المجتمع السعودي... هل هو ( نخبوي ) ؟؟ وكم يبلغ عدد ( السملّق ) فيه ؟؟ - صفحة رقم 3 - نادي الهلال السعودي - شبكة الزعيم

● • ѦẐỔẐ »~ · #31 15/09/2009, 10:13 PM

موضوع متميز من كاتب متميز

marsal · #32 15/09/2009, 11:01 PM

المجتمع السعودي هوالمجتمع الاخير الباقي المتمسك بشرع الله على وجه العموم وعلى الشكل العام...

وهذه ليست مجامله ولكن واقع وكلمة حق يجب أن تقال

لهذا احيانا عندما يكون النقاش على اساس الدين لا تستهون يموت لاجله ملايين

.
.
.
النمله .......

استغرب دفاعك عنه لان النمله فتح مشاريع فاشله ليعالج بها الفقراء و وألها ميكانيكا سيارت للفتيات

وبعدها اردفها بمشاريع اخرى كلها فاشله
و في الاخر رفع الامر لولاة الامر على ان الشعب لا يريد ان يعمل وتم اقفال صندوق الفقر وضاع الفقر والله يجازي من كان السبب...

الصخره مبدع عندما تناقش قضايا فعليه

تحياتي

Fahad Al Sudais · #33 15/09/2009, 11:40 PM

AHMAD.10

بالعكس ياخي... الخضار ازين لك... تنام خفيف وتصحى خفيف تلقى نفسك في فصل الخريف

.

.

..departed..

على كذا اتحوّل الى ( صخ صخ معتّق )

.

.

كان هنا

صدقت يابوداحم... حتى في مناحي الحياة الاخرى ودنّحي المستقبل المظلم

.

.

ياسر الكااسر

حياك الله يالغالي ومنور الموضوع

.

.

E.2007

الحين بدل ماتفرح انه صار حلال

.

.

محب الجنه الخرج

ديرتكم ماشوّه سمعتها الا الاستراحات... شوفوا لكم حل فيها وتزبط امور الخرج

.

.

R D H

انا الذي تعرف البطحاء وطأته / وشارع الريل والسويلم والعطايف ومنفوحه

.

.

iRaied

عليك تشبيه.. الصخرة يعني انا ناقد ( صاخر ) يا مخ

.

.

هاري بوتر1

اذا ارتفع سعر الفول باهاجر لاستراليا وادبغ فول هناك لييين ادوخ... يمدحون القلابه عندهم

.

.

мя.ħάίţħάм

اتحداك تحلف... قل قسم عَظَم... وانت بعد اطلدز عضو ياكوتش

.

.

I don't know

خلاص احتريك تصحصح

.

.

اليزابيث هيرلي

وااااااااابرجاهـ الشنانتاااااااااهـ... والله انتس صادزه.. خيبتنا تفشّل... ياشماتة ابله طازه فينا

.

.

A.K.N 505

خلاص اجل لبّق باقرب حاره ودق فليشر

.

.

هلالي ولك الحمد

في فمي ماء... شكرا على تواجدك

.

.

.

خلصنا الصفحة الاولى.. ولو أثر اللياقة دمار.. يبي لي آخذ لفّه على ملعب الملز قبل اكمل الردود

Z ! Z OO · #34 16/09/2009, 12:36 AM

هلا والله بالصخرة ,,
كالعادة مبدع لاكن هالمرة غير

مجتمعنا السعودي ,, مجتمع بين حالتين
أما مطخطخ ويملك مايملك من الأموال والزاد .. أو أخر على الحديد
والأقساط من كل ناحية تأخذ منه كل مايملك وأخر شى هو السلف

كلامك عن البيروقراطية ,, هو بالفعل نحن شعب ياغلبان على أمره
أو سبب لغلابته ,, أقصد التجارة والمسئولين
طلب تنفذه بكل حذافيره وبدون أي أقتراحات

إقتباس


	طيب اتحداكم تقولون لي ماهو اشهر ( ديربي ) سعودي ؟؟

الدربيات كثيره ,, ولاكنها تختلف وتتنوع

والكل يغري بالأعلانات

وكلها كلام فاضي والمستهدف الوحيد هو جيب المواطن الغلبان

إقتباس


	كل السعوديين يقفون صفاً واحداً تحت راية جوالات ( نوكيا ) وكلهم يتشققون من الفرحة اذا جتهم الوجبة في ( الطيارة ) وكلهم ايضاً لايستعملون للشرب من البرّاده غير قارورة ( المنهل )

إلا أنا فأنا من أنصار السوني أريكسون وأي شى غير النوكيا
وأما الطيارة ,, فصدقت مع أنها من جد ماتسوى

والمنهل ,, سواء برادة ولا غيره فيبقى الأول والأوحد

--
وموضوعك هذا له عده أقسام وأبدعت في سردها
كعادتك ,, أري قاتو ..|

|

بركان أزرق · #35 16/09/2009, 08:07 AM

آآآآآآه يالصخرة

ودي اجغفك

اجغفك

لييين تقول بلاااش مواضييع

Fahad Al Sudais · #36 16/09/2009, 12:11 PM

الغرناطي

عفواً حبيبي

.

.

سامي صعب يتكرر

الله يحييك وابشر بعزك

.

.

ذآيب

انا معك في كلمه قلتها... والله يستر لايطيح الملف النووي في يد قائد المفوضيّه الاوروبيّه

.

.

هلالي معالي

وش عند الترييش يالمصري.. لسني استحمل زيادة مدح.. انا مجرد مفولجي

.

.

MiSs SuN ShInE

شكلتس ماتدرين اني امتلك بير بترول بالسطح جنب الخزان.. وكل يوم ( أعايره ) واذا شفته ناقص زودته من زيت السمبوسة

.

.

alhilali15

كلامك مردود عليك.. انا ما استخدم ابوكاس... غير العلمين وارد الشعلان لاتدوّر

.

.

ابو لارا@

رح فوق شوي واقرأ اخبار المجلس حقت ذآيب.. وشف الخبر حق اللي قال للثاني ( وش تناظر ) وقام هذاك وطعنه ومات

.

.

إحساس خالد

ياكافشني انت بإسقاط الفول هههههه... جازت لك سالفة المسيار اجل

.

.

ريكيلمي

تعليقك البسيط كافي ووافي يا إياد... لاهنت والله

.

.

مدريدي عاشق سامي

والله تجربة الجامعة كان هي على كلامك بتكون خطوة نحو الافضل.. لكن ليتهم يصملون

.

.

الاسطوره القدام

شكرا لك... وراسل مستر قول او الوليد علشان يعدّل الخطأ اللي بيوزرك ( القدام << القادم )

.

.

رائدة الزعيم

ان رجعتي اهلا وسهلا وان مارجعتي مشكورة على بصمتك الجميلة وماقصرتي

.

.

شـذى

زين انك رديتي علشاني ابيك بموضوع... الحاره اللي جنبنا عندهم فريق كيرم وناقصين محترفات.. وش قلتي ؟؟

.

.

رعبوبة الزعيم

والله لو تعطينهم سبع الاف دورة... الشيء اذا ما كان من ( الاساس ) لا يمكن اكتسابه في الكبر

.

.

Miss.nora

في فمي ماء هنا ايضاً... وليت لي سلطه على هالتبرعات... وكلمة ليت عمرها ماكانت تعمّر بيت

.

.

.

خلصت الصفحة الثانية

Hictar · #37 16/09/2009, 08:13 PM

يا فهد هذا أفضل موضوع قريته لك
يمكن لأني ما أحب خنبقه ربعنا بالمنتديات والصحف ( وكل واحد يكذب على الثاني )!!
ومن نطلع للشارع نشوف العكس!!.
ويمكن مليت من شطر البيت الأول من النشيد الوطني :
بلادي سارعي للمجد والعليا!!. ( هذا إذا ما كنت غلطان فيه )!!.

الشئ اللي يقهرك جد
بولاه الأمر والمسؤولين همهم الوحيد ( كيف بتكون نظره شعوب العالم للمملكة )!!.
أما الشعب اللي عايش داخل المملكة فبلعنه تلعنه!!.

الشعب قام ياكل بعضه ، لا يحرم حرام ولا يحلل حلال
كل همه يوفر لقمه العيش!!.
وحنا من أغنى دول العالم!!.
ولو كان عدد سكان المملكة 200 ميلون ، ما أحد عذر المسؤولين بالتصرف بالميارات!!.
لكن عددنا بالكثير 20 مليون بس!!.
ثلاث أرباع المملكة ( بر ما أحد سكنها ) ، و 80% من الشعب مو قادر يسكن ببيت ملك!!.

وش أقول وش أخلي ، موضوعك يا فهد
يخلي الواحد يحجر له مكان بسجن الحاير!!.

Fahad Al Sudais · #38 16/09/2009, 10:07 PM

السموحه على قفز الردود...

بس توقيع مواصل ناقص اهم فقره ايجابية :

إقتباس

الرسالة الأصلية كتبت بواسطة مواصل من عام 1413هـ


	أنظر إلى إيجابيات عدم تأهل المنتخب لكأس العالم : 1- أن المنتخب لن يتلزخ من باقي المنتخبات العالمية 2- إرتفاع ضغط مسؤلي الإتحاد السعودي 3- بقاء لاعبي الهلال مع النادي لنهاية الموسم

4- سعر اشتراك الضفدع كامل حق كاس العالم بيرخص واجد ... احتمال الى النص

Blue Sun · #39 17/09/2009, 07:18 AM

هلا والله وغلا صخرتنا ..

ياخي شو بدي احكي لاحكي ..

ما خليت شئ يعاني منه الشعب الا تطرقت له ..

ياخي وين المسوولين عنك انت موهبه لازم تستثمر ..

لو لي سلطة كان وضفتك بمجلس الشورى ..

صح ان ما منه فايدة بس علشان ما ننقطع من سوالفك ..

الا اقول ما تخبر لنا مسيار نفك فيه ازمة لين ربك يفرجها ..

يعطيك ربي الف عافية على الموضوع ,,

Fahad Al Sudais · #40 17/09/2009, 02:34 PM

~عاشق التائب~

اشكرك بعنف... انتفخ راسي

.

.

marsal

النقاش والحوار يالغالي في كل شأن لابد ان يتحلى بالحكمة والموعظة الحسنة... أمّا النملة فصدقني انه ماقصّر لكن الشق اكبر من الرقعة

.

.

Z!Z OO

أثاريك مثلي معك سوني اريكسون... ومدريدي بعد... ناقصك الفول وتصير اكوس واحد

.

.

بركان أزرق

اذا مثل جغفة البنيّه اللي بتوقيعك مافيه مانع

.

.

مواصل من عام 1413هـ

صدقني اذا سجنوك بالحاير ان يطلعونك من ثاني يوم... علشان كل وجباتهم مليانه ( سجق )

.

.

Blue Sun

ومن قال لك ان مجلس الشورى مافيه فايده ؟؟ بالعكس له فايده كبيره جدا ما اقدر اقولها لك هنا.. ممكن عالخاص اذا بدّك

الاسطورة واحد · #41 17/09/2009, 04:55 PM

أسعد الله أوقاتك بكل خير وسرور أخوي فهد

حقيقة لا أعلم من أين أبدأ .. فكل محور في الموضوع أهم من الثاني ..

ولكن خلن ابدأ من صندوق معالجة الفقر ..

بداية ومن المفترض إنعدام هذا الصندوق .. فلا يكون متواجد بيننا ..
لا ننا في أكبر دولة مصدره للبترول ( البترول .. البترول )
يااخي كل واحد يمر في نهاية الشهر ( الجمعيات الخيرية )
ويشوف وشلون الازدحااام والضرب وكل همجية .. والسبب
ان هؤلاء المساكين يحتاجون إلى من يعاونهم في الحياة

كل هذا الازدحام فقط في العاصمة السعودية الرياض
مبعدين منهم يمتازون ( بعزة النفس ) فيصبر على الجوع
والمصائب من أجل لا يراه الناس ..يأخذ من جمعية خيرية

وبعد كل هذا وذاك كل المبلغ ( 700) يعني مثلك مثل البنقالي
اللى يشتغل في دائرة حكومية ..
لا أقول في هذا النقطة سواء ( حسبي الله ) على من كل وراء إبعاد ( النملة )
الذي كشف المستور ..

اما بالنسبة للنظام ( البيروقراطي ) المعمول به عندنا
فهو يعتبر أحسن نظام في العالم يمتاز بأنه ( مطاط )
أحياناً يكون ضيق وغالباً يكون واسع ..

لاننا نحب العظمة وجنونها ..

اما بالنسبة للاقتصاد الخارجي والداخلي
الداخلي .. فهو متوقف لان المرأة ( ماتسوق ) ولان المرأة ( لاتسافر بدون محرم )
وكيف لنا أن نتطور ومدارسنا لا يوجد بها أختلاط ..

