|
دوري الحواري قبل 25 سنه كان عباره عن اكادميه في كل حاره دوري الحواري ابرز نجوم وعما لقه قبل 25 سنه وكنت كل حاره لديها نجوم وتجدهم يتنقلون في وسط الرياض للبحث عن المشاركه في دوري الحواري مثل دوري الشفاء والنسيم والمنصوريه والملاعب في خنشليله كانت هناك اسماء برزت وانتقلت بقوه ووصلت الي البطولات الخارجيه مع الا نديه ولكن حاليا رغم وجود مواهب من عمر 9 سنوات الي 14 سنه فهي حاليا لاتجد تلك الملاعب الترابيه لكي تبرز مالديها حيث اصبحت مباني ومصانع وورش للسيارات واصبحت الملاعب الترابيه قليله جدا ولكي تلعب يجب عليك ان تبحث عن اقرب صديق او ليموزين لكي ينقلك الي مسافه خارج الحي الذي تسكن فيه وعساك تلقي مكان وانت قاط معهم حتي الاند يه وسط الرياض فقط اربعه الشباب الهلال النصر الرياض لديها تسجيل عدد محدد من الاعبين ولاتستطيع استقبال جميع المستجدين تخيل لوقال الهلال بعد العيد سوف يتم استقبال المستجدين كم شخص سوف يتقدم للاختبار ستجدهم فوق 400 شخص من الذي يستطيع استقبالهم وكشف قدراتهم هو صعب الاختيار ولكن هل فكره الانديه ان تفتح مدارسه ترابيه في شرق ارياض وغربه وجنوبه وشماله لكي تستقبل العدد الزائد من هم وتكلف من الكوادر الوطنيه الاشراف عليهم واحصاء المواهب وتسجيل من يستحق علي الورق وليس تسجيل رسمي لكي يطور نفسه وينافس من في مدرسه الهلال ويتم عمل اختبار حقيقي لمواهب مدرسه الهلال الام وفروعها في شرق الرياض وشماله وتكون مناوره قويه هنا تستطيع الاداره الهلاليه الحصول علي عده مواهب وتكون كونت اكادميه صغيره تابعه لمدرسه الهلال واستخراج النجوم منها وتفريخ مواهب كل سنه حسب العمر والسن كثير من المواهب تموت لعدموجود ملاعب ترابيه حتي حدايق البلديه ملاعبها اصبحت لكبار السن ودون نشاط شهر او تنظيم بطوله لجميع الاعبين ويفضل لمن هم تحت 15 سنه فقط فنحن بحاجه الي انعود للخلف ونتذكر ايام يوسف الثنيان ونتذكر دوري حواري الباطن والنسيم وغيره حيث الملاعب كثيره ودوري الحواري شغال طول العام لكي نعيد امجاد الكوره لابد من انشاء مدارس كرويه في كل حي يشرف عليها كوادروطنيه تساهم في ابراز النجوم للانديه حيث اصبحت الانديه تعتمد علي جلب الاعبين من الانديه الدرجه الاولي والثانيه والسبب ان المناطق التي خارج الرياض القري او المحافظات مازالت لديها ملاعب ترابيه ويستطيع الرياضي ممارسه هوايته يوميا بدون مظايقه نظر لكثره الملاعب وقربها من المساكن في القري لذا تتمون ثم تذهب للانديه تتمرن وتاخذ لياقه وتبرز ثم تنتقل للانديه الكبيره واخير تاتي الاهداف من سواء تغطيه المركز ولوكانت مكان حسين عند الكورنر رلجلست بجنب العارضه لكي امنع دخول هدف البحرين بخبرتي وان لا اقف في منطقه لايوجدبها خصم فالهدف كان نستطيع منعه بمجرد الوقوف الصيح عند الكورنر لكل ظهير اتمني ان لاتموت المواهب بسبب عدم وجود ملاعب لها في وسط الرياض الذي اصبح كل ملاعب ينشاء ويتعب عليه الصغار بعد الجهد يتحول الي مشروع تجاري حيث هذه الاراضي ملك للغير وليس للشباب للمارسه مواهبهم وابداعهم حيث لايستطيع كل شخص ان يتمرن في الهلال او غيره نظرلان التسجيل محود وابني موهوب وفقد الفرصه بسبب عدم وجود ملاعب تظمه ولاستطيع ان اتركه يمارس الكوره بعيد عن المنزل وهو في سن المراهقه دون متابعه مع من يلعب ومع من يمشي لذا تموت المواهب بين عمر 9 سنوات الي 14 سنه لعدموجود اماكن لهم ثم يتفرغون للانترنت والبلاي استيشن والهمبرقر وبعدها كيف يلعب او يتحرك لكي يخفف وزنه وجد البيبسي والهامبرقر والاب توب تحت يده يخرج من البيت ليه يلعب كوره ليه يتوسخ ويجي للبيت مزلخ من الزلاقات علي التراب والحصي ويسبح وهات ماء وشنبو ودكتور يعالج جروحه قبل 25 كانت المتعه في كل شي قبل اتساع النطاق العمراني اه يادوري الشفاء كم كنت ممتع بنجومك والله يوفقالاخضر والبحث عن الاعب الجاهز والسريع كنت اتمني الزوري سار ومعاذ يمين والهجوم الفريدي وياسر والوسط عبده عطيف ونور تيسير الجاسموالقحطاني عبد الرحمن لكن التوفيق لباقي الفرق وعبده عطيف وسط لحاله الله يشفيه والفريدي نجم فقده الكثير واتمني ان اكون بينت ماذا يحتاج الموهوب في كل حي ليس شرط ان تسجل في مدرسه الهلال يوجد لنا فرع في الشرق والشمال بمكانك الانظمام الينا من تلك القنوات واذا كنت مبدع سوف تصل الي مدرسه الهلال والفريق الاول تحياتي للجميع وعشر مباركه وحزنت كثير لخروج الاخضر رغم قوته ولكن عيبنا في اختيار التشكيل في كل مباره لذا نخسر |
كـلام سليم وملاحظه مهمه جداً ،، ا الف شكر لك |
يا سلااااااااااااام عليك يا مسك !! وتدري وش أوصخ شي بالدنيا ؟! إن ( الكشــّاف) اللي العالم اخذين به مقلب إنه مخلص وإن همـّه المحافظة على هالمواهب لا تندفن !! يصير ( ما يسوى التالية من الغنم ) !! يوجد في الحارة اللي أنا بها .. ثلاثة لاعبين !! بحياتي ما قد شفت مثلهم أخلاق ولا مهارات ولا بنية جسمانية !! ما راح أذكر وين اتجهوا لأن الكشافين لدينا ما يتجاوزون أصابع اليد الوحدة !! فهالشخص ممتحنهم !! ومطاير وراهم !! الين قدر يسجلهم بالنادي !! يوم أخذ المقسوم والمبلغ المرصود لهالمهمة !! سحب على أبو أبو أبوووهم !! للأسف إن ( المادة ) الحين صارت كل شيء !! منول ترا اللعيبة ما عندهم هاك الفكر العالي !! وأي شيء يرضيهم !! بالضبط نفس الوضع اللي صاير الحين !! لذلك لازم تعرف لك واحد من اثنين : يا ( واسطة تشق الوجه ) عشان تبرز !! وإلا ( واحدن وسخ .. عشان يسرفس وضعه ويوصلك ) !! وأنا أعيد وأقول .. دامنا نعتمد على ( أشخاص ) في أي مجال !! فانسوا إننا ( نتطور) !! دام ما فيه مفهوم ( المؤسسة ) و فريق منظم هو اللي يطلع ويبحث .. ويفتش .. وإلا انسوا مسألة مواهب !! إلا عاد إذا جت ( موهبة و واسطة ) فهذي حالة شاذة !! والمشكلة ما يوصل إلا هم !! اللاعب الصغير : ( مطفوق ) !! و ( ماشي على عماها ) !! واجب الكشـّاف :إنه يستوعب هالشي !! وعلى شوي شوي الين يقدر يحتويه !! كم لاعب ( مبزوط ولا عنده بأطلق شنب ) وبحكم قل الوعي يصير "راعي عبط وطفاقة " !! لذلك أنت اللي حاول فيه .. و الصبر مطلوب !! الدعوى مهيب ( تعسف .. وفرض شخصيات ) !! الدعوى ( كيف تقدر تفرض عليه احترامك ) !! للأسف إن ( كشافي اللعيبة عندنا ) : ناس ما يدرون وش السالفة .. لا مستوى تعليمي ولا فكر كروي ولا شي !! ناس فاضية وعرفت لها أحد بحدى الاندية وصارت تموّل وحنا آخذين بهم مقلب !! وعشان تتأكدون بالله دقوا على حداهم وشوفوا وشلون يتعامل معكم .. خخخخخخخ ولا يا شيخ سمسار بمانشستر !! بالله ذا وشلون آمنه على ولدي !! والا اذا أنا مسؤول بنادي وشلون أخليه " وسيط " !! البلاء من شيين : من قلة هالكشافين !! ومن ز...