إقتباس الرسالة الأصلية كتبت بواسطة هلاليه محترفه صدقني اخوي الي ينقص 1- إنضباط الجماهير الهلاليه الي حاضره في الملعب مع الرابطه وتنفيذ مايطلبون منهم بأمانه لما يطلب من الجماهير المراوح مدري وش تسمونه المهم الي ترفعون الشالات تسونها مضبوط بس الزلزال لا واذا قالو كل واحد يمسك خويه ماحد يمسك الثاني !! وش يسون الرابطه اذا الجماهير ماتنفذ طلباتهم يقولون كل واحد يلبس طقم الهلاال او يلبس ازرق واحد جايك اصفر ولا أخضر وش يسون الرابطه فيه؟؟ 2- صح الرابطه اهازيجها مو مره ذاك الزود وافكارهم محدوده ومافي تطوير بس ولله ماقصرو وحرام ننكردورهم ولو يحاولون يستمرون مثل الاسيويه وكيف كانو بتطلع الرابطه مضبوطه بس لو يتركون الطبول والي يصارخ يرجعونه لشباب كان احنا بخير.. 3- لاننسى ان انظمة الملعب له دور سلبي في جمالية الملعب ويمكن يرفضون اشياء كثيره... وقد قريت ان شعار GOOL رفضو دخوله مره ثانيه ... ومكان الرابطه جنب المنصه واغلب الجماهير تجلس في الواجهه .. ولو تذكر مباريات الاسيويه الجماهير كانو متفاعلين مع الرابطه لأن الرابطه بينهم ...واتوقع اللوحات ممنوعه مع ان من زمان كنت اشوف في مباريات الهلال لوحة تشجيعه للاعب فلاني الشعارات كثيره على المللعب والحين كل هذا ممنوع ومادري وش السبب! وهذا شي سلبي على الجماهير .. شف هذي الصوره قبل وبعد الشعارات مغطيه الملعب شف هذي الصوره فاضي مافي اي شي !! 4- لو يتم عمل أستكر طويل فيه صور الاعبين الأساسين على سياج الملعب او بين مدرج الدرجه الاولى والثاني بدل قطعة القماش الموجوده ورايحه فيها !! 5- لو يتم إستبدال قطعة القماش الزرقاء بـ شعار الهلال افضل لأني شفت مباره يدور بين الجماهير قطعة قماش أزرق . 6- والأهم هو تفاعل الجماهير لو نجيب القرني والجماهير ماتتفاعل الرابطه مارح تكون مميزه وتميز الرابطه بتفاعل الجماهير ولو نشوف جماهير الغربيه بشكل عام حماسيه وتتفاعل بقوه وحركيين بعكس المناطق الاخرى يعني جماهير الأهلي والإتحاد لايعلا عليهم حتى جماهير الهلال في الغربيه اكثر من رائعه لأن الجماهير نفسهم متفاعلين مع الرابطه... ان شاءلله احد من اعضاء الرابطه ياخذون بالإقتراحات الموجوده في موضوعك

معليش اختي لا تقارنينا بالغربية , لانهم جابو شي متوافق مع طبيعتهم , اهل الغربية راعين كسرات

وطرب شعبي وهالامور مو غريبة عليه مناسبة لهم , حنا حبينا نطبقها عندنا مع اختلاف طبيعة المنظقة الوسطى

اضافة لان الرابطة عندنا اهازيجها اقل من اهازيج الغربية , في كلمات مضحكة وقديمة صعب يتفاعل الجمهور

مع تشجيع ما ينسجم مع طبيعته , ثانيا اغاني مافيها ايحماس ولا لها دخل في الكورة , الملاعب لها اجوائها

الخاصة فيها , بالنسبة للمنوع بالتأكيد اتحادنا اصبح مزعج بالممنوعات وهذا دليل ضعفه ,

خايف من اي شي فمنع كل شي واخفى جمالية الملعب بدئا بمنع اللوحات والشعارات وكل شيء من دخول

الملعب , حتى اثر على الحظور الجماهيري للاسف , خلونا نلعب في دائرة المسموح لاننا لو بنفكر في الممنوع

ماراح نتحرك ابدا

للرفع............................

يعطيك العافيه اخوي وماقصرت وباذن الله ماراح نقصر مع زعيمنا

يرفع لمزيد من التفاعل يا اخوان نريد ان نحدث انقلاب في المدرجات الهلالية

باذن الله يتحقق حلم عبد الله بن مساعد في جعل مدرجات الهلال حية مثل مدرجات برشلونة

دام هذا الجمهورخلف الزعيم

والله انا اضم صوتي لصوتك

والمدرجات الهلالية نايمة والسبب الرابطة

لو حنا 16 شخص مثل المنافسين كان نجحت رابطتنا

بس حنا آلآف من يقودنا ..

يبيلنا شغل حتى نصل الى مدرج مثالي ولكن الاهم ان نبدأ وسيحدث التغيير على مراحل والجمهور عنده استعداد لكنه

يريد شيء يليق به وبالهلال حتى يتفاعل معه نرجو من الرابطة ان كان لديهم افكار او اي شيء ان يفيدونا فيه

للرفع............................

الجمهور الهلالي كبير ويدعم الفريق

بالتوفيق للزعيم وجمهوره الكبير

إقتباس الرسالة الأصلية كتبت بواسطة THE EXPERT001 والله نتمى هآلشي يرجع لآكن ...!!! يعطييك العآفييه ع الموضوع .. تحيآتي لك ..

بيرجع اخوي الاهم الان تفاعل الجماهير وصدقني لسنا اقل من دول المغرب العربي

تكفون نبغى رابطة تهز المدرجات والدليل اخر مباراة لعبنا في دوري زين مع نجران بصراحة تشجيع نايم نايم نايم وكلمات متكررة ومعروفة حفظناها من كثر ما يرددونها حتى المايكات مدري وش تبي كان قاعد في حارة واللي يقهر كل مانبغى نشبه نقول رابطة الاتحاد متى يقولون جمهور الهلال والله تشجيعه صح خلونا قدوة لغيرنا وخلوا غيرنا يتقيد ويقلدنا

يرفع وننتظر مزيدا من التفاعل , مشاركتكم في هذا الموضوع بالاراء والاقتراحات او حتى التأييد سيساهم في احياء المدرجات

الهلالية وجعلها مضرب للمثل في العالم العربي واسيا كلها

افضل رابطة شفتها الاتحاد تشجيع من اول المباراة الي اخرها مايوقفوون

وياليت نكون مثلهم

والله الرابطه تقوم بشغل عدل

خل عنك هالخرابيط
البلا في الجمهور يجي وينطم مايتكلم

اشكرك على حرصك بس لازم تقدر جهد الراابطه