|
اذا تعدى التعصب الحطوط الحمراء.(مهم) بسم الله الرحمن الرحيم انا زعيمه جديده وهذا اول موضوع لي في هذا القسم ...واتمنى ان الجميع يقرأ الموضوع للاخر لاهميته.. ((التعــصــب))داء انتشر بين جــمــاهير الفرق في كل البلدان ((بحدود )) ولكن عندنا بالسعوديه للأسف الشديد تعدى الخطوط الحمراء ... التعصب عندنا صار فيه ((التكــفــير))و ((الطعن بالشرف))و((اللعن والسب والشتم))؟؟؟؟؟ اولا:التكفير: وهذا اشد شي للأسف لانه في العقيده والدين وهو انتشر عند بعض الجماهير ((الله يهديهم)) من شدة التعصب وكرهه لنادي معين يقول هذا نادي يهودي او صهيوني اوكل من ينتمي له يهودي؟؟ لا حول ولا قوة الا بالله ،، لهدرجة وصلت؟؟ خلاص مافيه شي اسمه الخوف من الله ..من النار..من الاخره ؟؟ هو عارف ان الرسول عليه الصلاة والسلام يقول: (فيما معنى الحديث): ’’من كفر مسلم فقد كفر’’ هو عارف كم كفر من مسلم ممكن يكونوا 20 الف 40,الف,50الف او اكثر والرسول عليه الصلاة والسلام يقول من كفر مسلم ((واحد مو بالالاف))فقد كفر.. طيب من تلفظ او كتب زي هالكلام يتخيل نفسه يوم القيامه وربي سبحانه يحاسبه ع كل صغيره وكبيره وش بيقول في هذاك الوقت ؟؟ لا تقول كلمه وقلتها وخلاص ..لا هذي يبيلها توبة هالكلمة كبيره عند ربي ومو هينه.. واتمنى ان الي قريته وسمعت به زي كذا يطلع كذب .. ثانيا:الطعن بالشرف: وهو للأسف الشديد منتشر بشكل فضيع بين الجماهير.. صارت المسأله بسيطة قوم دور اي صوره او مقطع فيديو ((طبعا هالمسأله مو صعبه ع المحترفين ببرامج التصميم والانتاج))و أالف فيها قصه طويله عريضه واكتب في المنتديات:فضيحة اللاعب الفلاني بالدليل ؟؟؟ ولاحظوا موشرط لاعب ممكن رئيس نادي او صحفي او اداري او اي احد ينتمي لهذا النادي المنافس... اذا كانت كذب و تهمه ملفقه يتخيل نفسه في يوم القيامه وربي يحاسبه وسأله ليه طعنت في شرف فلان؟؟ وش بيقول ؟؟ بيقول ياربي هذا اكرهه ؟؟ او حاقد عليه؟؟ او مثل ما تكلموا جماهير ناديه عن لاعبنا الفلاني حنا لازم نردها (يعني وحده بوحده)؟؟ يتوقع هو هذي الاعذار بيقبلها ربي سبحانه ؟؟ لا والله مايقبلها ابدا وبالعكس يشوف حسناته يؤخذ كثيير منها اليه ..و هو يتمنى لو يقدر يرجع للدنيا و ما يشجع ولا يشوف كوره اصلا ... واذا كانت صدق ((وهذي ما اتوقع تصير))بدل ما يقول الله يستر علينا وعليه ويطالب بحذف الموضوع يقوم ع طول ينشره في المنتديات ؟؟؟ وراح يكون لها عقوبه دنيويه وكما تدين تدان.. ثالثا:اللعن والسب والشتم: كلنا نعرف وش معنى اللعن بس بذكركم اللعن هو:الطرد والابعاد عن رحمة الله .. هذي الشتائم غالبا نسمعها تصير بين الجماهير .. بس الي يلعن ويشتم وحتى ممكن يلعن ام وابو فلان هو يقدريطردهم من رحمة الله؟؟ او هو حكم عليهم بكذا؟؟ هو عارف ان المسلم اذا لعن مسلم مثله وماكان يستحق اللعن ترجع لصاحبها اتوقع ما فيه احد ما هو عارف كذا.. طيب ليش تكلم بهذا الكلام وهو عارف عقوبته.. وبعد فيه الكثيير لو كتبناها في مجلدات ما راح نخلص لكن ركزت ع هذي لانها في الدين ... اخيرا ارائكم و اضافاتكم تهمني ... ودي.. |
اخيرا ارائكم و اضافاتكم تهمني ... الف شكر على الطررح الراائع وللاسف التعصب عندنا وصل لدرجه التكفير كما ذكرت والناس يكفرون ولا يدرون وللاسف آن اغلب المشجعين يعتبرون جآهلين ايضا لاعدمناااااااكـ |
ليت المشجعين مثلك وشرواك كنا صرنا في خير والحمد لله على كل شيء هناك بعض العقليات المتخلفة التي تجدها شاذه وتابعة لبعض الكاتب المتخلفين مو متعصبين . |
جزاك الله الف خير اختي.... موضوع جدا جميل...بس وين اللي يسمعون |
جمـٌيل جـٌدآ آن نخلـٌق رٍوٍح آلتنـٌآفس بيننـٌآ ,, حتـٌى لوٍ كـٌآنت عشـٌآن كـٌوٍرٍهـ ..!! لكـٌن آن يصـٌل آلتنـٌآفس لهـٌذه آلمـٌرٍحلة ..!! فهـٌذآ شـٌيء مرٍفوٍض ..!! شكـٌرٍآ لك آختـٌي عـٌلى آلطرٍح آلرٍآئع ,, وٍمبرٍوٍك آلتفعـٌيل ,, لآ تحـٌرٍمينآ مـٌن هآلطلـٌة ,, |
والله انا كنت متعصب مررررررررة يعني خسر الهلال ما اطلع من البيت مرة حتى البقالة الحين شوي هديت صرت اطلع<<<<<ههههههههههههههه |
التعصب شيء جيد اذا كان على المفهوم الصحيح ولكن مفهوم التعصب لدينا هو أن تكره الأندية الأخرى بدرجه حبك لناديك وهذا خطأ شجع ناديك بتعصب ولكن دع الأندية الأخرى في شانها والحمد لله فأغلبية جماهير الهلال لا تتطرق لشؤون الأندية الأخرى |
إقتباس:
أنت ِ غيرت المعنى الصحيح للحديث ..! يعني العلماء اللي أفتوا بكفر من لا يصلي .. كفروا هم بعد ..؟! قصدك .. قال الرسول - صلى الله عليه وسلم - فيما معناه : (( من قال لمسلم ٍ يا كافر فقد باء بها أحدهما )) أي أنه إن كان محقاً في كفر ذاك لم يأثم .. لكن إن كان مخطئاً وملفقاً .. فقد كفر هو ..!! أرجوا أن ننتبه من هذه النقطة أختي الكريمة فربما يترتب عليها أهوال بسبب الفهم الخاطئ من بعض الأعضاء .. .. وأشكرك عالموضوع الرآئع والذي يهتم برقي المجتمع .. |
موضوع جميل يدل على قلم مميز قادم أتيت للترحيب وإنتظار المزيد من حروفك القيمة بالحب والإشراق |
مشكوورين ع الردود ونورتوا عفواً ..! أنت ِ غيرت المعنى الصحيح للحديث ..! يعني العلماء اللي أفتوا بكفر من لا يصلي .. كفروا هم بعد ..؟! قصدك .. قال الرسول - صلى الله عليه وسلم - فيما معناه : (( من قال لمسلم ٍ يا كافر فقد باء بها أحدهما )) أي أنه إن كان محقاً في كفر ذاك لم يأثم .. لكن إن كان مخطئاً وملفقاً .. فقد كفر هو ..!! أرجوا أن ننتبه من هذه النقطة أختي الكريمة فربما يترتب عليها أهوال بسبب الفهم الخاطئ من بعض الأعضاء .. .. وأشكرك عالموضوع الرآئع والذي يهتم برقي المجتمع . شكرا ع التصحيح و جزاك الله خير |
| الوقت المعتمد في المنتدى بتوقيت جرينتش +3.
الوقت الان » 03:05 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd