|
4 اطفال في بيتنا ( حراميه ) ! 4 اطفال في بيتنا ( حراميه ) ! قبل البدايه ~ هانحن في العشر الأواخر من رمضان ، ها هي خلاصة رمضان ،و زبدة رمضان ، و تاج رمضان لقد كان رسول الله صلى الله عليه وسلم يخص هذه العشر الأواخر بعدة أعمال . ففي الصحيحين من حديث عائشة : ( كان رسول الله إذا دخلت العشر شد مئزره و أحيا ليله و أيقظ أهله ) و لفظ لمسلم : ( أحيا ليله و أيقظ أهله ) و لها عند مسلم : ( كان رسول الله يجتهد في العشر ما لا يجتهد غي غيرها ) .. ابدخل بالسالفه على طول يقولي واحد من العيال قصه صارت له ويقول.. قبل صلاة المغرب في ايام رمضان كان البيت فاضي ومافيه إلا انا واحد اقربائي .. والأهل مسافرين المهم كنت في الملحق انتظر الأذان .. المهم اذن وافطرت وخلصت وقمت وتوضيت داخل البيت .. وقريبي طلع يصلي انا يوم خلصت وتوضيت وانا امشي ابطلع من البيت متجه للمسجد ابصلي .. لقيت بوجهي 4 عيال صغار يحلف لي ان اعمارهم ماتتعدا 9 - 10 سنين ! ! المهم لحقتهم برا البيت ومسكت واحد منهم واثنين من عيال الحارة مسكوا واحد واثنين منهم ماقدرنا عليهم ! ! يقولي مسكناهم ودخلناهم البيت ودخلتهم الملحق وصكيت عليهم الباب وسألتهم وش الي خلاكم تدخلون البيت ! ؟ ماعترفوا في البدايه لكن مع الضرب والتخويف اعترفوا .. يقولون انهم جايين من منفوحه ( احد احياء الرياض ) مع خويهم الي ماقدروا يمسكونه ولعب عليهم وقالهم ابوديكم لبيت خالتي فاضي مافيه احد وفيه 700 ريال انا اعرف مكانها نسرقها ونطلع !! وش رايكم ندخل وناخذها ونطلع .. وافقوا وراحوا للبيت حق خوينا بلوموزين ! الولد الي قالهم هذا بيت خالتي كذاب لاهوب بيت خالته ولا يقربله .. بس ماقالهم هالكلام إلا علشان يجون معه وهم مرتاحين بيقولون هذا بيت خالته وهو عارف ان مافيه أحد !! هذا الولد الصغير يعرف اهل البيت وابوه له علاقه مع ابو خوينا .. وخويي يقولي الولد الي مخطط على السرقه مفطر جنبي على السفره 2 يوم رمضان ! المهم وصلوا البيت ورقوا مع شجره ودخلوا البيت واخذوا من الملحق 5 جوالات ومفتاح سيارة طلعوا من البيت وحطوا الجولات تحت شجره برا البيت وصكروا الباب ورجعوا مرة ثانيه ورقوا على الشجره وفتحوا الباب مرة ثانيه وطلعوا واخذوا الجوالات من برا وهجوا الأثنين واثنين مسكوهم ! ! الجوالات ومفتاح السيارة مع الأثنين الي ماقدروا يمسكونهم ! ! يقول دقيت على جوال من الجولات الي سرقوها معهم ورد علهيم واحد وقال اخوياكم مهوب طالعين إلا إذا جيتوا قال الي رد على جواله ابجي بس لاتطقوني .. قال خوينا خلاص وماحنب طاقينك جاء للبيت 1 وباقي واحد ماجاء .. جاب الجوالات معه والمفاتيح ورجعها لهم ومسكوه ودخلوه الملحق مع الأثنين الي موجودين يقولي اتصلت وبلغت عليهم وجاء الظابط وعلمته السالفه ! يقول الظابط وينهم ؟ يقول فتحت الباب يشووفهم الظابط قالوا ذولا اخوانك الصغار ولا الحراميه ؟ ؟ ! الظابط ماستوعب من صغر سنهم !! مسكهم الظابط واخذهم معه القسم وحولوهم للأحداث !! .. من قالي السالفه الرجال وانا قاعد اهوجس فيها مادري ارحم البزران وإلا اقول خلهم يستاهلون ماجاهم وهم صغار الحين سووا كذا كيف لاكبروا ! !؟ وش السبب الي توقعونه خلاهم يسرقون البيت وهم بهذا العمر وتوهم مابلغوا ؟ ؟ فقر , ولا سوء تربيه , ولا وش السبب ! ؟ والله يتقبل منا ومنكم صيامكم وصالح اعمالكم واعذروني على سوء التعبير ولاتدققون واجد :) ~ عبد الملك ~ |
للاسف انها من المعيشه التعبانه هذا ليسا من سوء التربيه فقط الفقر يتحمل الجزء الاكبر من تحولهم الى حراميه من الصغر الف شكر ع الموضوع تقبل مروري |
جاب في بالي بيت سامري حلو :ga:: لالا يالخيزرانه في الهواء مايلوكِ .... لالا وإن ميلوكِ مالت الروح معاكِ ممكن تكون مناسبه القصيده مو مناسبه لموضوعنا بي مضمونها ممكن يتناسب مع الظروف الحاليه :) اتمنى يجلدون جلد كأقل تقدير...((انا ماقلت يقص ايدينهم لأنهم اطفال ))... عشان المره الثانيه لو فكر مجرد تفكير يشرب مويه يستأذن من الكل هذا بعد كم سنه يسرق بيوت وسيارات // والله لو اني مسؤول كان اعتبره ارهابي مبتدىء :yes: لأنه بيكون ارهاب على المجتمع ابو عسل |
آلآسبـٌآب .. فقـٌرٍ+سـٌوٍء ترٍبيـٌة ,, آخـٌوٍي عبـٌد آلمـٌلك ,, شكـٌرٍآ لك ع هيـٌك مـٌوٍضوٍع ,, لآ تحـٌرٍمنآ مـٌن هآلطلـٌة ,, |
ماهوب صاحين ذا البزران ذولا لاكبروا ماهوب سارقين بيوت مثل ماتقولون ذولا بيسرقون ناقلات نفط سلام سلام الحين والله هالشرطة غريبة البزران تحولهم عالاحداث والمراهقين والشباب اللي نكدوا على شعب الله وسرقوا بيوتهم وسيارتهم يدخل وبكفالة طال عمرك يطلع والعسكري يقوله لاعاد تعودها هذا اللي الله قدره عليه مع احترامي المشاكل اللي صايرة ذا الزمن بسبب جمعية حقوق الانسان اللي دخلت خشمها بين الاب وابنه يعني مثلا اول يوم كنا بزران صدق كنا شياطين بس بزران هالايام ابليس يتعوذ منهم مثلا لو اننا ماشين على كلام الدين وحد السارق ينفذ وحد الزاني ينفذ مثل ماينفذ القصاص كان تشووف الوضع اهدى من كذا |
اعتقد ان هناك اسباب عديده هي مادفعت الاطفال للسرقه ولعل اهمها .. * اهمال وانعدام مراقبة الاهل لاطفالهم . * تأثير رفقاء السوء على الاطفال . * حاجة الاطفال للمال ! اسال الله ان يهديهم .. ويحفظهم .. وشكراً لك ع الطرح .. وتقبل احترامي وتقديري .. دمت بخير |
مااقول الا الحمد لله على العافيه وبس يعني هذيلا > على وزن هؤلاءيعتبرون مايعرفون شئ في الحياه اصلا لكن المشتكى لله الضرب على اقل تقدير للتعآض في المستقب لمشكور اخوي عبداالملك على السرد :smilie47: لاعدمنااااااااااااااااااكـ |
بسم آڷڷـﮧ آڷرحمن آڷرحيم آڷسڷآم عڷيڪم ۉرحمة آڷڷـﮧ ۉ برڪآتهۉآڷڷـﮧ يآ آפֿــۉي آڷڷعب مـξ آڷآطفـآڷ صـعـب فيڪيـف آڷتعـآمڷ معهـميعنـي هـذۉڷآ آطفآڷ زي مآ قڷت آڷعمر آڷمتۉسط ڷهم 10 سنۉآآتڪيف ڷآ صآآآرۉآ 20 سنــﮧ ...!آפֿــۉڪم ۉڷد محمد آڷهـڷآڷي [email protected] |
والله وانا اخوك انا اقول ان فيه اسباب كثيره ومنها اللي قلتها وممكن تجتمع كلها سوى ووممكن تتوفر كذا وحده وفيه سبب انا لاحظته على اشخاص انه مدري وش يحسبه الله لا يبلانا يحب العالم والشباب يقولون فلان سرق بيت فلان سرق سياره فلان سرق محل جوالات <--- تتوقعون مرض نفسي ؟ انا احسه يحس بنقص بنفسه او ان بطفولته كان ( زلابه ) <-- دورت لها مصطلح باللغه العربيه ولا لقيت :D ويحب انه يبرز نفسه يوم صار يمديه يفك ام السبيد ولا احد يلحقه !! إقتباس:
مافيه قص ياجدي |
علا وغلا بعبد الملك الملكي :) منور يالغالي ووين الناس ؟ بصراحة استغلال الاطفال للشحاته والسرقة موضوع خطير جدا بدأ يظهر على الساحة .. ويحتاج الى عقوبات صارمه .. الله يصلح حال الجميع ... ودمت بخير وعافية ,,, |
إقتباس:
الله يغنينا ويغني كل مسلم من المسلمين .. انا مادري كيف عندنا فقراء ونحن دولة نفطية بل أكبر دولة منتجة للذهب الأسود في العالم !! لاهنت وحياك الله:rose: |
يوووه ^^.. قديم أنت ، عاش من شافك : $ s45s .. /، ممكن يكون سبب توجهم للسرقة إما فقر دون معرفة عواقب السرقة ، أو أنهم فعلاً ماهم متصورين حجم الجرم اللي يرتكبونه ، ذلك يعود إلى التربية في البيت والمدرسة . وبعض البزران يحبون يسوون جريات ، لكن ذولي جايين من أقصى الدنيا عشان السرقة ، يعني شكلهم في الطريق للدخول إلى مجال الإحتراف :razz: /، ليتك بلغت عنهم ودخلوهم الأحداث قبل يكبرون ويدشرون جد ، ووقتها صعب ينضبطون : ( .. يعطيــك العافية s45s .. |
إقتباس:
إقتباس:
والله الجلد جاء حقهم من خوينا .. بس انت لو تشوف اشكالهم ترحمهم وتمسك نفسك عن ضربهم .. صغار وماوصلوا عمر الـ 9 سنوات !! بس يعني انا فكرت فيها وقلت ماسرقوا وهم صغار إلا وهم شايفين الويل من الفقر !! وقص اليدين وانا اخوك لو هو فيه الحين ومطبق على الكل .. كان اجزم لو تحط اغراظك بالشارع ومافيه احد يتجرأ ويسرقها قال الله تعالى ( والسارق و السارقة فاقطعوا أيديهما جزاء بما كسبا نكالاً من الله والله عزيز حكيم) الله يغنينا بحلاله عن حرامه |
إقتباس:
|
إقتباس:
اهدى وبفرق .. سبحان الله ياخي كل ماتذكر هالمشاكل الي تصير اقول لو اننا بنبطق شرع الله على الكل وتقطع كل يد سارق .. ماراح توصل للامور للدرجه هذي !! الله يكفينا الشر ولاهنت ,, :rose: |
| الوقت المعتمد في المنتدى بتوقيت جرينتش +3.
الوقت الان » 04:24 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd