|
صبر جميل والله المستعان يا أولمبي الهلال السلام عليكم ورحمة الله إعداد على أعلى مستوى للعديد من اللاعبين في البرازيل ومن ثم مدرب خاص للفريق الاولمبي ومن ثم بطولة أبها الودية ومن ثم مباراتين أمام فرق فقيرة فنيا ورغم ذلك كله لاروح ولا مستوى ولا تنظيم وكأنك تتفرج على لا عبين حواري مباراة الشعله (( الفقير )) ترفع الضغط ويالله باخر المباراة فزنا بهدف .. ولازال العك الكروي مستمر الى الان في مباراة الرياض الوطني خسر مباراته الاولى بتسعة أهداف .. والان يصعق مرمى الشعله ((اللي عقدنا )) وبالسته حتى هذه اللحظه !!!!!! اتمنى من الادارة الحزم مع اللاعبين ذولا خصوصا انهم صغار وجدد .. وين النشوة والمحاس وعنفوان وروح الشباب ؟؟ حشى نتابع مباراة معتزلين !!! :::::::::::: بعد متابعتي لبعض الردود حبيت اضيف الآتي منورين الله يعافيكم :rose: إقتباس:
إقتباس:
إقتباس:
مع إحترامي لرأيكم لكن يبقى الشعار هو شعار الزعيم .. لذلك نبي روح الزعيم .. اما المواهب الشابه فصدقني 90 % من اللي تشوف قدامك راح ينسقون .. مدرسة الهلال ماصارت تخرج نفس قبل لاعبين ناضجين ولا يوجد مواهب حقيقية صدقني لو فيه موهبه صح راح تفرض نفسها بالغصب .. التيماوي وسامي وابو اثنين وصفوق فرضوا انفسهم دايركت في الفريق الهلالي الاول وهم من دفعه وحده .. الغشيان و نواف التمياط والدوخي والشلهوب كذلك فرضوا انفسهم كل واحد بوقته .. ويكفيك الشلهوب فرض نفسه في المنتخب في كأس آسيا وهو بزر :smilie47: .. تخيل في المنتخب اللي يضم ذاك الوقت بالوسط يوسف الثنيان والتيماوي وانواف التمياط وغيرهم من النجوم .. وتخيل الغشيان اللي لعب كأس العالم للشباب في البرازيل وهو ينافس ابو يعقوب والتيماوي والنجوم الكبار في وسط الزعيم .. اللي عاصر ذيك الأيام يلاحظ انه ماكان يبرزون عندنا اللاعبين الاجانب !! طيب ليش ما برزوا ؟؟ لأن لاعبينا المحليين كبااااار وكباار جدا .. الفريدي فرض نفسه الآن رغم اننا ننتظر منه اكثر واكثر ولا يقارن ببدايات الشلهوب ونواف :smilie47: إقتباس:
حياكم وبياكم :smilie47: |
صدقت شي يرفع الضغط حرام هذا الهلال |
اي والله كانها مباراة تكريمية ولاعبين على وشك الاعتزال!!! لا روح ولا اداء ولا مناولات صح!!! يجب ان يسائل مدرب الهلال والا يمسك الباب!!! بصراحة مو عادات اولمبي الهلال يكون بهالمستوى السئ!! الله يذكر ايام حسين الحبشي بالخير يوم كان مدرب لهم!!! مادري كيف راح نسوي مع الشباب والفقر!! الله يستر !! |
الهلال مايفوز بنتايج ثقيله دااايم ... يرحم |
صادق احس اني لو جبت فريق حارتنا فازو عليهم والله حراام صغار الهلال كذاا |
العبره موب بالفوز بشباب نتطلع لرويتهم بالاول وكتساب مواهب شابه الفوز عشره صفر زي واحد صفر كلها ثلاث نقاط هى الاهم تحياتي |
والله صدقت والي بيجي ويقول اللاعبين صغار واصبروا عليهم احب اقوله تذكر جيل الفيلسوف يوسف الثنيان وفهد الغشيان ونواف التمياط كانو بسن 17 سن ومبدعين يعني مو شرط انهم صغار لذلك ينبغي تصليح الخلل في الفريق الفريق لا روح ولا حماس اجل لو نقابل الفرق القوية المنافسة وايش بنسوي |
والله مبارة اليوم ترفع الضغط الله يستر من الجاي |
يـــــــاعزيزي الهلال يلعب بصف كامل من الالمبي صاعديم بعضهم من فئة الشباب بإستثناء العنبر يتقـــص الاولمبي الآزرق تدعيم صفوفة ببعض اللاعبين من الصف الاول كالأندية الباقية واتمنى ضم الفريدي- حسن خيرات- سلطان البيشي- سلطان البرقان- خالد عزيز- احمد الصويلح |
اغلب اللاعبي مصعدين من درجة الشباب الى الفريق الاولمبي ما ادري وش تنتظرون منهم وهم جميعا اعمارهم 19 و 20 و 21 يجب ان لا نقارن لاعبي الهلال بالاندية الاخرى .. لان الاندية الاخرى مشاركه بكل ما اوتيت من قوة ويريدون تحقيق بطوله ( خصوصا اللي ما يقدر يجيب الدوري وولي العهد مثل النصر !! ) ولو تلاحظ الاندية الاخرى تلقى من لاعب الى 3 لاعبين فقط جدد بعكس نادينا مافي الا عبدالعزيز الدوسري والعنبر هم من يلعبون مع الفريق الاول !! |
اولاً : اللاعبين اغلبهم توهم صاعدين من شباب الهلال. ثانياً : لاتنظر الانديه التي تلعب بصفها الثاني .. مثل النصر والأهلي والشباب .. ثالثاً : اتفق معك ان لايوجد حماس ولا روح من الاعبين رغم انهم شباب.. هل المشكله من اللياقه وايش ؟؟ رابعاً : متى ما أراد العنبر .. الرجوع للقائمه الأساسيه او الرديف عليه التمركز جيداً واستغلال الفرص الي جته ... ولايقول بعدين ليش أعاروني .. أو نسقوني !! خامساً : أتمنى من الإداره الانتباه للفئات السنيه بشكل اكبر.. معقوله مافي مهاجم زي الناس ! حتى الكلثم مع احترامي له المفروض مايرجع وتنسيق ... ماقدر يقدم نفسه مع منتخب الأولمبي .. مثل ماقدم غيره الدوسري و الفريدي .. والعنبر الي أخذناه من الفريق الاول ما أستغل ولافرصه ..!! الرجاء من الاداره الحرص على الأولمبي اكثر ومسألة المدرب .. ومايتركون الوضع كذا .. غيرمطمئن ... الوطني هزم الشعله ب 6 اهداف ..!! والهلال فاز ع الشعله بـ هدف بعد طلعة الروح !! !! !!! الدوسري وشراحيلي عمرهم اقل من 23 سنه ويقدمون أداء طيب بس العنبر.. لابد من مراجعة نفسه ولاحد يلوم الإداره او الجهاز الفني اذا تم تنسيقه او إعارته انا كـ مشجعه هلاليه .. ما أطالبهم بالبطوله .. قد ما أطالبهم بالمستوى والحماس .. في المباره .. يلعبون بدون نفس يمكن لو يلعبون في حاره راح يكون حماس أكثر !! والي الآن ماقتنعت بـمستواهم .. من المبارة السابقه والمباره هذي وقد يكون عذرهم انهم من زمان مالعبو مع بعض .. هذا فرصه لهم انهم يقابلون فرق اقل من مستواهم الشعله الرياض الوطني .وبعدها راح يقابلون النصر.. والشباب .. !! . فرصه لإسترجاع قواهم واذا ماطلع مستواهم عالي في مباريات أقل من مستواهم واقل إمكانيات .. أجل متى راح نشوف مستواهم !! .... |
ياليت نشوف حزم من الإدارة الهلالية تجاه هذا الأمر |
والله قهر اليوم لا مستوا ولا شي والله اشك ان العله بالمدرب مهي بالاعبين:to: |
الهلال دايم يفوز بنتايج كبيرة 3-0 4-0 5-0 خلوه يخفف هالمرة |
من يوم تشوف راس الحربه العنبر .. ونامي والذياب والشله الفاشله .. اغسل يدك .. |
| الوقت المعتمد في المنتدى بتوقيت جرينتش +3.
الوقت الان » 10:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd