حتى الحين , 500 ريال هي قيمة الثوب وطقم شسمه ومداس - والقرّاء بـ كرامة - ولسه ما أخذت شماغ وما عبّيت بنزين

أبوك يـ الأسعار !

توّي أشوف ردّ فهد ,
استغفر الله العظيم وبس يا فهد
أجل تلبيّة

إقتباس الرسالة الأصلية كتبت بواسطة ابو طـــــلال غلطان ياهتلرووووه .. اغصب نفسك على فرحة العيد هذا عيد المسلمين .. لو عازمك هتلر كان لبست أزين ماعندك وأبشرك انا بخير واموري طيبه دامني أشوف هالخشيشه وماقصرت على تذكيري بأخونا الصغير تراني ناسيها .. مبطي ماكتبت موضوع ونسيت أدلع نفسي المهم .. إنقز للسوق بكرا وعلمني بكم شريت .. إذا مهوب علشان العيد علشان موضوعي ياخي مرحبمبم وعيدك مبارك مقدماً

أسمح لي بالرد الثآني ياأبو طلال .. < وش عقبه
،
العيد حق الله وعيد الوراعين ... والا انت عيدك عيد نجد العذيه
قبل امس وامس وقبل عامٍ وعامين ... في كل يومٍ عيد وانت الهديه

وأنا أخوك الصغير , الحين وش الفرق بين ثوبي اللي مفصله الصيفيه والثوب اللي بفصله الحين !!
مافيه فرق , ولاتقول فرحه العيد , فرحة العيد للصغآر أكثر شي هم اللي يفرحون بلآبسهم الجديده , أما الكبآر تلقهم شآيلين هم السلآمآت
ونص الشعب عندنآ تلقه موآصل لصلاة العيد وبعد الصلاة يسلم على أقآربه واللي يعرفه وإذا جت السساعه 11 وهو نآيم ولا يقوم الا المغرب
بالله عليك الوقت هذآ يستآهل أننآ نفصل ونشتري علشآن نص يوم !!
وفي الليل تتسدح عند أخويآك وتلقآهم مثل نظآمك , يعني ماأشوف شي يستآهل أنك تشتري وتتعب عمرك
وإذا تقول علشآن موضوعك , فآنت حقك قعود كآمل < علوم مرجله
طبعاً قبل لا أنسى ترآ العنصر النسآئي لايهمك , ترهم يشترون موب علشآن العيد
علشآن وش يقولون النآس لو ماتشتري للعيد !! وش تقول فلانه !! ,
أما الشباب , ملابسه يوديهآ أقرب مغسله وخلصنآ , وصل الله وبآرك
وبعدين ترآ اللي تبي تسلم عليه تلقه موب فآضي لك يشوف جزمتك وأنت بكرمه ولا يشوف سبحه !! يبي يسلم ويروح يرقد
شكراً لك أخونآ أبوطلال

حيالله أبو طلالـ <<== الأخ الذي يسمونه بالصغير

بتسبة لي لا شريت أغراض العيد .. ولا فكرت أصلاً من الاساس أشتري .. حتى أثوب جالس أفكر أني أفصله مؤ علشان العيد علشان أدوام ..
والله يا عزيزي .. بنسبة للعيد أنا بصراحة شاطب عليه شطب أبليس بالجنه .. يأخي قسم بالله أحس أنه مثل الايام ألي مثل غيرها
ما فيه شي مميز ..(( يأخي العيد الي راح كان على الاقل عندي عمتين .. بس الله يرحمها وحده توفت وثانية ما تفتح الباب ^^)).. وبنسبة لي أنتهاء العيد .. بس أبشرك . جمعت مجموع المشتريات..(( وزدت عليها كم مبلغ )).. بقيمة 7000الفـ ريال.. وأولـ يوم بصلي العيد .. ثم أسافر خارج المملكة <<== يسمع بالعيد

أنا و3 من أخواني .. بنفس القيمة 3 ضرب 7 والحسابة تحسب

<<== مشكلة ألي جماعته أنقرضوا .. فذي الحالة وش أسوي .. أصلي وطقها كعبي للبيت .. ولا أوزع قروشي على البنقالية <<== وش عنده حاتم الطائي

تدري عاد أخيي الصغير أبو طلال .. أني فاقد من زمان طعم العيد ..

