|
المرمى فاضي وحسيت انه يصيد حمام صباح/مساء الخير باختصار بدون مقدمات بسبب التعصب حذف موضوعي لكن لن يستطيع احد ان يغير رايي ومافي احد يشكك بعشقي الهلالي منذ 19سنة ولا بوطينيتي منذ ولادتي الكل حاربني لما تكلمت بواقع وطلبت تجليس ياسر بمقعد الاحتياط هذي المباراه فقط وتعويضه بمهاجم يستطيع التسجيل ويسجل الفرصه الي سنحت له والمرمى فاضي انا اتوقع البنقالي للحين يدور الكوره وهذي حصلت في مباراه كوريا الشماليه لما ضيع هجمه مشابهه المنتخب 3مباريات متتاليه لم يسجل فيها اي هدف وتغيرت الاسماء وبقى ياسر ثابت انا اعشق نجومية ياسر ومهارته واهدافه وانا ماقيم ياسر وياما تغنيت فيه وطول ماياسر موجود اعرف انه هو المنقذ لكن يجب ان نعترف ياسر الان يجب ان يجلس في مقاعد الاحتياط اذا رونالدينو جلس ومايكل اوين جلس وكثير من النجوم المدرب البحريني امس طلع بيليه افضل هداف عندهم ودخل مهاجم صغير ومدربنا ملزم على ياسر انا لست ضد ياسر وماقول انه هو السبب لكن اقول انه تعصبنا وتلزمينا على وجود لاعبين وابعاد لاعبين هو السبب ولحد يقول هو يركض او الي صنع الهدفين لاني انا اعرف ياسر مهاجم مو صانع لعب واذا قلتوا هذا دوره ولازم يرجع ويستلم اقولك على عيني وراسي لكن يجب يكون فيه مهاجم ثالث معهم ويصير هو صانع لعب ويصلح لهم اهداف البعض منكم من من يوم السبت محمل عبدالغني التعادل ومخليه هو السبب كانه هو الوحيد وبعضكم محمل احمد وبعضكم محمل نور وبالنهايه ضاع المنتخب والسبب تعصبنا اما يكون المنتخب كامل من فريقنا او المنتخب سيء ومن نفس كلامي بموضوعي السابق استوحى الكاتب عبدالله الشيخي مقاله بجريده الوطن البارحه وشبه بيسيرو بمارادونا وضاعت احلام ماردونا وضاعت احلام الشعب السعودي لو المنتخب داخل بتشكيل مغاير كان تغير الوضع الكل طالب بان يكون عبدالغني ظهير ايسر وصار ظهير وماتغير شي لان المشكله مو بالدفاع 3مباريات متتاليه لم يسجل علينا هدف لكن المشكله بالهجوم ولاحد يقول محد يوصل كوره للهجوم المنتخب البحريني يبحث عن التعادل يعني يبي يلعب دفاع يعني فرصه الهدف ماراح تتكرر كثير نفس الي صار مع الكوري الشمالي بالرياض ولما سنحت الفرصه الي تغير مجرى المباراه طارت الكورة تصيد حمام وكانه الي سددها حارس مرمى مو مهاجم معليش طولت عليكم ومتقبل اي رد متعصب منكم |
طيب دامك مقهور كذا ليه ماقلت ان ياسر ساهم بالهدف الاول وهدف البحرين الاول يتحمله حسين والمنتشري والثاني يتحمله حسين انا متاكد لو المنتخب فاز بتقعد تمدح الشمراني والمنتشري بس عشان المنتخب انهزم حطيتها بياسر |
اصحاب العقول براحه ياخي لاتخلين اظحك عليك واقر بعقل تكفى انا ماحملت ياسر الخساره ياخي افهم ولو قريت زين عرفت اني مادحه بالهدف الاول والثاني كلامي واضح اذا نبي اي لاعب يرجع للمستواه لازم مايجامل ويتفرج بالمدرج وعلى فكره هالكلام قاله رئيسنا شبيه الريح قبل الموسم الي مايقدم مستوى مكانه المدرجات |
موضوغك لايخرج عن 3: اما فلسفة او زبرقة او تميلح وكلهم للاسف يدلون ان ماعندك سالفة ابدا الله العالم انك من 19 سنة تشجع الهلال السوداني شفت الكورة اللي طلعت وماشفت الكوراللي لحق عليها وصنع لك اهداف من لاشيء؟ وكانك تتابع كورة من 19 سنة وماعرفت ان ياسر كان يلعب في خانة صانع الالعاب فاقترح عليك تكتفي بالكيرم البلاء كان في التجانس والتعاون المفقودين في المنتخب اما ياسر فكان الافضل على الاطلاق الله يشفي العقول المصدية يارب ممكن ترجع لمنتداك بهدوء يا بو 19 سنة |
لا يا "الهلالي" من 19 سنة ..!!:d يا شيخ إطلع من راسي..! لعلمك : 1) يـاسر أعطى الكورة لنور ومن نور لناصر الشمراني وجووووووووول.. 2) ياســـر صلح الكورة لحمد المنتشري من هجمة ميتة وجووووووول.. ولا عـــزاء لـلحــــاقــــديـــــن |
صدقت ..صدقت..صدقت..!! ياسر المفروض بالاحتياط زي ما قلت ما استفدنا شي منه في الملعب مع احترامي لـ كل عشاق ياسر |
والله صحيح ياسر ضيع هجمات كتثير سهله تسجيلها بس ياسر صنع هدفين الاول والثاني |
وليه اتحمل الوسط الي ماقدر يوصل كور للهجوم بالله كم هجمه وصلت للهجوم ليه ماتحمل النيجري نور وتعاليه على الكوره عكس ماهو يلعب في الاتحاد يلهث مثل الكلب ليه ماتحمل حسونه الاوزبكي الهفوات الكبيره الي سواها ياسر هو السبب الرئيسي في الارتداد السريع ومساهم في تسجيل الهدف الاول ياسر هو السبب الرئيسي في صناعة الهدف الثاني |
إقتباس:
والله انك مندس كبير او انك تشوف مباره ثانيه |
إقتباس:
هذا هو نفسه بس بمعرف ثاني ماتعرف حركات الفقر :to: |
بهدوء نستطيع أن نحتوي وجهات النظر مهما كانت متناقضة أو مختلفه .. ولكن ... إرضاء الناس غاية لا تدركـ .. |
الا على طاري الحمام ذكرتني بسعد الحارثي يوم مباراة اسبانيا في كاس العالم الأخيره الباب فاضي وشت الكورة فوق لو انها مرمى كرة الركبي :d:d:d الحين مصلح هدفين وتقول مكانه احتياط !! طيب اللي متسبب بهدفين >>> مااقصد حسين ابد s121ss121ss121s وش مكانه |
وانا معك إن يـاسـر يجلس ع "الإحتياط" بس برضو انت تجلس احتياط ولا تكتب ثاني أي موضوع:naughty: |
يامندس ياحاقد ماتمشيها علينا يامندس رح لمنتداكم وخل عنك تحميل المسئولية ياسر وهو اللي تسبب بشكل رئيسي في الهدف الثاني وساعد في الهدف الاول يعني اطلع من راسي يابو 19 سنه |
الحين ودي اعرف كيف تبي ياسر يقعد احتياط وهو مصلح هدفين ؟؟ وحسين اللي نكبنا بهدفين وين مكااانه ؟؟ صدق انك اغبياء وتمشون مع كلام الفقر |
| الوقت المعتمد في المنتدى بتوقيت جرينتش +3.
الوقت الان » 09:25 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd