حملة احياء المدرجات..لعب جماعي & تشجيع جماعي - صفحة رقم 5 - نادي الهلال السعودي - شبكة الزعيم

من قدك ياهلالي · #61 16/09/2009, 02:09 PM

إقتباس

الرسالة الأصلية كتبت بواسطة كاكاو


	مقطع لجماهير يابانية في تشجيع جماعي مرعب تخيل ان الجمهور الياباني لم يعرف كرة القدم الا في منتصف التسعينات يمكن ان البعض يرى طريقة التشجيع هذي مستحيل تطبيقها ولكن الحقيقة ما فيه شي اسمه مستحيل وفي مباراة اعتزال يوسف الثنيان جماهير الهلال شجعت بشكل مرعب وكل من حضر المباراة يتذكر كيف كان تفاعل الجماهير اضغط هنا لمشاهدة المقطع

هذا الفرق بين رابطة جماهير فريق كرة قدم , وبين فرقة شعبية مع كامل الاحترام للرابطة ولكنا خلاص طفشنا

والصوت الهاديء ما ينفع ولا يوصل من ايام حقوي وحنا رافضين هالفهم المحدود لدور الرابطة وطريقة التشجيع

مافي اي تطوير هناك خلط بين الاعراس وبين الملاعب

Carizma · #62 16/09/2009, 04:02 PM

يعطييك العآفييه ع الموضوع ..

تحيآتي لك ..

مطيحن · #63 16/09/2009, 04:10 PM

تدري وش المشكله....رابطتنا هزيله جدا...فوق كذا جمهور مايتفاعل الى با التشجيع الجماعي..

الزبده نبي تشجيع جماعي وحماسي....

صقررر الهلال · #64 16/09/2009, 04:31 PM

كلام رائع
والحملة هدفها الاول الضغط على الادارة لتبدأ بالتغيير

المشكلة الادارة شايفه الصمت من الجمهور فتعتقد ان الجمهور راضي
مثل ما قلت طموح الحملة كبير جدا

نبي تفاعل من الادارة لتذليل المشاكل اللي تواجه المشجعين وتواجه المجلس
نبي تفاعل من المجلس وتقبل للنقد لان الهدف بالاخير ليس الاشخاص ولكن العمل

بالنسبة للرابطة
فما نبي نقد ولا شي
نبي الرابطة توقف عن استهتارها بالجمهور
نبي توقف عن اسختدام المايكات والطيران
نبي توقف عن الشكشكة والاهازيج المضحكة اللي جالسه تتحفنا فيها

heron76 · #65 16/09/2009, 04:48 PM

صقر الهلال هذي الزبدة , البعض يعتقد ان الرابطة تشغل فراغا لابد من شغله

يعني هم عارفين ان شغلها يفشل لكن يقولون مافي بديل حاليا وكانها اذا اوقفت

الاستهتار اللي قاعدين نشوفه انه الفريق بينهار والجمهور بيتذابحون يحسسونك ان في مصيبة

بتجي ان بقينا بدون ازعاجهم بالعكس والله اشوف ان تأثيرهم سلبي حتى على اللاعبين

تخيل تبي تركز وهذا يصارخ فوق راسك حتى لو صوته حلو الملعب ممكن اتقبل فيه موسيقى

اهازيج جماعية (حماسية ) الى الان ليسو مدركين معنى الرابطة عندهم خلط بين

فرقة السامري

وبين رابطة تشجيع فريق .........

كاكاو · #66 16/09/2009, 07:00 PM

إقتباس

الرسالة الأصلية كتبت بواسطة heron76


	صقر الهلال هذي الزبدة , البعض يعتقد ان الرابطة تشغل فراغا لابد من شغله يعني هم عارفين ان شغلها يفشل لكن يقولون مافي بديل حاليا وكانها اذا اوقفت الاستهتار اللي قاعدين نشوفه انه الفريق بينهار والجمهور بيتذابحون يحسسونك ان في مصيبة بتجي ان بقينا بدون ازعاجهم بالعكس والله اشوف ان تأثيرهم سلبي حتى على اللاعبين تخيل تبي تركز وهذا يصارخ فوق راسك حتى لو صوته حلو الملعب ممكن اتقبل فيه موسيقى اهازيج جماعية (حماسية ) الى الان ليسو مدركين معنى الرابطة عندهم خلط بين فرقة السامري وبين رابطة تشجيع فريق .........

مشكلة الرابطة عندنا مثل ما تفضلت اخوي
انهم ما يفرقون بين الرابطة وبين السامري

تخيل في بعض المباريات يجلس قائد الرابطة يمول مواوويل
واللي بجنبه يردون وراه كأنهم في جلسة سامري والا في مجس حجازي

butterfly blue · #67 16/09/2009, 10:28 PM

مع اني بنت ولا لي في الملاعب
الى اني معاكم في الحملة

الحماس في التشجيع .. والحظور الايجابي في الملاعب
له تأثير كبير على مستوى الفريق ونتايجه
وإن شاءالله تنلغي الطقطه والشكشكة .. اللي مدري
وش فايدتها !!! إزعاج على الفاضي .. والفاظ بزران

الله يقويكم ..وإن شاءالله الحملة تحقق هدفها في اقرب وقت

heron76 · #68 17/09/2009, 01:50 AM

إقتباس

الرسالة الأصلية كتبت بواسطة كاكاو


	مشكلة الرابطة عندنا مثل ما تفضلت اخوي انهم ما يفرقون بين الرابطة وبين السامري تخيل في بعض المباريات يجلس قائد الرابطة يمول مواوويل واللي بجنبه يردون وراه كأنهم في جلسة سامري والا في مجس حجازي

الزبدة انه ماله اي دخل في اجواء المباريات , صدقني لو توديه مثلا سباق سيارات

بيقعد يمول , لو تحطه في سوق بيمول , هم زي شعبان عبد الرحيم لحن واحد حافظينه

ويرددونه مهما اختلفت المناسبات , الفجوة كبيرة وهذا اللي خلى الجمهور ينفجر

يعني نفس الرابطة يتسائلون ليش الجمهور ما يتفاعل مع شكشكتهم والكسرات اللي

يرددونها في المدرج

من قدك ياهلالي · #69 17/09/2009, 02:48 AM

إقتباس

الرسالة الأصلية كتبت بواسطة butterfly blue


	مع اني بنت ولا لي في الملاعب الى اني معاكم في الحملة الحماس في التشجيع .. والحظور الايجابي في الملاعب له تأثير كبير على مستوى الفريق ونتايجه وإن شاءالله تنلغي الطقطه والشكشكة .. اللي مدري وش فايدتها !!! إزعاج على الفاضي .. والفاظ بزران الله يقويكم ..وإن شاءالله الحملة تحقق هدفها في اقرب وقت

هالامور للاسف تسيء للهلال وبمظهره كفريق كرة قدم

al7wt · #70 17/09/2009, 04:09 AM

السلام عليكم ورحمة الله وبركاته

انا كتبت موضوع عن طريقه للتشجيع تفيد الرابطه وتفيد الجماهير والكيان الهلالي اول شيء بس للأسف لم يتم طرحه
الطريقه كما يلي:

لو افترضنا ان عدد الرابطه 20 يقوم رئيس الرابطه بتقسيم المدرج الى 20 قسم او 10 اقسام
كل واحد او اثنين من الرابطه يمسكون قسم وتكون الرابطه متفقين على نوعيه من التشجيع اما زلزال او تصفيق او انشوده او الموج الأزرق
والتنسيق فيما بينهم عن طريق المايكات ويحركون المدرج ويرتبونه على طريقتهم والجمهور ما راح يسكت

ومع مرور الوقت راح يكون الجمهور عنده وعي بطريقة التشجيع

محب للكيان الهلالي

كاكاو · #71 17/09/2009, 04:10 AM

إقتباس

الرسالة الأصلية كتبت بواسطة من قدك ياهلالي


	هالامور للاسف تسيء للهلال وبمظهره كفريق كرة قدم

سببين ما تخلي الجمهور يقدر يصبر اكثير من كذا على اداء الرابطة وشكشكتهم

1- تأثير الجماهير على الفريق وهذا الشي قل بشكل كبير لان الجمهور ما يحبون طريقة اداء الرابطة
2- شكل المدرجات الهلالية كواجهه لاهم فريق في اسياء تشوهت بشكل كبير بسبب الرقص والشكشكة

ارجع واذكر الجميع
بشعار حملتنا وياليت تشوفه في تواقيعكم

لعب جماعي & تشجيع جماعي

أحـٍضـטּ خ‘ـيآلــٍكـ ~. · #72 17/09/2009, 04:12 AM

مشكور والله يعطيك الف عافية
وبالتوفيق للزعيم

من قدك ياهلالي · #73 17/09/2009, 12:12 PM

يرفع ليطلع عليه اكبر عدد من الجماهير

أبو ميار · #74 17/09/2009, 12:27 PM

يالغالي هي كلمتين أعتقد إنها تفي بالغرض ..

قبل ما تجي الرابطة كنّا بخير وأقصد بالرابطة أصحاب الدفوف ورئيسهم .. ولا أقصد بالرابطة الجهة التنظيمية ..

ما أجمل الأندية العالمية وهي منسقة ومرتبة بتشجيعها ..

بالشكل الحالي كرهونا بحضور المباريات مع جلّ إحترامي القدير لهم ..

شكراً

من قدك ياهلالي · #75 17/09/2009, 01:07 PM

إقتباس

الرسالة الأصلية كتبت بواسطة أبو ميار


	يالغالي هي كلمتين أعتقد إنها تفي بالغرض .. قبل ما تجي الرابطة كنّا بخير وأقصد بالرابطة أصحاب الدفوف ورئيسهم .. ولا أقصد بالرابطة الجهة التنظيمية .. ما أجمل الأندية العالمية وهي منسقة ومرتبة بتشجيعها .. بالشكل الحالي كرهونا بحضور المباريات مع جلّ إحترامي القدير لهم .. شكراً

المشكلة يابو ميار انه اصبح هناك اعتقادات خاطئة عن دور الرابطة , البعض ترسخ عنده انها عبارة عن فرقة

شعبية , في عدد من المباريات تحرر الجمهور الهلالي من الرابطة اما بعلو صخبه على صوت النشاز

او بسبب عدم وجود هذه الفرقة الشعبية , وكان تأثيرهم واضح جدا رغم انعدام التنظيم فكيف لو كان عندنا رابطة

حقيقية مثل الاندية العالمية او حتى بعض الروابط العربية في المغرب العربي