هلا ابو طلال

عن نفسي لي سنيين ماتسوقت قبل العيد ،، الايام الي تسبق العيد ماحب اطلع فيها السوق ابد

اي يوم بالسنه اشوف فيه شي حلو اشتريه واخليه للعيد

وحتى بباقي المناسبات كذا


كل عام وانتو بخير وعساكم من عواده

هلا بأخينا الصغير ..
عاد قبل مافتح موضوعك قاعده اقولك اكيدين فيه بلا .. لأنه ابد موراضي يفتح معاي ..
من امس ادخل المنتدى كله علشان اشوف هالموضوع وش فيه ..مو راضي ..
بس هاللحين الحمد لله فتح وارتحت ..

نعود لصلب الموضوع ..
اخذت لبسين للعيد تقريباً ب788ريال .. بدون جزم" الله يكرمكم "وغيره
لأنه عندي ..
ويارب ديمها علينا نعمه .. واحفظ لنا ابونا ..
...................................................................................
ولاتقول فرحه العيد , فرحة العيد للصغآر أكثر شي هم اللي يفرحون بلآبسهم الجديده , أما الكبآر تلقهم شآيلين هم السلآمآت
ونص الشعب عندنآ تلقه موآصل لصلاة العيد وبعد الصلاة يسلم على أقآربه واللي يعرفه وإذا جت السساعه 11 وهو نآيم ولا يقوم الا المغرب
بالله عليك الوقت هذآ يستآهل أننآ نفصل ونشتري علشآن نص يوم !!

يآخي امرك غريب انت ذاللحين فرحه العيد بس للأطفال .. الفرحه لكل ابو الأعمار ..
هى وش رايك لو اقول جدي يتجهز للعيد بكل شيء من ثوب وشماغ ونعال
"الله يكرمكم " وملابس داخليه>>>> الله يحفظه ..
فما باللك بالشباب .. والمهايطه حقتكم ..
من جد امرك غريب ............. واعقل وافرح بالعيد ..

وتشكرات لك يآخونا ابو طلال ..

وسؤال قبل الأرسال شريت لطلال واخوه طراطيع .........>>>اهم شيء
قاعده اقول لأبوي ابغى صواريخ يقول ابعطيك سكتون مدري وشهو قالت آختى مايمديها تشيله إلا مفجره بالبيت ...........

^^

تبغين اجيبلك قميص تادي وتنورة روزيلا سينسي ؟؟؟

هلا أبو طلال
لي عوده وشكرا ع الموضوع

بسألك ابوطلال الحين اللي مستلم بالعسكريه اول يوم بالعيد يفصل بدله جديده

إقتباس الرسالة الأصلية كتبت بواسطة ابو طـــــلال معقولة !! أنثى من كوكب آخر فيه احد يتعيد بملابس عنده ! ماشاء الله عليك هلالية ... بطله و الله

تراجعت عن الرد !!

لاني بالاول كاتب اني مافصلت ولا شئ الحمدلله قبل اسبوعين مفصل ثوبين وشاري شماغ آخر بصمه 13

بس ( استحيت )اكتبه اخاف تقولي ذكر من كوكب اخر لاني ماشريت شئ جديد للعيد وانا انسان استحي بسم الله علي

غريبه ردك يا بوطلال صراحه ؟ يعني تبي كل شخص يشري ملابس جديده للعيد ؟
طيب واللي حالته متواضعه وش يسوي لاشاف ردك ؟

يروح يتسلف ؟؟؟؟؟


والله اني اشره على اللي بكل مناسبه يشري ثوب وشماغ وكل حاجه .. وخاصه البنت لان تكلفته لا تقارن بالولد وخاصه اذا كانوا من ذوي (الدخل المحدود) ..
وش حادك الحمدلله عندك خير ليه تشري !

اجل معقوله ؟ الا معقولتين يابعدي

عيدكم مبارك قبل الزحمه وكل عام وانتم بخير وتقبل الله منا ومنكم صالح الأعمال

ليلة 27 لا تنسون صلاة القيااااااااام قد تصادف ليلة القدر

برب

إقتباس الرسالة الأصلية كتبت بواسطة ابو طـــــلال 1240 ريال .. والساعه البوك جايتك هدية !! ومابعد شريت الجزمة ( الله يكرمكم ) يعني الثوب والشماغ والملابس الداخلية .. وسبحة وشراب !! ماتحس انك تعديت المعقول ؟! ضارب بالدراهم .. لاعن ابو القرش تراك .. تقطعهن بالعافية ..

دقيقه طلع فيه خلل

توني اليوم حسبتها طلعت 786 ريال

بنقطعهن على العافيه