إقتباس الرسالة الأصلية كتبت بواسطة الأزرق الخلاب ** ماجد المرشدي في العام الماضي أجبر أولاريو كوزمن على إبعاد كابتن منتخب بوليفيا عن الفريق الهلال العام الماضي وإستبداله برادوي , ذهب مع المنتخب ولعب أساسي ببطولة الخليج التي أقيمت بعمان وبالفعل كان نجم البطولة الأول وأتاه التكريم من أصحاب الشأن , ولكن من بعد بطولة الخليج مستواه غير ثابت , ولا أعلم هل هناك ظروف لدية أم هي كالعادة بروزه بروز نجم مؤقت فقط ؟؟ [/COLOR][/SIZE][/FONT][/CENTER][/B]

اتفق معك المرشدي من بعد بطولة الخليج مستواه متقلب الله العالم
وبخصوص عزيز اعتقد ان اللي جاه كفاه وننتظر عودته على احر من الجمر

الا خله عمرهـ ما يفهم خالد ذبحنا تقل يلعب في حارتهم ما يدري انه لاعب محترف

الا يعجبني غريتس خله يادبه ويعلمه كيف يكون لاعب محترف صحيح

انا مع قريتس لو مايلعبه الا الدور الثاني او الموسم الجاي

بعدين الان حنا نلعب بمحور واحد مع قريتس خطة هجومية نار ياحبيبي نار

أهنيك على قلمك

لكن اتمنى عزيز يستفيد من أخطائه ويصححها وانا متأكد اذا جلس بالأحتياط كم جولة راح يتعدل

اما بالنسبه لجيرتس ماأتوقع انه خلى عزيز يجلس كل المدة هذي عقاب بل انه لا يستفيد من وجوده لانه راح يلعب بمحور واحد ورادوي هو الأكفئ بالمركز هذا


دمتم

سياسة جيرتس حلوة..
ان شا الله يرجع خالد افضل من اول..

كلامك كل ممتاز جدا جدا

ولكن ضع فرصه لكي تعود المياه الى مجاريها

مثل خالد عزيز ذلك نرجو اعطائه فرصه وشكرا

عزيز اخطأ بحق الهلال مرة واحدة وهي بمباراة الهلال الشهيرة..!

بمباراة الإتحاد مااشوف انه متعمد .. يعن هل متفق مع البلوي ان هزازي يطيح وهو يضربه ؟ وراسمين الخطة لهالشئ؟

عزيز لاعب كبير وحنا مع المدرب ... مع توقعي بأنه راح يلعب بمباراة الوحدة..!

السلام عليكم

كل عام وانتم بخير

انا معك في انه العقاب زاد لكن ياليت الشباب يعرفون انه العقاب علشان الواحد يراجع حساباته

ويظهر للجميع انه ماراح يكرر الخطأ

بس اتوقع

انه المدرب ما رجع خالد لانه ما شاف حماسه للعوده

وفيه لاعيبه يغطون مكان عزيز


فيه مثل يقول اللي تكسبه العبه

يعني ماله داعي يلعب لاعب ما عنده حماس مكان لاعب يقنعه بحماسه

وأعيد وأكرر بأن ماأقصده أنا إنه يتم إيقاع العقوبات على اللاعبيين ولكن لا يكون الهلال أحد المتضررين ..

بصراحة خالد عزيز يستاهل

مستواه نزل كثير عن أول

وكل مباراه لازم ياخذ كرت اصفر

غير الحركات اللي مالها داعي

خلوه يتأدب شوي ..............

مشكور على موضوعك اخوي الرائع ..الكابتن خالد .يستاهل العقاب ... كابتن يعد من اهم ركائز الزعيم لابد من اهتمامه بنفسه ولتاريخه وتخليه عن زلاته ..

من وجهة نظري اولا/ اللاعب واضح تأثره بالهزيمه في النهائي امام الاتحاد .
وثانيا/ تأثره بنقل صوره عنه كامله للمدرب جعلت اعين المدرب تراقبه جيدا .. وثالثا / ابداع اللاعب الاجنبي المجتهد رادوي في مركزه كل هذي سببت له ظغوط .. والمفترض ان يستغل الموقف ويجتهد كثيرا ويثبت للمدرب العكس ..


كل ما اخشاه تغير مستواه في ظل غيابه عن المبارايات... ومدربنا القدير لا يجامل ونهج طريقه تغنيه عن خدمات عزيز الذي لا نستغني عنه.. لكن هذا المدرب ونهجه.
ولا اشك بقدراته مدرب مغمور يستحق الاشاده فيه .

سيأتي يوم سيحتاجه الزعيم ولابد ان يكون اللاعب جاهزا بدنيا ومعنويا ..اتمنى عودته سريع في التشكيلة الاساسيه ا وان يكون هذا العقاب خيرا له وبداية تصحيح وان يكون مجتهدا في التمارين ويثبت للمدرب انه يستحق اللعب ..

نصيحه لك ياكابتن خالد من كل قلبي لا تضيع مسيرتك الحافل بإنجازاتك مع الزعيم على حساب زلاتك ولا تسلك طريق الاخرين وابتعد عن عنادك وابدع في محورك .. صدقني مايعاملونك فيه هو من حبهم لك ورغبتا في إنتظامك يريدون مصلحتك ...لاتنسى فجمهورك العزيز يحتاج لعودتك ...

.. مشكور ,, أبو فهد ,, على طرحك الرائع ..

ومدربنا × جريتس × يعرف ماذا يعمل .. وكلنا معه في قراراته ..

وإن شاء الله سيعود ؛ خالد عزيز ؛ أفضل من أول .. والأيام بيننا ..

بالنسبة للزعيم .. لن يتأثر بغياب أي لاعب مهما كان حجمه .. وأهم شيء الأنضباط.

كل جمهور زعيم 2/1 الأرض .. مع الإدارة والمُدرب .. ولا مكان لأي لاعب مُتاخذل غير مُنضبط بين الزُعماء ..

وبالتوفيق للهلال .. وإن شاء الله يفوز بكل بطولات هذا الموسم .. والله شبيه الريح ما قصر .. ويستاهل كل خير ..

بس الأهم من كل هذا دعمنا جميعاً بالملعب .. بالحضور والمؤازرة .. وإن شاء الله نحتفل بكل بطولات الموسم ..

ان شاء يرجع خالد افضل مما كان
والله اشتقنا لا ابو عزيز
خالد عزيز الذعار افضل محور دفاعي بالقاره الصفراء على الاطلاق
كم انا فخور ياخالد بأنك موجود بالخارطه الزرقاء
بالتوفيق للزعيم الازوري في حله وترحاله