نادي الهلال السعودي - شبكة الزعيم - الموقع الرسمي

الحقيقة لي ملاحظات على عدد من المعلقين هنا في امثال مضيع هدف و رامي عياش وسعيد سلطة ما قال الاخوان لانه زعلان وناوي يخربها) الاخ سعيد سلطة يقول ما فيه اكاديميات ولا فيه خطط ولا فيه كبسة وكل كلامه خاطئ حيث اني ارسلت الاخ (كيف الحال مع الاخويا من نوع درب درب) الى 4 مدن اوربية مدري خمس والى ثنتين امريكية جنوبية اصلية والخطط وضعت وتم توقيع الاتفاقيات , واعتقد ان الاخ سعيد سلطة ما شاف ولا تابع الصحافة يشوف كم باقي وناخذ كاس العالم (اول تاهل يا مال العافية وبعدين تكلم عن الكاس) وهذا يدل على الجهل وانه لا يفقه ما يقول والان (يعني الان ) ابي اتناقش انا وياه على اي مبدا والشيء الثاني وش دخل ابو حطبة في الموضوع يوم ان المباريات تلعب بيوم واحد ولا لعبت بيوم واحد وش يصير وش دخل اصلا ابو حطبة يناظر جوهر يا سعيد سلطة , اعتقد انك بل كلكم تتحدثون بشيء لا تفقهون فيه ولكن نرحب بالنقد الهادف منك ومن الف واحد من مثلك وانا فاتح باب النقد على المؤسسة العامة لسكة الحديد والموانئ , صحيح اننا خسرنا لقاء البحرين ولكن كسبنا لاعبين و وجوه جديدة مثل الغنام وحسين عبدالغني و ناصر الشمراني وليد عبدالله وسامي الجابر وصالح النعيمة و الهزازي هل هذولا لا يعنون لكم شيء؟ ولا هم لاعبين جدد؟ فلذلك انا بنتقل الان لمضيع هدف و رامي عياش , انت كيف يا سعيد سلطة كيف تنتقد ابو حطبة رجل مجتهد عمل اكثر منك مية مرة ودرجاته ممتازة خصوصا في التعبير جايب 90 من 100 وبذل جهد للبلد منك اكثر مليون مرة تقعد تتكلم عليه انت وغيرك بهالشكل احترموا انفسكم , احترموا انفسكم انتوا ياللي قاعدين هالحين لا جاب جديد ويا وجهه, معلينا اوريك فيهم) وش تقول يا سعيد سلطة وكلامك السيء تحدث قول ما لديك من اقوال (توهق المسكين معي) ... وانت اللي تقيم الكفاءات الادراية؟ انت و اشكالك! .. ابو حطبة اداري ممتاز تفهم انت؟ اداري ممتاز يعرف يقول سم وطال عمرك فلذلك يجب عليك انك تحترم المواطن السعودي اولا , وثانيا انت لا تتكلم عن شيء انت ما تفقه فيه , قلتلك الاخ كيف الحال راح و وقع على عدد من الاكاديميات وبنقيمها في الرياض و الدمام وجدة و خرير و راس ابو قميص وفيه تخطيط في المؤسسة العامة للموانئ وكل شيء مبرمج ياخي , كيف تتحدث انت عن الموضوع هذا ولذلك فلذلك (وحده منها) يجب عليكم الصمت او التكلم بالحقيقة هذي لك ولغيرك – عطني - مضيع هدف : انت كيف تتكلم بهالاسلوب غير الواقعي وكانك المنقذ وتقول المنتخب البحريني لم يقدم شيء , بل قدم شيء والف شيء قدم مستوى ممتاز وكسبنا لاعبين جدد اما انت تحط الناس على رائيك انا اتفق معك ان منتخبنا لم يقدم المستوى المامول ولكن ليس بهذي الشكل و بهذا الاسلوب الذي لا نقره تماما , سمحنا لكم بالنقد الهادف البناء ولكن ليس بهذا الاسلوب غير الطبيعي قاعدين هنا تتمهزون وتقولون كلام غير طبيعي – عطني – رامي عياش , وش هالكلام اللي تقول فيه شرهه وما شرهه والامور ذي كلها , انتوا ما تقيمون انفسكم انت ما تقيم نفسك ولا غيرك احنا منبقطين ليل نهار نشتغل وانت قاعد تبربر في هالتلفزيون ما تحفظون انفسكم ولا قيمة انفسكم تقعد تهينون الناس بهذا الشكل غير المعقول هذا مرفوق ثم مرفوض ثم مرقوق عليكم بالالتزام بالاخلاق السعودية لا اريد هذا الحتسي , تبي تبربر فنيا اهلا وسهلا ما تبون بلاش الكلام الفاضي انتوا عالم اشكالكم غريبة عجيبة وتراني تحملتكم بما فيه الكفاية عليكم بضبط النفس والتحلي بالاداب والنصوص وان كان ما تربيتوا حنا نربيكم – عطني – المذيع ... !!! ايه صح ماله شغل ... طوط طوط (فصلت الخط عليكم احسن)