.
.
السلام عليكم ورحمة الله وبركاته
مساكم الله بالخير وكل عام وأنتم بخير
مثل !!
_ مثل ما انطرد كوزمين والناس ما اصبحوا والهلال ما فرح بالبطولة خذها بالليل والصبح كان العقاب - الظالم - هذا هو المنتخب يخرج بعد فرحة تبعها حزن .. سجل قول وفرح المسؤول وما أمدى الفرحة ألا والحزن على محياهـ .. هذا جزاكم !!
_ مثل سالفة كوزمين وبعد مباراة الأخضر بيومين , الأخضر الصغير ضد الإمارات نهائي كأس الخليج السعودي بواحد للاشيء يستعد للفرحة ورئيس البعثة يجهز بشته للفرحة جت النكبة وبغلطة حارس هدف في الدقيقة التسعين ويبقى المسؤول معلق طوال الشوطين الإضافيين بعد ما راحت البسمة يحتريها ترجع وتجي البلنتيات وضاعت البطولة مثل ما انتظر مسؤولي الهلال العدل عن قرار الإتحاد السعودي وإرجاع الفرحة !!
_ مثل ما خططتوا ضد الهلال وأقمتوا المؤمرات هذا هو ابن همام ( يستقعد ) لكم مثل ما ( استقعدتوا ) للهلال بس أبن همام بدون ظلم وأنتم بظلم !
_ مثل ما سحبتوا دوليي الهلال وأثرتوا عليه في كثير من البطولات الدولية عشان معسكرات ومباريات ودية ها هو المنتخب يتأثر بغياب أغلب عناصرهـ للإصابة ويخرج من كأس العالم اللي قلتوا بننافس عليه !
_ مثل ما انظلم الهلال من التحكييم وأقامت الصحافة الصفراء المناحات بأنه الفريق الأوحد والمدلل ولم تردوا بل وتعترفون بأن الهلال دائما تكون القرارات ضده ويتكلم الحكام في برامج التلفزيون بأن الحكام يخطؤون ضد الهلال ثم تردون بأن الكلام ضد الحكام خطأ ويجب أن ندع لهم الفرصة وهم سيئون بشهادتكم ها أنتم تصرحون ضد حكام القارة وتصرخون بأنكم مظلمون مع أن الظلم يقع لكم وعليكم وليس يقع عليكم فقط كما يقع على الهلال !
_ مثل ما احرقتوا قلوب جمهور الهلال بكل شيء هذي قلوبكم تحترق ( لأن ) الجميع ضدكم ويكرهكم والشيء اللي كنتوا مأملين عليه اللي هو التأهل ما حصلتوا عليه مع أنه سهل بلاعبين مثل لاعبينا !
_ مثل ما شلتوا الروح من لاعبين الهلال بقراراتكم وتحطيمكم هذا منتخبكم بلا روح بشهادة الجميع !
_ مثل ما قال صاحب السمو الملكي رئيس نادي الهلال الشاعر الحكيم : عبدالرحمن بن مساعد .. حسبنا الله ونعم الوكيل .. حسبنا الله على من كان السبب .. فجمهور الهلال كله اللي يشهد الجميع بشعبيته الجماهيرية الكبيرة وأقصد المحاييدين يقول مثل ما قال شبيه الريح .. فالله حسبكم والله سبحانه وتعالى عادل لا يرضى الظلم !
_ مثل ما فرحتوا بخساير الهلال وخروجه ( بسببكم ) حنا نفرح بخروج منتخب ( الإتحاد السعودي برئاسة سلطان ) ونطالب بمنتخب الشعب السعودي !
نقااااااط هلالية !!
_ هلالنا بقيادة جريتيس يقدم كرة هجومية شاملة أتمنى من اللاعبين أن يتأقلمون جيداً عليها وأن يجيدونها في المباريات الكبيرة !
_ هلالنا استفاد من قدوم نيفيز والمحياني ولي يونق لأن هؤلاء اللاعبين يجيدون اللمسات القصيرة إضافة لإجادة رادوي والغنام وياسر والشلهوب لذلك !
_ هلالنا فن ومتعة ولكن هناك تضييع للفرص أتمنى التركيز من ياسر ونيفيز .
_ هلالنا استفاد هجومياً بتواجد المحياني فهو لاعب قناص لا يرحم وإن كان يحتاج للوقت حتى يفهم المدرب طريقة لعبه وهو يفهم لطريقة لعب فريق الهلال !
_ هلالنا هذا الموسم نأمل منه الكثير وأهمها بطولة الدوري التي يجب فيها توفر البديل الجاهز وهذا ما لحظناهـ هذا الموسم بالتحديد !
_ هلالنا بوجود عزيز والبرقان ( بالنظر لتطور مستواه ) يملك محاور أحتياطيين على أعلى مستوى .
_ هلالنا بتواجد شافي الدوسري يملك ظهير ممتاز جداً ( أحتياطياً ) وقد يفيد كظهير أيمن بديل لـ لي يونق !
_ هلالنا بتواجد زيزو والفريدي وخيرات وأ الصويلح ونواف العابد بالإضافه للاعبين الذبن ذكروا في النقطتين السابقتين أظن أن لاخوف عليه أحتياطياً خاصة مع خطة جريتيس التي تتيح لجميع اللاعبين الإبداع داخل المستطيل الأخضر !
_ هلالنا برجوع مستوى الشلهوب وتطور مستوى السويدي الأشقر ويلي يمتع جماعياً وفردياً !
_ هلالنا بوجود ياسر حتى وإن لم يكن بمستواهـ لاخوف عليه فياسر إن لم يسجل يمرر وهذا ما يميز النجوم والدليل صناعته لهدفي منتخب الإتحاد السعودي !
_ هلالنا لم يخض الآن أية لقاء قوي لذا لا نريد أن نحكم الآن على مستوى الفريق إلا بعد أربعة لقاءات فالفريق الهجومي ينبان قدام الفرق الكبيرة ويخوف على السبيل الدفاعي !
وعيدكم مبآرك !
والله يتقبل منا ومنكم صآلح الأعمآل !
تقبلوا تواضع قلمي ,,
(الفيلسوف)
الوضع العادي
