نادي الهلال السعودي - شبكة الزعيم - الموقع الرسمي

بسم الله الرحمن الرحيم

قبل أبدأ أحب أقولكم هذي ماهي صفحة عزاء ولا بطيخ

هذي صفحة نهنئ فيها المنتخب السعودي على عدم تاهله لكأس العالم

ريحوا وريحونا معهم

حتى لو تعرفون أن لو تأهل المنتخب بتكثر الخساير علينا

بتجيك القناة الجميله art بتسحب من الشعب كل ميزانيتهم عشان بس المنتخب في كأس العالم

وليته يقدم شي حتى انه يوصل لكأس العالم

الله يخلي لنا الهلال بس

من بعد كأس العالم 94 ماعاد فيه مستوى عقب ذاك المستوى

اللحين جايبين لك شباب ماعليهم كلام

بس لا ينسون انهم يلعبون في المنتخب مو في انديتهم ماشفنا روح وطنيه ولا حماس وطني على مايقولون

لاعب المنتخب ماضموه للمنتخب عشان يوريهم مهاراته

والله صدق قهر

خسارة وعلى من .....

البحرييييييييييين :ranting:

أظاهر مانسيتوا كأس آسيا يوم نعطيهم 4 - صفر

آآآآآآآآخ بس ياقهري قهراااااه والله فشيله يعاقب عليها القانون :cry:

والأستاذ خالد الشنيف بعد المباراة كان يتكلم وهو في حالة الله لا يوريكم

رافعين ضغطه

يقول اللحين المنتخب متقدم حسين عبدالغني يلعب الآوت بسرعه يبي يعني يجيب الثالث !!

واللشي الثاني بعد ماتقدموا بالنتيجه المفروض خلاص كلهم ورا حتى المهاجمين عشان يقفلون المناطق

ولاقين لي حسن معاذ هجوم

الله يخلف علينا بس

ومن الشوط الاول أستهتار على كيف كيفك مسوين البرازيل

الله يرحم الحال بس

خلونا في هلالنا حبيب القلب :alzaeem:

وأنسوا شي أسمه منتخب لما نشوف مستوى زي الناس :cry:

أنا فضفضفت امام الزعماء والحمدلله

نراكم على خير