اجل نيفيز اصابة مزمنه .. ايه الله يقومه بالسلامه ! - نادي الهلال السعودي - شبكة الزعيم

L e a d e я · #1 21/09/2009, 06:19 PM

السلام عليكم .. كل عام وانتم بخير

دائما وبالذات الهلال مع محترفينه .. أي محترف يجي لازم نحكم عليه من ثاني مباراة ويمكن اول مباراة
( وفيه هنا اكثر من عضو حكم على نيفيز بالفشل ) ونطلع عيوبه بكاملها رغم انه ماتنفس ابد معنا .. ونطلع له كل الامراض فيه اللهم ياكافي ولازم نخليه فاشل لانه ماأبدع من اول مباراة !! اول مآأتىآ ولهامسون للزعيم قالوا فيه ورم بالبطن عنده ومايقدر يلعب أكثر من 80 دقيقه , وبعدها الكل هاجم شبيه الريح .. ويوم لعب ولهامسون 120 دقيقه بأكثر من مباراة مع الشباب ومع المباريات الي غيرها ماشفناكم تتكلمون !! الاعب الي مايقدر يلعب 80 دقيقه صار انشط واحد بالفريق وأسرع واحد .. فـ وين الي هاجموا بن مساعد ؟ ليه مايتعذرون ؟ والان بعد اصابة خفيفه لنيفيز بالظهر ..قالوا مزمنه !! انتم من جدكم ؟ والله شي يحز بالخاطر إذا بعض تفكير جماهيرنا بهالشكل وبهالحكم الاعب قبل مايجي للنادي .. طبيعي يكون فيه كشف دقيق .. لو انه مزمنه كان بين من الكشف ان عنده اصابة ماتتعالج وبكذا الهلال يلغي العقد ويجيب غيره صدقوني نيفيز سيشارك بإذن الله بمباراة النصر .. ويمكن مباراة الوحده .. بس لو نترك تكبير الامور والله نكون بخير .. وإذا كان عنده اصابة مزمنه .. فـ الحمد لله على كل حال ومقدر ومكتوب .. فقط انا ودي انبه على الي يستعجلون بالحكم الله يهديهم ..
وبالتوفيق للزعيم إن شاء الله

ً

L e a d e я · #2 21/09/2009, 07:49 PM

00000000000000000000000000000

حمـ(الهلالي)ــد · #3 21/09/2009, 08:03 PM

تم نقل الموضوع من منتدى التقييم لروعة الموضوع واهتمامه بفكرة عدم الحكم المبكر على اللاعبين واجاد العضو في طرح قضية الحكم على اللاعب ويلي .

________

شكرا لك اخي على الموضوع وللأسف اصبحنا نحكم على كل لاعب جديد بالفشل .!!

وكأن البعض يهمه ان يكتب اي شيء بغض النضر عن مصلحة الهلال ..

تحياتي لك

marjo0o0ojh · #4 21/09/2009, 08:07 PM

مشكور أخوي

و الله يقومه بالسلآلآمه

وأًصلآ مثل ماقلت انه المفروض ما نحكم على الاعب من اول مباره او ثاني مباره لازم شووي وبعدين نحكم !!

Faisl.b · #5 21/09/2009, 08:11 PM

الله يهديهم بعض الجماهير
يجب دعم اللاعب من بدايت الموسم لنهايته الحكم عليه يكون في نهاية الموسم
لا تنسى اخوي كاماتشو وتفاريز يوم جو نفس احكي

hilaaali · #6 21/09/2009, 08:13 PM

إن شاء الله تكون إصابته بسيطة ونشوفه في المباريات القادمة

mr.gilardino · #7 21/09/2009, 08:15 PM

بأذن الله يقوم بالسلامة و يشبك كم فاول بالجار

هــلالــي وقـاهـرهـم · #8 21/09/2009, 08:17 PM

وش دخل جمهور الهلال عشان تزعل ..!

