¨°o.O [ دٌرّة الشخـــآبـيـط ( 2 ) ] O.o°¨ - صفحة رقم 3 - نادي الهلال السعودي - شبكة الزعيم

abo_nasser · #31 13/09/2009, 09:14 AM

يسعد صباحكم جميع..

احب اوضح للجميع..بما اني ما ادري وش الهرجه ..هل هو مقلب..؟؟
او مسكت طلاقات مع ابراهيم..وقام يجاوب

اسئله استضافتي ما جاوبت ولا قرات الا اسئلة الصبايا فقط..اما البقيه فأني بريء منها..

انا اللي محيرني..ان ابراهيم مجاوب على اشياء ما لحق عليها..ولا يعرفها الا كم نفر
يعني مثلا سالفة القدور ما يعرفها الا الجحلط..وشلون ابراهيم عرفها..؟؟

وسالفة سروايل السنه خخخخخخخخخخخخخخخخخخخخ ما يعرفها الا المشاغب وعبدالوهاب..

على كل حال انفي جميع اجوبة الاسئلة ما عدا اسئلة الصبايا..

سلاااااااااااااااااااااااااااااااااااااااااااااااااام

فيلسوف · #32 13/09/2009, 01:05 PM

صاحي انت يا ابراهيم

؟

ماشاء الله تبارك الله ,, جهد جبار وافكار مالها مثيل

على قولة واحد من الشباب انت تبيض افكار

ومدري وش اقتبس ووش اخلي ,, كل الموضوع حلى

>> من هنا إلى شارع التربية

فمان الله

.
.

مَاهِينُورْ · #33 13/09/2009, 02:42 PM

×

وعليكم السلآم ورحمة الله تعالى وبركاته

" اللهم ارحم منار واغفر لها واجعل قبرها روضة من ريااض الجنة "
اللهم آآمين

\
/

أهلاً وسهلاً ابراهيم

ما شاء الله تبارك الله عدد رااائع من الدُرّة , إستمتعت بالقراءة الله يوسّع صدرك بالعافية
ما أدري وش أعلّق عليه كل فقرة أحلى من الثانية ما شاء الله

أجمل مافي الموضوع أننا عرفنا بعض الأمور التي كُنا نتمنى أن نعرفها

شكراً لك ولكل من وقف خلف نجاح هذا العدد

\
/

شبوط · #34 13/09/2009, 02:42 PM

ما شاء الله عليك ابو يوسف ,,
جهد مميزة منك ولمن كان خلف الكواليس ,,
تركي اجل راعي الصواريخ هاه هههههههههههه

تسلم يالغالي وعساك القوة وفالك التوفيق ياابراهيم

لو كان نزلت الموضوع في العيد يكون احسن

9الهلال · #35 13/09/2009, 02:53 PM

الله يعطيك العافيه على الابداع
الله يرحم منار ............... اللهم امين

Fahad Al Sudais · #36 13/09/2009, 03:19 PM

ابراهيم صدقني ماعندي شي اقوله

بالعكس انا متوقع كل هالجمال وما استغربت شي

اتمنى ان يتم تحويل ( درة الشخابيط ) الى مجلة شهرية في المجلس العام

وتكون انت رئيس تحريرها... وتختار معك بعض الاعضاء شهرياً للمشاركة في المجلة

( درة الشخابيط ) تستحق ان تكون اكثر من مجرد موضوع... اتمنى ان يلقى اقتراحي هذا صداه المأمول

Fahad Al Sudais · #37 13/09/2009, 03:40 PM

فيه شي بالموضوع واضح انه مقلب... بالردود

يمكن اكون غلطان

لحن الروند · #38 13/09/2009, 03:43 PM

هلا أخوي RDH

بداية رحم الله منار واسكنها ربي فسيح جناته وجعل قبرها روضا من رياض الجنة

قصة سالم

في البداية كنت أظن ان تفكيره وطموحه عالي

وهو ان يصنع صاروخ عالمي

لكنني اكتشفت ان طموحه لا يتعدى

صناعة صاروخ لتعديل مزاجه

عليهم مزاج مخيييس

المقلب
أثبتت شذى إنها اخلاقها راقية ما ننحرم منها يارب

صح إن المقلب قوي لكنها كانت محافظة على أخلاقها الطيبة

الشطحات

هههههههههههههههههههههه

اجل متعالج عنده

يالله لاتحطنا بهالموقف

ابو ناصر والإستضافة

مقابلة ممتعة لشخصية محببة لدى الجميع

آيه صوفيا

عادي يالسمسار مرات تحصل لما يكون العقل مشغووول

عاد شوف انت ايش كان شاغلك في هالوقت

صيد اليوتيوب

ياحرام هبلو فيه

أجل رخصة لحمار

أخوي إبراهيم

درتك راااائعة بكل ما للكلمة من معنى

استمحيك عذرا أن أسميها

درة الدرر فهي فعلا درة الدرر

لمن ساهم معك في إخراج هذه الدرر

مشكورين ولا حرمكم ربي الأجر

همس الحراااير · #39 13/09/2009, 04:01 PM

مساء الخير

رحم الله منار واسكنها فسيح جناتة...

موضوع رائع لا اخفيك اني من كثر ما ضحكت تعبت

شذىمسكينة كلت المقلب لا وهي تهوش حاجة ثانية لو سمحت

الله يا ان المقلب قوووووووي بس شذى ما شاء الله عليها عندها طولت بال واخلاق ماشاء الله >>لو هي انا كان صار كلام ثاني

رخصة حمار ههههههههههههه والله تطووووووووووور هههههههههههههههههه

حقيقة لو بعلق على الشطحات كلها يبي لي موضوع ثاني يسلموووو على الشطحات الرائعة

بانتظااااااااار شطحااااااااات 3 .....

اختك همس الحراااير

الهلالي دائماً · #40 13/09/2009, 04:16 PM

هلا وغلا ابراهيم

حيا الله ابوالشخابيط

بصراحة مقلب شذى ذكرني بالايام الخوالي والمنتدى الي بالي بالك هههههههههههههه

مقلب جميل وما شاء الله عليها شذى رغم انها اكلت المقلب الا انها لم تخرج عن النص

إقتباس


	( الدخول بخمسة ريال .. و الكراث مجاناً ) بالمناسبة .. واحد من هالشخصين .. هو العضو المتعصب للقصمان .. (alhawey ) . رواها لنا في أحد تجمعات أعضاء المجلس بالإستراحة .

ذكرتني بسالفة الهاوي حق القارئ المصري اللي استضافوه في اذاعة القران الكريم

فقالوا له القارئ اذ كبر في العمر هل يتأثر صوته .. فأجاب لا ما يتأثر واهو محمد عبده صوتو بسم الله مااشاء الله

واما ابو ناصر

بصراحة استمتعت باللقاء الجميل معه .. وهذا الانسان توحفه وتحيف ومتحوف

واما عزمي

فقلت لك من اولها دام عزام معك حط في بطنك بطيخ ايا صوفي

شكرا ابو يوسف

والله يعطيك العافية على ها الجهد الكبير والعمل الجميل ..

والشكر موصول الى المبدعة عسيرية والى جميع الاعزاء ...

دمتم برعاية الله ,,,

R D H · #41 13/09/2009, 04:41 PM

إقتباس

الرسالة الأصلية كتبت بواسطة abo_nasser


	يسعد صباحكم جميع.. احب اوضح للجميع..بما اني ما ادري وش الهرجه ..هل هو مقلب..؟؟ او مسكت طلاقات مع ابراهيم..وقام يجاوب اسئله استضافتي ما جاوبت ولا قرات الا اسئلة الصبايا فقط..اما البقيه فأني بريء منها.. انا اللي محيرني..ان ابراهيم مجاوب على اشياء ما لحق عليها..ولا يعرفها الا كم نفر يعني مثلا سالفة القدور ما يعرفها الا الجحلط..وشلون ابراهيم عرفها..؟؟ وسالفة سروايل السنه خخخخخخخخخخخخخخخخخخخخ ما يعرفها الا المشاغب وعبدالوهاب.. على كل حال انفي جميع اجوبة الاسئلة ما عدا اسئلة الصبايا.. سلاااااااااااااااااااااااااااااااااااااااااااااااااام

السلام عليكم ورحمة الله وبركاته

تحيه طيبه للجميع

أستغربت من ردك اخوي فلاح وكأنك تستظرف وتبي تسوي مقلب فيني !

أنت تعرف أنك انت اللي مجاوب على الردود وهالكلام امام الجميع

أما بالنسبة لرد الأخ سلطان .. فالكل عارف مزح سلطان الله يهديه بس .

وعبدالوهاب .. إن كنت تقصد عبدالوهاب القحطاني اللي يوزره ( خالي من الهم )

فهو توقف قبل اكثر من سنه ونص .. وانا ما لي الا كم شهر معكم هنا بالمجلس ..

اللهم أني قابلته مرتين بأحد الاستراحات لتجمعات المجلس .

يعني ما أدري وش دخل هالشباب بالسالفه ؟!

الواحد يتعب ويسوي لقاء واخرتها يلقى ناس يقالهم بيسون مقلب بنفس الموضوع ..

ملاحظة هامه : ارجوكم رجاء خاص ماحد يفتح هالسالفه مره ثانيه بالموضوع .. لا احد يعقب علشان مايتحول الموضوع لشتشته .

لاحول ولا قوة الا بالله بس

عريب عبدالله · #42 13/09/2009, 06:20 PM

هالحين ليه ما تقول لي أنك بتنزل موضوع

ما عمري لحقت على الصفحة الأولى بمواضيعك

مره ثانية لاتنزل موضوع الا بعد ما تعطيني الوقت عشان يمديني أحجز أول رد

المهم

أنا قرأت جزء من الموضوع

عجبني مقلب شذى ياعمري شذى من أكثر الأشخاص اللي أحبهم بالشبكه

إنسانه خدومه ومحترمه وعسل وأخلاقها دائما راقيه

يعطيهم العافيه اللي ساعدوك في إنتاج عمل مميز مثل هالدره

وأنا مع إقتراح العم فهد بتحويل الدرة لمجله لأن فعلا هالعمل متميز ويستحق التقدير

رحمت المصري حرام عليهم جننوه ياقلبي عاد مالقوا الا شايب يتمسخرون فيه

يعطيك كل العافيه ولي عوده أقراء حوار أبو ناصر بعد مايزول اللبس

بالحب والإشراق

متابعة بجنون · #43 13/09/2009, 06:24 PM

وش هالنذاله .. يومني ادخل المنتدى باستمرار ادور موضوعك ..
ماينزل .. ويومني اتثيقل وماافتحه كل شوي ينزل

.......... ولا ثلاث صفحات ..

ودي احجز بالصفحه الإولى واذا مره الثانيه .....

برب ..........
فطور ......

^^
طوول فطوري

ابراهيم .. هيما ..RDH>>> كله

دره خطيره .. ومختلفه ..

ومقلب شذى " بنت ديرتي

" حلو وربي يحفظها باين انها مو مره متعوده
ع المقالب وهالحركات ..
وآخيراً عرفنا سالفه القدور وسبب خقه ابو ناصر ..

وعرفنا سالفه ايه صوفيا وكثر من هالسوالف الغامضه ..

ايه بعد عرفنا انه دره شخابيط غير عن اي دره وانها مميزه من عضو مميز في
المواضيع..
وبعد عرفنا انك كاتب مبدع فلا تحرمنا ابداعك ..>>>>>>>>خلاص فكينا
عرفتي وعرفتي ..

شكراً.. ويعطيك ربي الف عافيه ..
وبانتظار درر قادمه .. من شخصك الكريم ..

بعدين تعال وين يقضي نص العمروهو يقول مادري وش هي نسيتها ..ليه
ماحطيتها

AHMAD.10 · #44 13/09/2009, 06:27 PM

برب / إلى بعد القرآءهـ !!
_____

بآكـ’

أطول موضوع قريته

يبيلك ترمس شآي موب بيآله

المهم ’ يوم وصلت آخر الموضوع نسيت اللي فوق علشآن أرد

أمممم وش أقول .. ايه سآلفة القدور ههههههههه

’’ أثرك من النوع اللي يخق بالصوت

> لآتعصب

و مقلب شذى

/ أشوفك يوم تحجرت بلغت مآجد + الهنوف

بس زين سويت ,
و انا اول مره اشوف مقآلب عن طريق النت و تحديدآ [ رسآئل شخصيه ]
أهم شيء ان اغلب رسايلكم ( انا احترمك و اكن لك الاحترام ) ههههههههههه

أما الشطحآت

, ودي حطيت على شطحة ذاك اللي يقول تعالجت عنده .. وهو طبيب نسآء نغمة لـ عآدل امام اللي يقول فيها " بتحط نفسك في موآئف بآيخآآآه "

و صيد اليوتيوب

, رخصه لحمآر
بس اشوىا انه صعيدي .. لعب فيهم

أبو نآصر ’ بآين من موضوعه اللي قبل كم يوم انه مفقود هـ الايآم و عضو مهم

بس ’ عآد ان كان فيه شيء نسيت اعلق عليه فـ البلآ بـ هـ الدره الكبيره

’

و بس ولا تحرمنا جديدك ..
بس عندي سؤآل [ R D H ] وثو يعني

M O F T A 7 · #45 13/09/2009, 07:09 PM

قسم بالله يا ابو يوسف ان ملك زمآآنك

المفروض ياخي ينحط لك تمثال بعد مخرج 14

.!!

الله لا يحرمنا منك ولا يحرمنا من دررك التي ستصبح في يوما
من الايام مدونات تسجل بأسمك ليراها الجيل القادم ليتعلموا ابداع القلم
وابداع الاسلوب المتناسق الغير ممل , بالفعل إانك استاذ في كل شي ..

دمت لنا ايهــا الشامخ

..

رحمك الله يا منـــار , اللهم اغفر لها وارحمها واسكنها الفردوس الاعلى