|
تطبيل وحشو زائد كله علشان نقول الادارة مميزة والادارة ابخص يمكن اكثر موضوع تطبيلي شفته بحياتي في مختلف المجالات إقتباس:
هههههههههههههههههههههههههههههههههههههههههههه انا ما ادري كيف التجديد ( مع قناة زبالة والمسؤولين عنها عبارة عن خمام يعتبرون شعارهم اهم شيء ضد الهلال ) يعتبر ضربة معلم؟ انا اشوفها نكسة وخطوات للخلف انك تجدد للي يصفعك مرارا وتكرارا .. والمعلم اللي تتكلم عنه هل يرد الصفعة؟ عالاقل هل يبعد خده؟ لا .. ينصفع خده الايمن ويدير لهم الايسر .. ينصفع الخد الايسر ويدير لهم الايمن .. اجل ضربة معلم ؟ اتوقع ضربة شمس لها دخل بكتابة الموضوع .. ترا محنب واقفين على شارع بالجرادية ونشرب ميرندا تفاح علشان تلعب علينا بكلام فاضي مجرد حشو حتى الرد عليه بأدلة مجرد اضاعة للوقت .. انا ماتفرق معي لاني منيب مشترك ولا حتى بدعم الادارة اللي شايفة نفسها ابخص .. هي تحاول تبعد الجمهور مثل ماهو واضح .. ما ادري هل بيكون لها وجه تعتب على ضعف حضور الجمهور مثلا؟ ما استبعد يعني تبينا نننذل وننهان من قناة بمباركتهم ونجي نحضر .. طبلوا لادارتكم اللي مواريها بطولة وحدة كل موسم مع اهانة للجمهور بسوء التصرف وسوء الاختيار .. طبلوا لها بس لاتصيحون علينا لاشفتوا الجمهور ساحب عليكم ويتفرج المباراة عند المكيف وقدام الدريم بوكس وكوب الشاهي .. اقلها يكون معزز مكرم .. مايجي للملز الحرامية اللي مايبيعون التذاكر والادارة كالعادة ساكتة ولايهمها المشجع .. والاطفال بالمنتديات يقولون هذا جمهور الرياض رغم ان جمهور الرياض تم منعه من الحضور وسط سكوت اداري من النادي مادري هل تبونا نقول النادي لكم سوو اللي تبون؟ مستحيل النادي ماهو لكم .. النادي ملك لجمهوره وعشاقه وراح نوقف معه حتى بعد ماتتخلون عنه فيما بعد انا مشجع ادفع للنادي وادعمه .. انا ما اكسب من النادي اي شيء .. انا اللي يضيق صدري واتضايق لما يخسر .. انا اللي احضر للملعب علشان العسكري المتعصب لفريقه الاصفر يحاول يطردني من الملعب ويكرهني بالحضور .. انا اللي تتكلم عنه قناة ضربة المعلم وتحملني سبب خروج منتخب سلطان بحكم اني قلت حوبة كوزمين ولاحضرت اشجع سلطان ومنتخبه الله يعجل بهالسنة ويستقيل الرئيس ونشوف رئيس يدور مصلحة النادي وهيبته وجمهوره .. مايلاحق ضربة معلم مع قناة عبيطة تستعبط عليه ويسكت عن حق النادي .. نضحك على خبيلان يوم رد على يحلمون .. اقلها كان يدافع عن فريقه ويرد .. شوفوا الفقراوي كيف ماينداس له على طرف واحنا الله يكون بالعون بس الهلال لجمهوووووووووووره .. ماهو ملك لرئيسه |
بعد توقيع الاي ارتي مع الجزيره اعتقد هالموضوع اصبح غير مفيد والاداره غير معذوره نهائيا |
موضوع مميز واشكرك علية بصررراحة ملينا من art تكفون نبي حل |
مافيه اي حل آخر ..................!!!! |
الصراحة أخوي أنا اايدك في موضوعك .. بعد طرح سمو الامير : عبد الرحمن بن مساعد .. شروطة .. وأنشالله تكون القناة أفضل من الموسم الماضي .. تحيآتي |
بدينا بالطبطبة و التطبيل للادارة والتمهيد للتوقيع مع الحقيرة قناة العارتي ..وتطبيل = تثبيت للاسف في الموقع الرسمي !! على اي مشجع هلالي ان يقول خيرا او يصمت... شبعنا تطبيل وشبعنا من الامير عبدالله حسبة الكرامة الهلالية بالالة الحاسبة و بالفلوس لا والف لا لقناة العار نجلس عشر سنين بدون قناة اكرم مليون مرة وارحم لنا من الذل اللي شفناه من هالقناة الخبيثة قبحها الله والتي كان اخر جرائمهم تعاملهم مع خبر فوز سامي بتصويت الفيفا بحكم كونهم مشرفين على موقع الفيفا العربي الكرامة الهلالية لا تحسب بالالة الحاسبة يا عبدالله بن مساعد يا اخي افهمها ما نبي قناة اذا كنت بتحدنا على قناة العار والهلال وكرامة جماهيره ليس ملكا لعبدالله بن مساعد حتى يدوس على مشاعرنا و كرامتنا ويجلس يحسبها بالالة الحاسبة اذا ما قدرت توقع مع الجزيرة يا اخي ما نبي قناة ..ما نبي قناة .. وما نبي فلوس تجي من ورا بيع كرامة الهلاليين و جر انوفهم على تراب مذلة صالح كامل و عصابته هناك الف طريقة لانعاش الخزينة الهلالية بدون فلوس الذل والعار اللي من ورا صالح كامل وعصابته الله لا يوفقهم استثمارات الهلال ميتة ... وشبعت موتاً في عهد السيد سامي ابو خضير اللي ما ادري وش مؤهلاته وخبراته عشان يدير استثمارات الهلال حتى مبيعات القمصان والمنتجات الهلالية وهي ابسط طريقة لانعاش الموارد المالية الزرقاء فشل فيها فشل ذريع ..وللاسف هيئة دوري المحترفين قاعدة تترزق من منتجات الهلال لان ادارة الهلال نايمة في ستين عسل من ناحية ادارة استثماراتها الخاصة بكل اسف ورجاء عيب اللي قاعد يصير في حق كيان اسمه الهلال...عيب ان يلتصق التطبيل والتلميع باسم هذا الموقع اللي تاريخه وعمره اكبر من هالمواضيع اللي قاعدين نشوفها للاسف:alzaeem: |
الله يعطيك العافيه اخوي ::::::::::::::::::::::::::: |
كلاام سليم 100\100 واي ار ت هي الحل الأنسب بالوقت الحااالي... لان لايوجد أي قنااة تسااوي مميزاتها.. يعطيك العاافيه |
تبون الصراحه الجزيره افضل من الارتي ولا فرق شوي |
الله يعطيك العافيه اخوي كلامك سليم 100% وياليت بعض الاعضاء يستوعبون كلامكـ .. والي يقول الجزيره بتاخذ الحقوق !! لكم مني الدوري السعودي مارح يطلع من الأرتي لـو أيش !! والي مايبي يشترك براحتهـ لايشترك في القناة بس يدعم النادي بطريقتين حضوره لمباريات الهلال .. 1- يدعم الهلال 2- يكسب أجر لأن جزء من المبلغ تروح للأيتام او يحول رقمه لـ موبايلي - الموج الأزرق .. |
إقتباس:
للأسف البعض يستفزك لكي ترد بأسلوب لا تريده. للمعلومية أنا كعضو بالشبكة عضو جديد ومواضيعي تكون بالتقييم قبل أن تنزل لقسم الجمهور ولا اتوقع ادارة الشبكة مثل ما تقول بتثبته مجمالة .. إن كنت أنت خالفت رأيي فهذا من حقك ولكنك للأسف لم تقرأ الموضوع والعنوان لكي تعرف ماهو مضمونه. لست بحاجة لتكرار ما ذكرته بالموضوع وانني لا اريد الاي ارتي وان وان وان مليون مره ذكرتها . ناس تريد فرض رايها بالقوه وتعمل بسياسة ان لم تكن معي فانت مطبل للاداره. الادارة عاد درت عني وانا اطبلها . عجيب. |
الله يعطيك العافيه على الموضوع.,:rose: وش نقول ياارتي غير حسبنا الله ونعم الوكيل وكفى |
يجددون ولا مايجددون هم احرار وابخص بالنادي عني انا حفظت اموالي وركبت الدريم بوكس وجددو على راحتكم..انتم الادرى بما يصلح للهلال |
الله يعيننا على الارتي ................. |
طيب الهلال تعاقدخمس سنوات مع الارتي والاتحاد السعودي عقده موسمين فقط مع الارتي |
| الوقت المعتمد في المنتدى بتوقيت جرينتش +3.
الوقت الان » 06:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd