|
تعبت والله تعبت السلام عليكم ورحمة الله وبركاته تعبت وانا اسئل ابي احد يفزززع لي ويرد على ااسئلتي بخبررره مر فيها ومتاكد منها . انا معي شهادة كلية التقنيه تخصص ادارة مكتبيه . المعدل 2,93 من 5 الاسئله : 1 / بالنسبة للضمان المالي اقدر احوول من حساب اخووي الى حسابي واستخرج الضمان المالي وبعدها اسحب المبلغ وارجعه لخوي ؟ 2 / الضمان المالي اقل شي كم المبلغ ؟ 3 / من يعرررف ولاية كنتاكي يحدثني عنها من كل النواحي الجووو - الجامعات الكويسه - المنطقة الكويسه في الولاية - الاسعاررر من ناحية السكن ووالمعيشة - سلبيات المنطقة وايجابيتها ؟ 4 / هل استطيع انا اتخصص في في ادارة اعمال والا يوجب علي تكون شهادتي الثانوية علمي والا عادي ادبي ؟ 5 / كم المبلغ الي يمشيني شهرين مع العلم اني خارررج على حسابي ؟ ملاحظة : اتمنى كل من يجيب على اسئلتي ان تكوون من خبرره مررر بها ؟ |
بسم الله 1 / بالنسبة للضمان المالي اقدر احوول من حساب اخووي الى حسابي واستخرج الضمان المالي وبعدها اسحب المبلغ وارجعه لخوي ؟ ايه اخوي يمديك تسوي تسذا... الوالد سوالي نفس الحركه لما طلعت امريكا ثمن رجع الفلوس بحسابه بعد ما جاني القبول والفيزه... علرف اني بطيرها:) 2 / الضمان المالي اقل شي كم المبلغ ؟ والله مادري وانا اخوك.... بس اذا تقدر حاول ان المبلغ لايقل عن 30,000 دولار يعني مايقارب ال 100,000 ريال سعودي او اقل بقليل انا حطيت 40,000 دولار ومشت اموري 3 / من يعرررف ولاية كنتاكي يحدثني عنها من كل النواحي الجووو - الجامعات الكويسه - المنطقة الكويسه في الولاية - الاسعاررر من ناحية السكن ووالمعيشة - سلبيات المنطقة وايجابيتها ؟ هذي وانا اخوك والله ماعلم.... بس انا الي اعرفه ان افضل جامعه بكنتاكي هي كنتاكي ينفرسيتي افضل حل انك تدخل على موقع الملحقيه بواشنطن وتدور على النادي الطلابي بكنتاكي للطلاب السعوديين وراح تحصل اسم ورقم الرئيس ونائبه للنادي وتواصل معهم عبر الايميل او التلفون. ممكن بعد تجرب الفيس بوك. 4 / هل استطيع انا اتخصص في في ادارة اعمال والا يوجب علي تكون شهادتي الثانوية علمي والا عادي ادبي ؟ طبعا... في امريكا مايهم ادبي ولا علمي طالما انك جايب التوفل... التوفل ممكن تاخذه بالسعوديه او تجي تدرس بامريكا ثمن تاخذه... شهادة الثانويه مالها اي علاقه بالجامعه طالما انت عديت الثانوي هذا اهم شي. 5 / كم المبلغ الي يمشيني شهرين مع العلم اني خارررج على حسابي ؟ والله وانا اخوك هذا كله يعتمد على الشخص... يعني الان مصاريف السكن والاكل والشرب والموصلات والجوال والكهرباء والمويه يعني كله على بعضو يطلع مابين 500 الى 1000 اذا انت مقتصد يعني بيني وبينك احسب 1000 دولار مصروف شهري.... وكنتاكي مهب زي غلا كاليفورنيا او نيويورك او بوسطن.. هذا الي اعرفه اتمنى اكون وفقت في الاجابه ولو بالقليل اتمنى لك التوفيق اخوي من كل قلبي... واي مساعده او خدمه راسلني عالخاص.... اخوك النهرين |
يعطيك العافيه لبى قلبك والله يكثر من امثالك |
1 / بالنسبة للضمان المالي اقدر احوول من حساب اخووي الى حسابي واستخرج الضمان المالي وبعدها اسحب المبلغ وارجعه لخوي ؟ اللي أعرفه انك تقدر تسويها عادي 2 / الضمان المالي اقل شي كم المبلغ ؟ هذا يعتمد على الجامعه اللي راح تدخلها .. فيه جامعات تطلب 40000 دولار وفيه جامعات 20000 دولار .. والأفضل انك تسأل الجامعه اللي تبغى تنضم لها 3 / من يعرررف ولاية كنتاكي يحدثني عنها من كل النواحي الجووو - الجامعات الكويسه - المنطقة الكويسه في الولاية - الاسعاررر من ناحية السكن ووالمعيشة - سلبيات المنطقة وايجابيتها ؟ والله ما اعرف عنها اي شي سوا انها فيها مدن كثيرة معروفه بالجرائم. وانت تعرف ان الناس تقول والواقع الله أعلم به 4 / هل استطيع انا اتخصص في في ادارة اعمال والا يوجب علي تكون شهادتي الثانوية علمي والا عادي ادبي ؟ تقدر ما دام انك على حسابك الخاص .. لأن اللي أعرفه الحين ان الملحقية صارت تمنع الطلاب المبتعثين على حساب الحكومه من التحويل لتخصص ادارة أعمال .. على قولتهم ( مكتفين) 5 / كم المبلغ الي يمشيني شهرين مع العلم اني خارررج على حسابي ؟ هذا على حسب المدينة اللي راح تسكن فيها .. اذا هي صغيرة غالبا راح تكون رخيصة ومبلغ 1300 دولار تقريبا راح يكفيك اما اذا كانت المدينة غالية ترى يبيلك مبلغ 2000 دولار على اقل تقدير اما بالنسبة لكلام اخوي النهرين .. ما أعتقد أبدا أبدا أبدا ان 500 دولار تكفيك للسكن والنقل والمعيشة السكن لحاله يمكن يكلفك على اقل تقدير 300 دولار اذا كان في مكان رخيص جدا وفي مدينة صغيرة جدا انا رأيي لك انك تتصل على الجامعه او ترسل لهم ايميل عشان يعلمونك عن أسعار السكن الأكل ما راح يكلفك الا 300 دولار اذا انت مقتصد واتمنى لك التوفيق |
يعطيك العافيه اخووي النهرين ابو عقيل على الرد على الاسئله ارريد منكم نصائح في التخصص المناسب وفي المدينه المناسبه . تحياتي لكم الله يوفقكم ترجعووون لنا سالمين بالشهادة الي ترفع الراس ان شاء الله |
| الوقت المعتمد في المنتدى بتوقيت جرينتش +3.
الوقت الان » 07:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd