مقآله قمه في الدهآء !! وعقلية كاتب يعرف كيفية منآصرة فريقه بقلمه !!
البعض يشوف إن كاتب المقال مخطئ في مسألة إن بلاتيني هو السبب في الأخطآء التحكيميه للمبارآه !!
ياجمآعة الخير صاحب المقال يدري إنه مو ورى الأخطآء ,, ويدري إنها أخطآء تحكيميه عآديه ,, لكن الرجال إستغل تصريح بلاتيني بقمة الذكآء ,, عشن يضمن حقوق نآديه ,, ويضمن إنه بالمباريآت الجآيه ماتصير هالأخطآء مره ثانيه !! ويشكل ظغط على الإتحاد الأوروبي بشكل عآم وعلى بلاتيني بشكل أخص !!
شطحه
إفرض نآديك كلمات بلاتيني توجهت له !! وفريقك إنظلم بمباراه زي ما إنظلم الريال
والمقال هذا كتبه صحفي منآصر لفريقك !! وش بتقول عن مقاله ؟
أتمنى وصلت عموما" ..
Skroo ,, Madridi ,, Florntino أدم الله نقآش العقلآء
يعطيك العافية سليم على المقال الرائع من الكبير ريلانو .. شخصياً كنت أتمنى من الصحف المدريدية إنها تطلع بمقال عن التحكيم في دوري أبطال أوروبا .. وأيضاً توقعت هذا الشئ لأنه من مصلحة فريقي ..
أبداً ماتمنيته كعذر للفشل الممكن في المستقبل مثل مافهموا بعض الأعضاء ! وإنما تمنيته عشان يكون مقال ضغط على الإتحاد الأوروبي عامة .. وعلى بلاتيني خاصة .. ضغط لكي يتم تعيين حكام أفضل ! لكي يتم تنبيه كل حكم قبل كل مباراة على الرقي في الأداء التحكيمي ! ليس فقط من أجل مصلحة فريقي ! بل لأجل المصلحة العامة لأفضل بطولة للأندية على الإطلاق ..
أستغرب من الي يجي يقول : حتى احنا نادينا انظلم يعني معقولة الغلط من بلاتيني ؟ طبعاً الغلط منه بغض النظر عن تصريحاته ضد الريال وما إلى ذلك يا أخي انت رئيس الإتحاد الأوروبي .. وتحتك بمنصب رئيس لجنة الحكام الأوروبيين الي تم تعيينه وترقيته بموافقة منك انت .. الي هو فيار ! التحكيم من سنتين الى اليوم وفي كل مباراة نشوف مستواه من فاشل لأفشل ! وش السبب ؟ السبب إن الرقابة على المباريات من قبل الجهات العليا بالعربي ماحولك أحد .. الحكم يغلط على كيفه ولا يوجد من يعاقبه .. أما اللاعب يغلط الحين تنتهي المباراة يجيه عقابه من مشجع داخل يطلب منه القميص كتذكار
يعني هنا مين المسؤول لما نكون مستمتعين بمباراة في البطولة الي دايم ننتظر بدايتها بكل فرح وشغف وفجأة يخرب جونا بسبب حكم فاشل ؟ المسؤول هو فيار وجه النعجه طيب فيار مايدري وين ربي حاطه والتحكيم الله بالخير من سنتين ولا راضي يتحسن ! تتحول المسؤولية على مين ؟ على الي فوق فيار .. مين هو ؟ بلاتيني !!! هذا هو المقصد والمغزى من المقال في نظري .. وليس المغزى بأن بلاتيني هو من أجبر الحكم على ارتكاب الأخطاء
كل إنسان معرض للخطأ ولكن مو كل انسان معرض لـ6 أو 7 أخطاء في أقل من 90 دقيقة
يعني لو لاعب غلط 3 اخطاء في الملعب تشوف المدرب طرده بشلوت ودخل واحد بداله .. اجل كيف لو حكم يسير المباراة على كيفه يغلط فوق الـ6 اخطاء ! مايخليك تتنرفز وتعصب وتكتب ؟ خصوصاً وإنك رئيس صحيفة طيب مايخليك تستغرب ليه محد حاسبه على أخطائه زي ما المدرب حاسب لاعبه ؟ والا الحكم مافي شخص مسؤول عليه ! والا المسؤول لو قصر في وظيفته مافي أحد مسؤول على محاسبة هذا المسؤول ( بلاتيني ) ؟