ـــاقة بعضهم !! تكفون اجلسوا مع حدا ( الكشافين ) اللي اذا لقى له أحد كل عشر سنين .. رزّ خشته بالجريدة .. وشوفوني تراي لقيت فلان !! وسولفوا معه وعن أهدافه !! بتكتشفون العجب العجاب !! و بتعرفون الخلل !! تخيلوا انشأنا ( هيئة وفريق استكشافي منظم للبحث عن هالمواهب ) !! خوذوا لكم ( لفة بملاعب السلي اللي قدّام حي الجزيرة مخرج 16 !! راح تمسكون راسكم !! قسم بالله مواهب تحتاج شخص ( مخلص ) فقط لا غير !! ويرجع الأمل لملاعبنا !! |
والله فيه مووووواهب كثير ...... نقطــــه مهمه جدا ....... |
مشكوووووووووووووووور اخووووووووووووي |
اكتشاف المـواهب وصقل موهبتهم بالشكل الجيد من قبل مدرب او شخص لديه القدره على ان يصقل بطريقته الخاصه امر مهم وسيفيد اي فريق يعتمد على المواهب الصغيره وصقلها بالشكل الصحيح :) الف شكر لك |
موضوع اكثر من رائع اخوي كلامك صحيح 100% لايمكن ان تجد لاعبين في الوقت الحالي لقلة الملاعب في السعوديه بأكملها |
مشكور اخوي على الموضوع والله افكار رائعه لكن صعب التنفيذ للتوسع العمراني الموجود بالرياض |
مشكووووووووووووووور على الموضوع |
كـلام سليم وملاحظه مهمه جداً ،، ا الف شكر لك |
اسمع زين انا كنت لاعب حواري قبل 25 سنه وكنت مبدع ومطلوب في كل دوري لعبت مع جميع لاعبي الذين مرو علي المنتخب في دوري الشفاء وغيره من المناسب وقد اتتني عروض لكي اسجل في احد انديه الرياض ورفضت ومن كنت العب معهم وصلو للمنتخب مثل المهلل والرزقان وجازع وسعود الحماد والعواضي والرزقانوكثير غيرهم تصدق كنت انتظر الانخراط في تدريبات الهلال ايام ريفلينو ثم ظروف ابعدتني عن الكوره ======================== ====================== =========== الزبده كيف تموت المواهب اسمع قصت ابني كيف وصل الي مدرسه الهلال بدون واسطه اعلن الهلال فتح باب التسجيل عام 25 قبل خمس سنوات وكان قبل المستجدين لمن عمرهم 12 فمافوق وكان عدد الحضور يقارب 200 شخص ابني كان موهوب في المدرسه وافضل لاعب عمره 9 سنوات كنت معزوم في السويدي قلت خل نمر نادي الهلال وسوي اختبار للولد قال كم عمره قلت 12 وهو 9 علشان مايحرم المشاركه مع المستجدين شاري له بوت وانا اعرف قدرات ابني في الاستراحه ومع الاقارب تدري وين يتمرن ولدي في المجلس نلعب انا وياه فقط وكتشفت موهبته يوم كنا معزومين في استراحه وفيه اولاد كثير واكبر منه شفته يلعبي مهاره ويسحب بقوه الي اكبر منه واذا وصل الحارس جره المهم =========== يالله اقنعت المشجع المصري الي مع الرابطه علشان يدخل ولدي في التقسيمه دخل ولدي التقسيمه في مدرسه الهلال وابدع وكان فيه مدرب خواجه انبهر فيه قبل ينحاش للقطر في تلك الفتره ثم تم استدعاء ابني وعطوني ورقه للمدرسه وملابس وعرف الكابتن ان عمره 9 واستغرب المستجدين المتقدمين 200 تم اختيار 2 فقط ابني وشخص واخر وحضر ابني للتمارين ولكن كان فيه غياب ادراي وفراغ في المدرسه ثم انقطعنا عن التمارين لبعد المشوار وبعد مابلغ الولد عمر 12 احضرته للمرسه وكان المشرف عليها ابو نيان وعبد الرحمن الخنين وخاض ابني تجربه جديده مع ابناءالمدرسه ونجح وتم اعطاه ملابس ورقم 31 مازال في بيتي وبعد تمرين شهرين مع الكابتن عبد الرحمن الخنين اقتنع الكابتن فيه واعتمد عليه في التدريبات وقرر عبد الحمن ان يلعب في المحور ونجح ابني وكان صانع لعب وماهر في تجهيز الكوره وكان معه نواف العابد ومجموعه من المواهب وكان المنزل بعيد احتاج ساعه الاربع لكي اصل للنادي واهرب من العمل لاحضارابني في تلك الفتره ولكن تم تكليف عبد الرحمن الخنين بدرجه الشباب وتكليف هذال الدوسري بالمدرسه مع العيد ولكن هذال كان جايب معه ه شباب سمران ركز عليهم وترك الباقي يدور علي الملعب حتي ايقنت الفرق في التدريب بين هذال والخنين الخنين كان يراقب الجميع وهذال يركز علي فئه معينه لذا اصاب الكثير الاحباط وهجر المدرسه وبعضهم ذهب الي نادي الشباب وابني هجر الكوره وتركها وبعد سنه تحسفت كثي يوم رفضت انظمام ابني لانادي المجاور رغم المحاولات وافتره بين عمر 13 و16 كانت فتره قاسيه لابني لعدم وجود ملاعب حواري قرب المنزل لذا قررت شراء كمبيوتر له وسوني وترك الكوره وهجرها وهو حاليا في عمر ال18 يفكر في التدريب في نادي الرياض شاورني قلت معاد علي منك الندي بعيد وانت تحب الهلال شفت الملاعب اختفت واكشافه انت بخبرتك تعرف المواهب ومن لايقدر موهبه الفريدي ونواف العابد لايفهم كوره وابني كانموهبه واحترقت بسبب عدم الاهتمام الادراي وعدم رفع تقرير من الكابتن عبد الرحمن الخنين لهذال يعلمه من هو الممتاز من المواهب ناقشه عبد الرحمن عن وضع ابني قال انا مؤل عن درجه الشباب فقط وهذال عن المدرسه وبعد ذلك تركت المرسه لعد رغبه هذال بملاحظه الجميع وكنت مرحله حرجه وفتره مراهقه ولم استطع الحضور يوميا للمرسه واقطع مشاوير من اجل الدوران فقط علي المظمار وكنت اخشي علي ابني من الوان لاعبين في تلك الفتره وللمعلوميه المستفيد من نادي الهلال والنصر هم من يسكن قرب النادي والدليل اجمع احصئيه لدرجه الشباب والناشين في الهلال والنصر والرياض والشباب ستجد اغلبهم من من منطقه جيزان وبعضهم يرفضه الهلال ويبدع في نادي الشباب مثل عبده عطيف كيف كان بدايته ومن هواول نادي طرقه وسنقد المواهب بعدم وجود دوري مدراس يفرض علي جميع الطلاب المشاركه فيه وخاصه المتوسطه مايلعب بسبب اتساخ الملابس في المدرسه وعدم اهتمام مدرس الرياضه بمن يلعب الا ماندر ويتفرغ للجريده بدل مراقب البارز منهم شفالدنيا حظوظ وبس |
اكتشاف المـواهب وصقل موهبتهم بالشكل الجيد من قبل مدرب او شخص لديه القدره على ان يصقل بطريقته الخاصه امر مهم وسيفيد اي فريق يعتمد على المواهب الصغيره وصقلها بالشكل الصحيح الف شكر لك |
والله يا مسك الختام كلامك 100% انا رايح نادي الهلال درجة الناشئين والله هم بس يبغون واسطة وبس من وين اجيبلهم ما ادري مشكوور |
| الوقت المعتمد في المنتدى بتوقيت جرينتش +3.
الوقت الان » 09:05 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd