نادي الهلال السعودي - شبكة الزعيم - الموقع الرسمي

السلام عليكم

قبل كم يوم رحت للإتصالات على شان أنقل خطي لموبايلي. سألت الموظف عن الإجراءات قال لي رح سدد أول بعدين تعال

نقزت لأقرب صراف وسددت المبالغ المفوتره لأنك ما تقدر تسدد عن طريق الصراف الا الفواتير النازلة.

بعدها رحت لموظف الاستقبال قال لي باقي عليك غير مفوتره. خذ لك رقم وانتظر لين يجيك الدور وسدد

تخيلوا اني انلطعت في فرع المرسلات في الرياض من الساعه عشر الا ربع الى الساعه وحده علشان أسدد غير المفوتره بس !!

المهم طلعت منهم ونقزت لأقرب فرع لفروع موبايلي واللي هو فرع المروج. المهم, حولت جوالي والحمد لله والمسألة ما خذت أكثر من ربع ساعة !!

قال لي موظف موبايلي كلها كم يوم وتشتغل الشريحة لأن الموضوع مب في يدنا. الموضوع في يد هيئة الإتصالات هي اللي تنسق بين موبايلي و اس تي سي.

مالكم بالطويلة, اليوم كملت أسبوع والجوال ما اشتغل, واليوم سير علينا ولد خالتي في الاستراحة وتسحر معنا. ويوم درا عن سالفتي قال لي انه حاول مرتين كل مره يروح يسدد للإنفصالات وياخذ ورقتهم وويديها لموبايلي على شان يحول. والنتيجة بعد ما يلطعونه اسبوعين رسالة إعتذار من موبايلي ما نقدر ننقل الرقم !!

أنا سمعت ان الإتصالات مستقعدة بعد ما شافت ان العملاء بدوا يهاجرون لموبايلي

فيا شباب اللي عنده خبر لا يبخل علي