ابوظبي تعلن التحدي ؟؟؟؟ - صفحة رقم 2 - نادي الهلال السعودي - شبكة الزعيم

زعيمهم """ كلهم · #16 08/09/2009, 01:23 PM

الي يامر فيه شبيه الريح
حنا مستعدين

حسين التميمي · #17 08/09/2009, 01:28 PM

قناة وضعت للفتنة فقط
أتمنى إستمرار المقاطعة لهذه القناة

14هلال السماء20 · #18 08/09/2009, 01:39 PM

تبي الصراااااحة والله ابووظبي انهاا تحاااااول ان ترضي الجمهوور الهلالي

وانتمـ بصرآآآآآآآآآآحة ماقصرتووااا معهاااا

واناااا عن نفسي مااااقاااطعتهاا

الهلالي ابوصقر · #19 08/09/2009, 01:47 PM

والله اتوقع المقااطعه افضل شي لهم ويالله خلونا نقااطع من جديد

وانا حاذف القناه من الرسيفر نهائي

هلالي - يوفاوي · #20 08/09/2009, 01:49 PM

لماذا لانحصر المقاطعة بهذا البرنامج فقط
ونتعامل بشكل عادي مع بقية نشاطات القناة ...
حتى لانخسر قناة منتشرة خليجيا
ويتابع الجمهور الخليجي الدوري السعودي من خلالها لانها مفتوحة ..,
الامر الاخر النصراويون بقيادة ابو علك
هددوا قناة ابوظبي بالمقاطعه اذا عاد الهلال
فلماذا لانعود للقناة ونقهرهم ...
ونورط ابوعلك ونشوف وش يبي يسوي
ونرى هل سيقاطع ام تطلع تهديداته خرطي
ويصير اضحوكة عند مسئولي القناة ...

ثنياني موت · #21 08/09/2009, 01:54 PM

قناه الصراحه احلى مافيها

فارس عوض

ومن تخلص المباراه على طول اقلب على العارتي

هلالي في استراليا · #22 08/09/2009, 01:57 PM

ياحبيبي لا تخلي التعصب يعميك قصده بنادي الهلال السوداني
مشكلتنا ان اكثرنا حساسين ونبحث عن الامور حتى نفتعل المشاكل ويصير كل احد يحتك فينا علشان يشتهر
على العموم انا مقاطعها من قبل لا يقاطعونها لانها كلها على بعضها قناه اكثر ما يقال عنها تافهه هي وبرامجها من شاعر المليون الا خط الفتنه << مقاطع كل قنوات ابوظبي

alz3eem4ever · #23 08/09/2009, 02:03 PM

^^^^^
اسمحلي قصدهم الهلال السعودي

الحوار حقهم كانو يقولون هل الهلال وقع مخالصه مع التايب او اعاروه لهلال الساحل السوداني

عشان لو كان التايب اعاره من الهلال السعودي لازم يكمل 6 شهور في فريقه ومايروح للشباب

اللي ماتابع البرنامج لايتفلسف

وبعدين امس نجيب يتغنى بمصداقية القناه وانهم اول من نشرو خبر تعاقد الفقر مع حسين عبد الغني
وقال لاحمد الشمراني ليش تكذب الخبر ودخل في عينه هو وجستنيه <<< رحمته الشمراني والله تحسه مسكين

وقال حنا ماننزل خبر إلا واحنا متأكدين منه 120%

وتمنيت احد يرد عليه ويقول ايش رايك في خبر نيفيز اللي قلتو ان الاتحاد تعاقد معاه ب28 مليون يورو

ماينفع مع هذي القناه الا المقاطعه انا تابعت البرنامج لانهم قالو في مصالحه مدري ايش
بس مافيه شي تعدل
مقاطعه مقاطعه مقاطعه

العربية ان تعرف أكثر · #24 08/09/2009, 02:04 PM

يا اخي انت الحين تسبهم ولا تمدحهم

لأني بديت اشكك من الردود انك ضد سياسة القناة

واللي فهمته من كلامك انك مؤمن بتغير نهجها وتحترم اسلوبها

واثنيت على القائمين عليها بصراحة مو واضح

ياليتك تذكر بالتفصيل الله يجزاك خير اخونا الغالي

ابو علاوي · #25 08/09/2009, 02:15 PM

يمكن يقصد الهلال السوداني

التويجري4445 · #26 08/09/2009, 02:34 PM

وش دخل الهلال ؟

لاعب انهى الهلال علاقته معه و عطاه مخالصة وش ذا الخبل ؟!!!

كل الحكايه اني هلالي · #27 08/09/2009, 02:37 PM

بالتووووووووووفيق .. تحيااااااااااااتي

اليد الجريحه · #28 08/09/2009, 02:44 PM

[SIZE="6"]ياناس حنا في رمضان ومتابعة نجيب وشلته تجلب الإثم لذلك دعوا عنكم هذا الدخيل وبرنامجه وعبد الرحمن بن مساعد على نياته وكان المفروض الإستمرار بمقاطعتهم لأنهم في الأخير سيعودون ويعتذرون ويوطوا رؤوسهم كالنعام لأن الهلال كبير والعين ماتعلى عالحاجب[/SIZE]

قناص 20 المجمعه · #29 08/09/2009, 03:07 PM

الحمد الله اني ما اشوف برامجهم ولا اتابعها الى يومك نسمع مايقال فيهم ... ما اتابع الا الزبده مبارة وتحليلها ..

f.i.s · #30 08/09/2009, 03:33 PM

إقتباس


	مشكور على موضوعك ... الحمد الله اني ما اشوف برامجهم ولا اتابعها الى يومك نسمع مايقال فيهم ... ما اتابع الا الزبده مبارة وتحليلها .. وفلسفة الاخوان بخط السته مايهمني ...هذي حيلة العاجز اذا مأخذ ناديه المحبوب بطولات . حسنتهم الوحيده معلقي المبارايات .. قاهرهم الزعيم ببطولاته ... يحاولون زعزعة الهلال وجمهوره لكن هيهات ... ومقابلات ولقاءات ووعود واخرتها جحييد. للأسف اخواننا في قنوات ابو ظبي شادين حيلهم على الانديه السعوديه ونشر الفضائح من خلال هذا البرنامج وناسين انديتهم وفضائحهم ... وللأسف عندنا مافيه رقابه لمثل هذه الامور ولا يدرون انها تسبب شحن نفسيه بين الانديه السعوديه وحساسيات بين الجمهور .. والهدف كله المال .. كل التوفيق لزعيم اسيا الهلال السعودي ولمنتخبنا السعودي ...

هذا الكلام ولا فلا .......