بمناسبة العيد ... خش وشارك >> مسموح مشاركة اليوزرات ( الإنتحارية ) - صفحة رقم 4 - نادي الهلال السعودي - شبكة الزعيم

AlaSmRI · #46 16/09/2009, 05:50 AM

هلآ بآلشبآب ,,

بالنسبه لي مابشتري شي ^^^ بكون مداوم اول يوم

آلنآس الكويسين

ماعطونا اجازات نروح نعيًد مع آهآلينآ

العيد يبدآ عندي بعد اليوم الخامس ,,
عاد الى خآمس يوم تكون الآسوآق فضت من البشريه

وآيضا آلآسعآر ..

chou chou,,

ابو طـــــلال · #47 16/09/2009, 05:52 AM

إقتباس

الرسالة الأصلية كتبت بواسطة شوق الكويت


	تقريبا 200 دينار سوري عالرد الثالث احس اني مزعجه بسم الله علي

شوق الله يعافيتس .. ترى 200 دينار تساوي 2500 ريال مهوب 2000 ههع هع وشكلك داخلة على الألف الثالثة

ياشيخة لو تجيبينها بالين الياباني كافشينك كافشينك

تقطعينهن بالعافية .. بس عندي إحساس إنك مابعد خلصتي ..

أسال أم طلال اليوم أقولها .. أنا مدري متى تقولين خلصت من السوق ؟!! العيال خلصنا من ملابسهم من طلعة طلعتين للسوق .. والمعزبة من أول رمضان وحنا بالسوق وجاء العيد وماخلصت !! قلت لها بكتب ( متى تخلص المراءه من السوق ) عنوان لموضوعي القادم .. من حرتن فيني .. قالت : فيه موضوع أحلى .. قلت وشو .. قالت : إكتب متى يودي الزوج زوجته للسوق من غير هواش !!!

حياك شوق وعيدكم مبارك قبل الزحمة

ابو طـــــلال · #48 16/09/2009, 06:00 AM

إقتباس

الرسالة الأصلية كتبت بواسطة الاسطوره القدام


	اهلين ابو طلال...... تقريبا من 500 الى 600 باقي اغراض ماشريناها وربي يعطـيـك العـافيه

معقولة جدا ... لو ماتزود واجد عن كذا تكون معقولة ..

ودك ماتتعدى الألف .. للشخص الواحد

تقطعها ب العافية ...

اما انا يمكن 500 وعيالي يمكن 500 إلى 600 ..

بس الحكومة

اللى تجاوزت الحد الإئتماني بواجد .. وللحين ماخلصوا .. والمبلغ بقولة بس بعد مانشوف ردود العضوات ..

حياك يالغالي

h_s y t_2008 · #49 16/09/2009, 06:02 AM

هلا والله بابو طلال

وحشتنا يا أخونا الصغير

والله شف يابعدي بدون هياط ولا مثالية على قولتك أنا مصاريفي بالعيد بحدود ال300 إلى ال380

بس اللي مستغرب منه البنات تشتري قطعة ب400 500 الله اكبر

عاد ليتها تحلل قيمتها مرة وحدة وتقول خلاص شافوه علي طيب وشوله كل القلق ذا

يارجال حنا فاهمين الكشخة غلط إذا مافضيت مخباتك ماتعتبر عيدت زي العالم والناس

تحياتي...

H_S Y T_2008

AHMAD.10 · #50 16/09/2009, 06:02 AM

إقتباس


	أسال أم طلال اليوم أقولها .. أنا مدري متى تقولين خلصت من السوق ؟!! العيال خلصنا من ملابسهم من طلعة طلعتين للسوق .. والمعزبة من أول رمضان وحنا بالسوق وجاء العيد وماخلصت !! قلت لها بكتب ( متى تخلص المراءه من السوق ) عنوان لموضوعي القادم .. من حرتن فيني .. قالت : فيه موضوع أحلى .. قلت وشو .. قالت : إكتب متى يودي الزوج زوجته للسوق من غير هواش !!!

ههههههههههههههههههههههه
كلكم صدقتوا

ابو طـــــلال · #51 16/09/2009, 06:02 AM

إقتباس

الرسالة الأصلية كتبت بواسطة ^ العنود ^


	اهلين ابو طلال ,, شخبار فارس وطلال ,, ياحياتي من زمان عنهم ,, المهم ,, انا بقول بس لحد يهاوش ,, لاني اخذت هواش بمافيه الكفايه ,, <<< تمهيد ,, تقريبا 3 الاف ,, ولحد يقول لي شي روحوا شوفوا الاسعار ,, شوق 200 دينار عندنا 2000 مو ؟

عاد هو ينفعبكم الهواش يالعنود .. كله واحد

وطلال وفارس يسلمون عليك كثير السلام ...

وهي الأسعار نار فعلا بس حنا مهبل بعد

تقطعينهن بالعافية

A S D · #52 16/09/2009, 06:03 AM

اهلين ابو طلال

صراحه في ناس مبالغين كثيرررررررر

يعني بالله البوك من الي بيدخل عيونه جوا جيبك و يشوف البوك .!!
ثاني شي و الله الخياطين كسبانين من ورا العالم دبل و ثري بعد
يعني ثوب بـ 200 / وووين يابو الشباب

عذراً مانيب قايل لكم بكم اشتريت

® HuMMeR · #53 16/09/2009, 06:08 AM

آنا مدري من متأكد بـس يمكن .
10000 ولا 9500 مدري بالظبط << هذا موهب هياط الا عم الهياط

والله أنا شريت 500 ريـال . . ريال ينطح ريـال .
وأشـوف آنها وآجد بع ـد . ((بس يالله آنا كريـم أصلاً ))

وبرنامج خوآطر صرآحه قوي بـس ما آتابعه دآيم عشان وقته غبي شوي

ابو طـــــلال · #54 16/09/2009, 06:08 AM

إقتباس

الرسالة الأصلية كتبت بواسطة عشقي 20


	هلااخونا الصغير .... والله ياعليك توقيت اليوم توني شاري كل شي تبي تفصيل ؟ . اوك اوك 1_ ثوبين كلهم SR390 2_ جزمة ( الله يكرمكم ) 140 SR 3_ نعال ( الله يكرمكم ) 90 SR 4_ عقال 30 SR 5_ شرابتين 20 SR 6_ شماغ 125 SR 7_ طاقية 10 SR 8 _ الملابس الداخليه مدري كم عاد المجموع :ـ 805 SR ترا ما حسبت الملابس الداخليه لكن هم تقريبا 100 ريال اخوكم الصغير عشقي 20

المشكلة اخوي عشقي ان أغراضك معقولة أسعارها هاليومين .. والأغراض اشوفه ا كلها ظروريه .. بس الناتج كبير .. تقريباً وصل الـ 1000 ?!!

بس انت لو ملغي الجزمة .. ولك ثوب واحد بس .. هذي 340 ريال .؟!! مبلغ

يمديك ترجعهن هع هع

تقطعهن بالعافية ..

ابو طـــــلال · #55 16/09/2009, 06:12 AM

إقتباس

الرسالة الأصلية كتبت بواسطة حكر المنحكر


	انا عني فصلت ثوب 120 ريال وشريت سروال الأصيل 12 ريال وفنيلة الأصيل 9 ريال باقي الحاجات ابنفضهن هاليومين والاكيد انه شماغ البسام 100 ريال وشبشب خفيف الله يكرمكم واستقبل المهنئين بالمجلس وانت اول المعزومين على الغداء يابوطلال يوم العيد

فنيلة الأصيل بتسعه .. وسروال الأصيل بـ 12 ... بعد لو ثوب الأصيل جاهز بسبعين او ثمانين .. يمديك توفر اربعين ريال ... يعني يطلع عليك العيد واقف بــ 200 ريال

الله يبارك فيك ياحكر يالمنحكر .. ترى يوم العيد ( فاضي ) لاتعزمني وتتوهق هع هع

حيااااك

رعبوبة الزعيم · #56 16/09/2009, 06:12 AM

.
.