الخارجي .. نسيت يابو صالح أننا نصدر ( أعواد الاسنان )

اختم بنقطة الحوار ..
تبي الصراحة مشكلتنا أن الواحد إذا تمسك برأي والله مايغيره لو تقنعه ..
وتعطيه ادله يقولك ( ولو ) رأيي هو الصحيح .. على قولة ( عنز ولو طارة)

تقبل مروري ومحبتي ...

Fahad Al Sudais · #42 17/09/2009, 09:13 PM

^ ^ ^

والله من الذهانه بعد يا ( زيكو )

تذكرَن بيوم كنا بزران.. اذا شرينا عسكريم اقعد احتريهم ياكلون حقاتهم واذا خلصوا اجيب حقتي من الفريزر واقعد آكل واقهرهم

وانت الحين جاي ترد بعد ماخلصوا علشان يجيك رد ( سبيشل ) لحالك

<< أوم التفكير

تعال تعال يبو... ( عنز ولو طارة ) او ( عنز ولو دركسون )

تراي مثقل العيار شوي اليوم بالفول.. لايضيق صدرك من سماجتي

وبعدين فيه ثلاث اشياء نصدرهن اهم من اعواد الاسنان :

1- المكيفات الصحراوية

2- اللبن

3- الكليجا والفتيت

دمت يانعاً كشجرة البرتقال ابو صره يا اخ زكريا

هيلاري · #43 17/09/2009, 10:16 PM

موضوع رائع..

كل موضوع تنزله يجيك 41 رد اكييد وطبعا 42 معاي انا

إقتباس


	كل ابوهم ( سعابيلهم تقوطر ) اذا جاء طاري ( المسيار )

لازم في مواضيعك نفس هالجمله

الله يوفقن · #44 19/09/2009, 07:26 AM

الي قاهرني جمعية انسان وش تبي ليش ما تنظم(بضم التاء) الجمعيات الخيرية وتصير التبرعات والتسويق للتبرعات لها والا الحين الي يتبرع للجمعية الخيرية ارهابي ولانسان ما هنا زينة ليش بنده وطقتها اذا ما صار حسابك فيه كسور وقالك تتبرع التبرع هذا يروح للجمعيات الخيرية للفقراء والا المعاقين كم يمثلون بالنسبة للفقراء

شي ثاني البيقراطية هذي يا اخي اذكر جالس اسولف مع واحد قالي تدري ليه زادت رواتب الموظفين بشكل كبير والمدرسين خصوصا طبعا هذ تحليل منه على ما اعتقد قال ان المسؤولين يسعون لاسكات الالسن الي تتكلم يعني الفقير الجاهل ما يعرف يتكلم ولا يعرف يوصل صوته وايضا القاعدة الي اتوقع ان حكومتنا الرشيدة تمشي عليها (جوع كلبك يلحقك) والا بالله فقر بالسعودية بشكل غير طبيعي تلقى شخص مسؤول عن عائلة دخله ما يصل الفين ريال وثاني عمره ما وصل 25 مخه فاضي ما فيه مسؤوليات مصروفه الفين هذا اذا ما كان موظف يعني الفلوس جيته بالساهل بالله كيف دولة وحدة والفرق كذا طيب يا اخي ليش ما يكون فيه ضمان لكل شخص مكان محترم يعني بيت يرد البرد والحر عنه وهذا بوقتنا من الاشياء المهمة المشكلة ان فيه ناس ما تلقى هذا. وضعنا صراحة ماساوي لكن المشكلة ان عيال الفقراء غالبهم مالهم بالانترنت والا المفروض يكون منتدى كبير اسمه منتدى الفقراء على الاقل عشان يعرف الناس وش هو وضع الناس وكيف عايشين (اتوقع بيدخل موسوعة غينيس لكثرة الفقراء بالسعودية لان اتوقع نسبة الفقر بالسعودية اكبر من عدد السكان لانه حتى الحيوانات الحين ما تلقة شي تاكله )

والتعليم ما اقول الا الله المستعان !!!!!!!!!!!!!

والمسيار يالبى قلبه بس <<<<<<<<<<<<<<<<

>>>>>>>>>>

شكرا لك عزيزي صراحة من اكثر موضوع قريتهن لك تملك اسلوب وفكر ما اقدر اعبر عنه الا انه (ابن كلب

) من جد ما شاء الله عليك ... عموما الله يوفقك ويسهل لك امرك