نادي الهلال السعودي - شبكة الزعيم - الموقع الرسمي - أبرك الســــــــــــــــــاعات

بسم الله الرحمن الرحيم
مبارك عليكم العشر الآواخر...

والله رمضان مر زي البرق ولا حسينا فيه...
الله يوفقنا على صيام وقيام ماتبقى من الشهر الفضيل
والله يبلغنا وأياكم ومن تحبون رمضان القادم.

********************************************************************
قدر الله وماشاء فعل

صراحة... راح (نصف) التأهل للفريق الأجدر... والله يوفقهم في باقي مشوارهم..

راح للفريق اللي احترق عشان الفنيلة...

راح للفريق اللي صب بدل العرق دم...

راح للفريق اللي لعب ب11 رجال يديرهم رجال...

وراح حلم نصف السعوديين بالتأهل لكاس العالم...
والنصف الثاني يقول : الحمد الله اللي ستر علينا.

قبل اكثر من 15 سنة تأهلنا لأول مرة
وفرحنا بالاعجاز..
وطرنا بالعجاج..

مع ان غيرنا من اللي حولينا سابقينا..
بس عادي سنه أولى كاس عالم, ماعلينا...

وحققنا من النتائج ما يرفع الراس...
ووصلنا دور 16

ومن بعدها.. يا قلب لا تحزن...

من جفره لدحديرة

صرنا ناكل بالأربعات والخمسات والثمنيات!!

صرنا مهزلة اللي ماله مهزله..
تبلد عندنا الاحساس من كثر الهزايم..

صرنا ننكت على فريق يحمل اسم الوطن!!!
جردنا مواطنيين ( قبل ان يكونوا لاعبين) من وطنيتهم...

منتخبات كانت تهاب وترتعد من اسم الصقور الخضر...
أصبحت تتمنى مقابلة الدجاج العقم, علها تحظى ببطولة من خلاله او تأهل من عبره..

الله يرحمك يا فيصل ,و الله يسامحك يا سلطان.

************************************************************

أبرك الساعات اللي ما رحنا جنوب افريقيا

انا عارف انه تغيير هرم الرياضة عندنا صعب, لكن ان صار نقول الحمد لله كثيرا..

وان ما تم راح نستمر في نفس الدوامة,
وحبل النجاة راح يكون في غربلة كاملة للمنتخب من مدرب واداريين ولاعبيين

(كالعادة)...

بس الخروج المر له بعض الحسنات منها:

1- فرصة للتأمل في أخطائنا, والاطلاع على تجارب من حولنا ,عسى الله يهديهم ويتعلمون منهم.
2- فرصة للبحث عن مدرب كفو, وان شاء الله انه يقعد معهم 4 سنوات (يا شيخ لو 18 شهر :to:).
3- لاعبين المنتخب اخيرا بيتفرغون لأنديتهم, صراحة بعضهم ودك ان المنتخب تأهل بس عشان سواد عيونه ( أولهم ابو كلبشة ووليد عبدالله ).
4- كود الله يهدي العباد والبلاد ويبطلون عصبيه اللي مرجعتنا لورا مثل ***** البعير.

***********************************************************************

EXIT

صراحه ومن وجهة نظري الخاصة مافيه فريق عربي في الوقت الراهن يمثل العرب في كاس العالم افضل من :

1 مصر
2 الجزائر
3 عمان

******************************************************************

كل عــــــــــــــــــــــــــــــــــــــــــــــــــــــام وانـتـــم بخـــــــــــــــــــير