هذي الصحف اللي تقول وكلامهم فاضي ولا يهمنا

اللي الله كاتبه يبي يصير

L e a d e я · #9 21/09/2009, 08:18 PM

إقتباس

الرسالة الأصلية كتبت بواسطة هــلالــي وقـاهـرهـم


	وش دخل جمهور الهلال عشان تزعل ..! هذي الصحف اللي تقول وكلامهم فاضي ولا يهمنا اللي الله كاتبه يبي يصير

قبل ماتكتب جريدة الجزيره انها اصابة مزمنه
كانوا جماهير الهلال يقولون .. ويمكن ماشفت ردت فعلهم بعد الاصابه عشان كذا انا كتبت الموضوع
منور يالغلا ..
ً

هلالي_15 · #10 21/09/2009, 08:18 PM

انا اغلب الأحيان ما أدخل المنتدى والسبب الاعضاء الي ذكرتهم ناس ماتدري وش الكوره

يالبى كلامك بس عين العقل ياخي اذا تبي اكبر دليل فيه لاعبين كبار بأنديه عالميه يحتاجون من 15 الى 20

مباراة علشان يظهر مستواه الحقيقي علشان كذا لازم الصبر على نيفيز والاعب هذا راح يفجر الدوري السعودي وتذكرو كلامي .

حسن8 · #11 21/09/2009, 08:19 PM

طيب نيفيز لاعب كبير ولا نحكم عليه من أول مبارات ولا من ثاني مبارات >> بس المشكله الأصابه

<< وعلى فكره والله العظيم ان واحد من الشباب قريب من النادي

قبل بدايه الدوري وقبل بدايت الدوري يقول نيفيز ماراح ينفع الهلال

وعنده أصابه مزمنه بالظهر .. والله الكلام هذا انا أعرفه قبل بدايه الدوري وقبل أصابه نيفيز الحاليه

شكرآ لك أخوي وإن شاء الله مايكون فيه شي يمنعه من اللاعب والأبداع

بطاش الزعيم · #12 21/09/2009, 08:31 PM

إقتباس

الرسالة الأصلية كتبت بواسطة حسن-حايل


	طيب نيفيز لاعب كبير ولا نحكم عليه من أول مبارات ولا من ثاني مبارات >> بس المشكله الأصابه << وعلى فكره والله العظيم ان واحد من الشباب قريب من النادي قبل بدايه الدوري وقبل بدايت الدوري يقول نيفيز ماراح ينفع الهلال وعنده أصابه مزمنه بالظهر .. والله الكلام هذا انا أعرفه قبل بدايه الدوري وقبل أصابه نيفيز الحاليه شكرآ لك أخوي وإن شاء الله مايكون فيه شي يمنعه من اللاعب والأبداع

هههههههههههههههه
وكاله يقولون مهب عندنا ..
جب تقرير طبي يثبت حالة الاعب ..
ماحب وكاله يقولون طلعنا مثل جمهور الفقر واردى ..
ياشين وكالة يقولون ..
صادق صالح السليمان اخاف على الهلال من جمهوره بالمنتديات ..

ليدر والله بطل ومووضوعك بالصميم وصدقت بعض الجماهير تفكيره من ابو ريالين ..
يحكمون على الاعب من اول مباره ..

مووضوع بطل عبود ..

عبدالله الملا · #13 21/09/2009, 08:25 PM

شكرا اخي ليدر على طرحك الرائع والهادف

وخذها مني سترى أول اهداف تياقو نيفيز على النصر بإذن الله وتذكر عبدالله الملا انه قال هذه الكلمه سجلها في سجل الملاحظات بجوالك وستذكر كلامي

أول اهدااف نيفيز سيكون على النصر إن شاء الله

تحياتي وكل عام والجميع بخير

wem11 · #14 21/09/2009, 08:34 PM

اولآ اشكرك اخوي على حرصك واهتمامك بهلالنا

ثانيآ سالفة المزمنه طلعت من بعض الجرايد وقالوا خوفآ انها تكون مزمنه لانها تكررت مرتين وبنفس الموضع

وان شاء الله ماتكووووووون مزمنه

وصدقت انت يوم تقول انه من الخطآ اننا نحكم على اللاعب بسرررررعه ..

وانا كم مره قلتها مباريات النصر دائمآ تكون الانطلاقه الحقيقيه لكثير من اللاعبين الجدد او عودة اللاعبين الى مستواهم

والشوااااااهد كثيره ..

وننتظر نيفيز مع مباراة النصر ...

وبالتوفيق لهلالنا مع الوحده

الذيب الميلانيي · #15 21/09/2009, 08:37 PM

وبالتوفيق للزعيم إن شاء الله

ً