هلا والله اخوي الصغيير ابو طلو

موضوع فنتآستك بصرآحه , الحمد لله ماحس ان في منتدآنآ نآس مهايطيه
عآد تصدق امس مآسكه جوآلي واحسب المبلغ اللي خسرته في هـ العيد
طلع بالضبط 1470 عاد السوق نآآآر تبي شي زين نآدر ماتلقآه تحت الـ 200
طبعآ هالمبلغ مآبين بدلتين وشنطتين وجزمتين وانت بكرآمه والعبآيه والاكسسوار والميك اب
وبعض الخرآبيك ..

ثآنكس ابو طلووو

.
.

ابو طـــــلال · #57 16/09/2009, 06:16 AM

إقتباس

الرسالة الأصلية كتبت بواسطة بسوومه


	والله انا العاده لبس واحد والسلام ويكلف تقريا 700 -800 مع اغراضه لكن هذا العيد رايحين الديرة وبنقابل ناس كثيير تقريبا 1500 - 2000الصراحه اول مره اصرف كذا

بالنسبة لبنت معقولة هالصرفية 1500 !!

بالعكس اللى ماني مستوعبة إن البنت يكفيها 700 ريال مع هالأسعار !! انا شفت بعيني الأسعار !! نهابة والله

حياك اختي

متآبعه بصمت · #58 16/09/2009, 06:16 AM

بمناسبة العيد مو بس شريت ملابس
حتى الغرفة ما سلمت من شري

غيرت فيها أشياء كثيرة
مدري كم وصل السعر إلى الآن !!!!!!
حتى البيبي

اللي ما بعد جاء من ألحين أشتري له

//

بس تأكد يا أبو طلال إن كل اللي شريته من الغالي لأن سعره فيه

ويواجه

//

يا لبى العيد بس

ابو طـــــلال · #59 16/09/2009, 06:20 AM

إقتباس

الرسالة الأصلية كتبت بواسطة مدريدي عاشق سامي


	حيّ الله أبوطلال.. والله يالغالي.. الدعوى كله ثوب و شماغ و كنادر.. الثوب وقضينا منه.. و الشماغ شاريه من اول العطلة الصيفية.. و الكنادر كل يوم أقول اليوم..!! أتوقع كل الدعوى تكلف.. من 400 الى 600 هذا إذا ماكان أقلّ.. شكرا

تحيا وتدوم اخوي .. حياك

جدا معقول .. وترى عندنا مشكلة في ( الذوق ) يعني تلقى 500 ريال عند واحد ( ذويق ) يلبس ويكشخ أحسن من واحد دافع ( 1000 ) ريال .. وتحس إنه مادفع شي ؟!

شكلك ذويق مثلي

>> هين

hilalemooot · #60 16/09/2009, 06:26 AM

السلام عليكم

هلا ابو طلال .. كل عام وانت وكل حقين المجلس بخير

والله يبو طلال اللي اذكره ذاك اليوم رحت الخياط اخذ ثيابي دفعت له على ثوبين 280 بعد التخفيض طبعاً

.. لقيت جنبه محل جديد .. دخلت له اخذت جزمة ونعال - تكرمون - بحول الـ 220 الظاهر .. قلت بالمرة خلني اتمشى دامي بسوق الرجال .. منها امشي شوي مبطي عن النادي .. ومنها اخلص اغراضي .. دورت شماغ مالقيت شي جازلي بصراحة .. بس يمدحون شماغ جيفنشي حق عيد 1427

.. كنت ناوي اشري عطر 212 مخلص عندي بس جاني هدية من أمي الله يخليها

.. يمكن انزل الجمعة واخلص الاشياء الخفيفة اللي باقية (شماغ لو لقيت شي كويس

- ملابس داخلية - شرابات وكبكات - ويمكن يمكن ساعة) .. اما بوك ما طرالي .. اصلاً انا استغرب من اللي يشري بوك كل عيد

ما كان عندي نيّة اشتري شي بس انحديت .. دوام بالعيد

+ ثلاث عروس

يعطيك العافية