|
اللاعبين في اجازة... وانتم معيدين ...جاء دوري لاكتب بسم الله الرحمن الرحيم كل عام وانتم بخير واعاده الله علينا مراات عديده... بصراحة فيه عدة مواضيع تستحق ان يكون لكل منها موضوع مستقل بذاته لمناقشته بس بما ان الناس معيده والزوار للمنتدى قليل اليومين هذي قلت ابكتبها كلها في موضوع واحد بس على شكل نقاط سريعة ... تدرون وش اكثر شي يرفع ضغطي ؟؟؟ اللي يدخل ويكتب الله يعطيك العافية ويمكن انه ماقرا اصلا بس زيادة مشاركات ليش مادري ؟؟؟ نخش على اول نقطه: النقطة الاولى : التعصب النصراوي... لااخفيكم انني يوميا افتح المنتديين الازرق والاصفر ...اقراء الاول او مايهمني من كتابه ثم ابداء بالاصفر ... وهذه العادة السيئة بدأت معي منذ سنين ... لاحتاج ان اتكلم كثيرا عن روعة هذا المنتدى وحرص القائمين عليه على تميزه ومتابعتهم المتميزة لكل مايكتب ... ولكن ساتحدث لكم عن ماشاهده في منتداهم... الفاظ نابية لاتحذف ... مواضيع فضايح او مشاكل لخلق الله تثبت... عنصرية مقيته ... في احصائية بسيطة قمت بها ان نسبة 45% من مواضيعهم تتكلم عن الهلال .. بخلاف المواضيع التي عن التحكيم وضربات الجزاء كلنا نتذكر الامير الراحل عبدالرحمن بن سعود رحمه الله وتجاوز عن سيئاته.. هو اقدم رئيس للنصر وليس بالضروري ان اذكر لكم ماهي مقولاته الشهيرة سواء ضد الهلال او ضد الحكام او ضد الاتحاد السعودي .. ولكن اريد ان اصل الى انه والرؤساء من بعده قد ولدوا لجماهير النصر هذه الثقافة وانهم دوما مظلومون وان الهلال هو نادي التحكيم وان بطولاته كلها جاءت من هذا الطريق وان نجومنا ورقيون .. وهكذا . بينما تجد المشجع الهلالي عندما يخسر الهلال بمستوى سيء حتى لو كان لنا 3 ضربات جزاء فاننا نتكلم عن المستوى ونرفض مثل هذا الاداء دون ان نلتفت لضربات الجزاء.. لاننا يهمنا مستوانا وقوتنا .. بل ان لعيبتنا اقل لعيبة اعتراضا على الحكام وان كانت اخطائهم واضحة ... ليش ؟؟؟ لانها ايضا ثقافة . النقطة الثانية : يوسف الثنيان ... تابعت مايدور في الايام الماضيه عن النقاش البيزنطي عن مسمى الاسطورة بين سامي الجابر وماجد عبدالله واعتقد ان كليهما يستحقان الثناء ولكن اعتقد ان سامي هو نجم خارق بماحققه من انجازت وماجد هو سيد منطقة الجزاء ... ولكن لقب اسطورة ليس لقبا سهلا وبرايي حتى هذه اللحظة فالاساطير 3 مارادونا ويوسف وزيدان . النقطه الثالثة: عيوب اللاعبين (من وجهة نظري) لن اذكر ايجابياتهم فكفى المرء نبلا ان تعد معايبه.. وقد يكون احدهم هنا يتصفح هذا الموضوع ويفكر جديا في ماقول: 1- الدعيع : التردد في الخروج للعرضيات. 2- اسامه : سوء التمركز داخل الثمانطعش (احيانا ) 3-ماجد المرشدي: فاولات مالها سنع حول الثمانطعش. 4-الزوري : البطء في تخليص الكره بعض البرود. 5-الفريدي: البرود وعدم التمرير . 6-الشلهوب : عدم الاهتمام بالبنية الجسمية . 7- عزيز: عدم التركيز في تمرير الكرة . 8- ياسر سوء التمركز عند وجود الكرة في الاجنحة . وراك زعلت عاد ؟؟ ادري ان فيه لاعبين تحبهم مره وماودك نقول عنهم شي بس حاول تحب الهلال اكثر. النقطة الثالثة : ماذا ينقصنا هذا الموسم ؟؟ باختصار ينقصنا مهاجم اجنبي قوي جدا ومن مستوى ويلهامسون او رادوي وارى ان يكون بديلا لنيفيز حتى وان كان نيفيز جيدا ولكن اعتقد ان صناعة اللعب مطمئنة جدا بوجود ويلي والشلهوب والفريدي ... المحياني ممتاز جدا وياسر مافيه كلام بس نبي واحد يخلي الاثنين يتنافسون يلعبون جنبه. النقطة الاخيرة : ليش ترجم ؟؟ حضرت المباراة الاخيرة مع هجر في النادي بعد غياب دام حوالي 15 سنة عن الحضور للنادي ولفت نظري بعد المباراة قيام شاب هداه الله برمي قارورة ماء بعد نهاية المباراة على رجل الامن الوحيد الموجود في الاسفل وسمعته يقول لخويه اتحداه يلحقني .... ياخي ليش ؟؟ وبعدين ؟؟ ادري ان كثيرا من زوار المنتديات هم من المراهقين وهي سن حرجة لكن حتى اليابان عندهم مراهقين ومايسوون اللي نسوي .. يمكن كثير منكم تابع برنامج الشقيري خواطر وشفنا كيف الاحترام والادب عندهم ... اقول ياليتنا مسلمين بس يابانيين .. قفلة : مبروك الدوري باذن الله |
بصراحة مدري وين ابدأ معك 1- اوافقك في نقطة .. واخالفك في جميع الموضوع 2- [ هوساوي ] سوء تمركز .. والله غريبة .. لكن هل انت تقصد [ هوساوي ] الوحدة .. ولا [ هوساوي ] الهلال .. أنا برأيي أنه من غير المنطق أنتقاد هوساوي .. فهو لاعب تحدى حدود النقد .. ولم يجعل للآقلام الحاقدة اي مجال للتشكيك في مستواهـ 3- [ الدعيع ] من موسمين يمكن ما أخطأ الا مرة او مرتين في الخروج من المرمى .. وهذا خطأ عادي .. بس مو عيب 4- بالنسبة لجسم [ الشلهوب ] .. الواحد ما يقدر يطول نفسه على كيفه .. اذا كنت تتحدث عن العضل .. [ الصويلح ] و [ الشلهوب ] نفس الطول .. وعليك الحكم بالجسم والثقل .. واتفق معك بالبطيء 5- بالنسبة لتمركز [ ياسر ] مهاجمي العالم في بعض الهجمات يخطأون التمركز .. وتنقسم إلى قسمين : الاول : يكون المهاجم يتوقع غير ما يتوقعه لاعب الجناح .. فتكون التمريرة خاطئة وهذا يصير بكل فرق العالم .. حتى ميسي وابراهيموفيتش أخطأوا فيها الثاني : يكون المهاجم ابتعد عن منطقة الجزاء لسحب مدافع او اثنين ليتيح الفرصة للقادمين من الخلف بحيث تكون منطقة الجزاء خاليه 6- بالنسبة للآسطورة .. فنحن كـ فلسطين :smilie47: بلد مستهدف لكنه متماسك .. والحل في فك هذا التماسك هي الفتنة بين هذا الشعب .. وهو ما يحدث بين ( فتح و حماس ) والهلاليين في ( يوسف :ba: و سامي :ba: ) .. نحن شعب الهلال لا نتفرق على مسمى أو على منصب .. كل من يخدم الهلال ينال نصيبه :smilie47: بالتوفيق : ( سعد ) :smilie47: |
بصراحة ردك يبرد الخاطر اخوي سعد وبكذا نقدر نثري الموضوع اكثر ابو كلبشة ليس فوق النقد حتى يوسف ليس فوق النقد .. نعم اسامة يصنف حاليا افضل لاعب سعودي محترف ولكن هذه النقطه لاحظتها عليه وذكرت انها احيانا مثل هدف البحرين الاول. اما بجسم الشلهوب فهو قريب جدا من قامة مارادونا مع فرق العضل وبناء الجسم ومارادونا مو ثقيل. نقطة ياسر انا لاحظتها عليه كثيرا وبالذات مؤخرا والدليل انه منذ فترة ليست بالقصيرة لم يسجل براسة او من خلال تمريرة عرضية مع انه راسه سم بسم الله عليه والدليل هدف اندونيسيا. اؤيدك تماما في ماذهبت اليه من اتفاقنا على سامي مع اقتناعنا باحقية العبقري اشكرك جدا على مداخلتك القيمة.. |
مشكوور اخوي على الطرح المميز والرائع اخووي انا مع الاخ الزعيم لامبارد في اغلب النقاط الي طرحها لانه اغلب الاخطاء الي قلتها اخطاء قليله ونادره بالنسبه للدعيع والهوساوي اما ياسر أأأه يا ياسر وش نقوول بس وين ياسر زمااان 2007 شي شي اما الشلهووب الله يطعني عنه والله موهوب بس دكه الاحتياط هي اثرت فيه بس الولد بدع مع نجران لمسات جميل بس يبغاله يشد حيله شووي عشان غريتس مايبغا الى الجاهز اما انه يستناه لين يرجع عز الله راح الدوري على كذا والزوري من زمان وانا اشووف البروود حقه بس الولد جيد الله يعطيه العافيه الموسم الي راح انهلك من كثره المباريات اما الاسطورتين في نظرري كل منهم اسطوره في مركزه ولا انا غلطان ...وش بعد والله ما ادري اتمنى اني قدرت ارد على كامل موضوعك من العايدين..^_* |
الله يعطيك العافيه<<من جد عاد والله انك كفيت ووفيت بس برظوا مايمنع اني ماوافقك ببعض الي طرحته وخاصه في نقطه هوساوي اسامه من أفضل المدافعين تمركزن ولنا في مباراه ام صلال عبره شوف كيف كأن يتمركز وكيف كان ينهي اي هجمة خطيره ضدنا واذا على احيانا فاوالله اني ماشهدنا اسامه الى بتمركز الصحيح ^^^^^^^^^^^^^ كلها وجههة نظر ولك الشكر والتقدير |
إقتباس:
صدقني من يعرف يوسف جيدا لايستطيع الا ان ان يضعه مع مارادونا وزيدان دمت زعيما |
إقتباس:
فلسطين = الهلال طرف ! وش الطرف الثاني ؟ كفانا سخف و خلونا حبايب .. والتعصب حليو بس مهب بهالشكل ... أدري ان مقصدك غير اللي أنت كاتب وخآنك التعبير لكن انتبه ياعزيزي بكرا ينسخونها ويقولون شف كيف جمهور الهلال ! |
انا اختلف معك بنسبه لهوساوي بالعكس لاعب فنان وصخره الدفاع (( خلانا ننسى تفاريس)) بالنسبه للمرشدي انا اتفقد معك 100 % ماجد تغير من يوم اخذ افضل لاعب في الخليج ما ادري وش اللى جاهـ اتمنى يرجع المرشدي زي زمان قبل دورهـ الخليج اما بالنسبه للشلهوب ما يقدر حرااام كذا جسمه الله يوفقه |
اقولك عيد سعيد وبصراحه انا مواصل والا فيه نقاط كثير خالفك الصواب فيها كل الود |
إقتباس:
إقتباس:
أول شيء : كل عام وانت بخير يارب .! :smilie47: ثانيا : نحن في منتدى محترم .. عليك احترام جميع الاعضاء واحترام ما يكتبون . ما دام يكتبون بدون تجريح ولا تنقيص في أحد .. أتمنى منك الأحترام وحسن النقاش وانتقاء الالفاظ المناسبة ثالثا : لا يهمني من هو الطرف في الثاني .. المهم هو ( الاستهداف ) وأقصد هنا نادي الهلال وجماهيرهـ رابعا : انا عضو حالي حالك وحال بقية أعضاء المنتدى .. له رأي يعبر فيه ويكتبه . ونحن في المنتدى نكتب ارائنا وما تعبر عنه وجهات نظرنا خامسا : انا لست مجبور أني أفهم كل شخص وش المقصد لكن ( اللبيب بالاشارة يفهم ) .. وانا ماراح أكتب كل ردودي ( مشكور ويعطيك العافية ) بحجة أن لا نريد الجماهير الاخرى تمسك علينا سادسا : أتمنى أن لا تخرج من صلب الموضوع .. احتراما لكاتب الموضوع تحيتي : أخوك // سعد :smilie47: |
عيد سعيد على الجميع وقفة: ياليت تفكونا من المواضيع الي مالها سنع |
إقتباس:
كل مادخلت بنقاش أو حضرته عن هالموضوع ما أقول إلا الأسطورة الحقيقيه هو يوسف بن ناصر الثنيان .. شكراً لك يازعيم |
إقتباس:
يوسف ناصر الثنيان وكفى اشكرك اخوي على طرحك الرائع وتقبل مروري |
با النسبه لسامي هو الافضل باالارقام اما بالنسبه لاسامه انا اتفق معك واتنمنا انه ينتبه لنقطه هاذي والارتقاء ايضا ومافيه لاعب كامل ماجد المرشدي ماادري وش سبب في نزول مستواه بشكل مخيف الشلهوب انا اقوللك انه رجع المستواه بأذن الله وميزته يلعب بعقله رغم ضغر جسمه وياسر انشاء الله يرجع المستواه المعروف عنه |
ابي اعرف وش المطلوب اللحين ايذا حتى كلمت الله يعطيك العافيه ما تعجبك هوساوي ماهو مالي عينك ايذا عندك نقد ياليت تحدد وحهة نظرك لوحدك لا تعم الجميع وتسوي فاهم |
| الوقت المعتمد في المنتدى بتوقيت جرينتش +3.
الوقت الان » 06:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd