مرة يسويها نسيت حركته في نهائي ونسيت نحشة يوم نهائي قبل كم موسم ونسيت نحشتة من معسكر المنتخب
عشان كذا لازم يسوي عقوبة عشان يتأدب ............. لا تحسب اني قلت كلام اني ماحب عزيز والله انه يعجبني لعبة وقتاله على كوره بس الحق حق وشكرا

السلام عليكم
هذا مو عذر يا اخي الكريم
يجب على اللاعبين تطبيق الاحتراف وتغيير المفهوم الرياضي السائد الذي دمر الرياضة السعودية
فـ الالتزام في التمارين اهم اسباب النجاح الرياضي
وانت يا اخي الكريم يجب ان لا تفتح المجال لمزاجية اللاعبين التي تتحدث عنها
فـ تخيل ان المدرب لم يعاقب خالد عزيز وفي اليوم التالي تأخر احد اللاعبين وتمت معاقبته ؟
ما هي ردة فعل اللاعب الاخر ؟
يجب ان يكون هناك عقاب مع بداية الخطأ لكي لا يتكرر لاحقاً منه او من لاعبين اخرين !!




انت كمدرب تريد ان تعمل وتنجز يجب ان يكون اللاعبين منتظمين بالتمارين
كما يقال ان التمرين هو الدراسة والحفظ والمباراة هي الاختبار ..
فـ كيف لطالب ان ينجح اذا لم يدرس جيدا قبل الاختبار أو غاب وتأخر عن الحصص الدراسية!؟
وان كان هناك لاعب لم ينضبط بالتمارين ومواعيد التمارين فـ اعلم انه لن ينضبط في المباريات !!




ثانيا ان كان لي عتب يا عزيزي فانا اعتب على وقت طرحك للموضوع
فـ امام الزعيم مباراة مهمة مساء اليوم ونحن هنا نتناقش عن ضم لاعب واستبعاد لاعب
وجهة نظري ان طرح هذا الموضوع كان يجب ان يكون في التوقف القادم بعد مباراة النصر !!
ولك جزيل الشكر ..

برآفو ، آختصرت الكلآم بـ [ كلمتين ] ، يبي له عِقآب عَزيز عشآن مآيعِودهآ ، وجريتيس آدرَى بمصلحِة اللآعِب وآلهَلآل آيِضآ !

لا بالعكس اللي يسويه صح ،، نضحي بواحد عشان الثانين ينضبطون