أرجو من الجميع التفكير بمنطقية أكثر وترك التعصب على الجانب الآخر من هذا الموضوع .. وأرجو بإني في كلامي وضحت المغزى والفكرة .. وان ريال مدريد نادٍ كبير بجمهوره ولا يختلق أعذار لأي شئ بالعكس .. إن كنا في المستوى صفقنا للاعبينا .. وان كنا تحت المستوى صفقنا للذي يواجهنا .. نعترف إن أخطأ فريقنا ونعترف إن أبدع منافسنا
بطولة دوري الأبطال .. أنتي في ملعبنا .. ولا أعذار لمغادرتكِ منه .. قادمون بإذن الله
كلامك جميل جدا ووجهة نظرك على العين والراس
وودي اناقشها معك بعد اذنك
الريال مدريد خرج من البطولات الاخيره بدون اخطاء تحكيمية
من الليفر ومن بايرن ومن اليوفنتوس ومن روما ...... الخ
كلها كانت بدون اخطاء تحكيمية
يعني لو ريال مدريد سجله خايس مع حكام الويفا كان يحق لاعلامه يسوي حملة على الحكام ويولم العصابة قبل الفلقة
بس خروج مدريد في المواسم السابقة كلها من صنع يد نفس الفريق والتحكيم بعيد عنها
اذن المقال بوجهة نظري غبي ولا ادري وش يبي
طيب تفسير ثاني , يمكن بلاتيني من باطن كلامه ان الحكام بيعاملون مدريد معاملة جافة لان رئيس الاتحاد الاوربي يصرح ضد هالفريق
هالشيء مستحيل ولا اتوقع الحكام بهالدرجة من السذاجة , وحكامهم مهوب مثل حكامنا
هناك لا جا الجد طلعت المسدسدات والطلقات ( مثل اللي يصير في ايطاليا ) لكن انهم يتأثرون بالتصاريح فما اعتقد
وبعدين بلاتيني ينتقد سياسة ضخ الاموال حقت مدريد ( وانا ضده بهالتصريحات البايخه ) فما فيه ربط بينها وبين التحكيم السيء
والله لو فيه فريق انظلم بالتحكيم كان نقول تشيلسي العام الماضي
رغم اني اما شجع هالفريق لكن شهادة حق العام طلع من البطولة بظلم
واستغرب ان ادارة تشيلسي ما صعدت الموضوع
يوفنتوس مثلا قبل سنتين يوم زادت اخطاء الحكام وخسر النادي 15 نقطة
الادارة وجهت خطاب مفتوح وقالت انها بترفع الموضوع للمحكمة الرياضية
حتى عضو بالبرلمان الايطالي صرح وأيد الخطاب المفتوح وسب الحكام
كولينا على طول قمط العافية وحضر كل مباريات الدوري الباقية علشان يدمدم الموضوع
اللي استغربه ان البلوز ما اتخذ اي اجراء , لو اني من اادرة النادي كان اشب في مندوب السافل النرويجي
ادري اني تشعبت باالموضوع بس علشان اوضح الصورة اكثر واكثر
لان كاتب المقال حسسني ان ما فيه الا ريال مدريد بيلعب دوري الابطال هالموسم
وشكرا لك وللبقية وياليت اللي وده يعقب على كلامي يتفضل ويعقب على المكتوب وليس على الكاتب
سليم
حياك ناصر
نرجع شوي لورى
بلاتيني : اكره ان ارى تواجد ناديين انجليزين في النهائي
( لم يقل كذلك بالحرف ولكن هذا هو المعنى )
هنا انا لازم اتكلم ، انا انسان عندي عقل ومخ واستفيد من تجارب الغير ، انا مو اطرم
زي غيري عندي صحيفة بستغلها ما بسكت زي ما سكت غيري واكلها
ايضا : ما يجعلني اتكلم بعد اللي قلته من شوي ، ان رئيس لجنة الحكام له مواقف
ملعونة صلايب مع فلورنتينو يعني فوق التصريح يطلعلي فيار ، زي مثلا لو
عينوا لك شاهر الصعيري رئيس لجنة الحكام بالله بيسكت الروقي .
انا عندي سلاح القلم ، وشفت تجارب غيري اللي لقموها ، انا اذا ما استعملته في
صالح فريقي الان متى بستعمله !!!!!!!!!
غير هذا
هنا خبر نزل اليوم .. الريال يحاول يهدأ الامور مع الاتحاد الاوربي بعد اللي صار من الحكم وردة فعل صحافة مدريد
إقتباس
فلورينتينو يدعو بلاتيني يوم 30 سبتمبر للقاء .. مدريد - مارسيليا
ادري ماله علاقة بكلامنا ، لكن انا حطيته فقط للاستدلال ان صوت الصحافة بيوصل
لفوزق وبتكون فوائده اما ايجابية او سلبية ، وعشان ما تكون سلبية فلورنتينو تصرف
صح وجاب بلاتيني .
لا تنسى بعد تصريحة قبل نهائي اليويفا كب السنة الي راحت يوم قال اتمنى ان يحقق البطولة فريق من اوروبا الشرقية , وبعدها فاز شختار الاوكراني على فيرد بريمن الالماني بالغصب
أيوب .. رايتك بيضـاء يا بعدي .. والشينة ما تطلع منك اي والله ،
**
نـاصر ..
كيف الحال يا بعدي _ ان شاء الله بخير !
قريت اخر رد لك .. مدري اذا فيه واحد قبله ، بس فهمت وجهت نظرك وحبيت أعلق عليهـا .. بس توضيح لا أكثر !
في أول رد لي في هـ الموضوع كتبت اني استبعد اي طريقة من تحت الطاولة لـ عرقلة الريال .. شي بديهي جداً وصعب يصدر من أتحـاد اوروبي بهالتنظيم ،
وبعدين في أوروبا مابوه بزوطه .. يعني لو كانت فيه وسيلة ضغط على الحكم لـ التأثير على النتيجة .. موب كل الحكام بيوافقون .. وممكن يكون فيه حكم ملسون ويطلع يكب العشـاء ويفضحهم ،
اسباب كثيرة تخليك تستبعد هـ النظرية !
وجهة نظري في المقال ان توقيته رائع جداً .. بعيد عن المحتوى الي أشوفه نوع من صيـغة المبالغة عند الكاتب .. إيجـاد فكرة ضد الأتحـاد الأوروبي وبـ الأخص ميشيل بلاتيني انه هو السبب الرئيسي لـ خروج الفريق !
عاد تخيل لمـآ تكون الفكرة الآساسية لـ خروج مدريد هو رئيس الاتحـاد ! كيف بيكون وضعه !!
عموماً .. قلت ان المقـال في وقته لآن بلاتيني رد عليه .. و وضح كل شي في تصريحه وانه وجهة نظر .. رغم اني مثلك اتحفظ على تصريحـات بلاتيني الي مفروض تكون أكثر دبلومـاسية وبعد عن موضع الشك !
شوف وش قال بلاتيني رد على الصحافة الأسبانية بشكل عام والمدريديـه ’ ماركا - آس ‘ بشكل آخـص :
إقتباس
Michel Platini believes that he should be able to air his views on Real Madrid without being accused of being against the club by the Spanish media.
The UEFA president made it clear over the summer that he was unimpressed with Los Merengues' outlay of €94million for Cristiano Ronaldo and some voices in the press suggested he was biased towards them.
Madrid borrowed money to finance their huge squad rebuilding programme in the summer, and their extravagance may have fallen foul of the new financial rules that Platini has now introduced.
Despite voicing his opinion on the way that the nine-time European champions have gone about their business, the former Juventus star says he is amazed by the way that the Spanish press have reacted.
"If I declare that 94 million euros for a player is insane [as he did about the signing of Cristiano Ronaldo], I am an enemy of Madrid," he told reporters in Italy.
"If I add that you need more than a harem of stars to seduce the world, I hate Florentino Perez, and so on," he added.
"Everytime I talk about Real Madrid, I fire up the reporters."
بس بس .. هذا الي ابيه من مقالة ريلانو ، ابغى تجـاوب .. عشـان يعرف ردة الفعل من الآن .. وكيف بتكون أقسـى بكثير لو لاسمح الله خرج الريال من البطولة بـ اخطاء تحكيمية سواء كانت في الدور الأول وتسببت الكروت الكثيرة في منع كم لاعب من اللعب مع الفريق في الدور الي بعده أو كانت في نفس المبـارة ..
وهذا الي قلته كم مرة الين طحت على هـ الخبر بـ الصدفة ..
الوضع العادي
