|
الى متى . . ياياااسر . . الى متى ؟؟؟؟؟ بسم الله الرحمن الرحيم الى متى ياياااسر ياجماعة الخير والله بصراحه اكتب هالموضوع ومرررتفع ضغطي من ابو سعيد . . الى متى سلسلة اهدار الفرص السهله امام مرمى الخصوم ياياسار وانت قبل شيء نسيت بأن ملقب بــ (( القناص )) احبائك جماهيرك عشااااقك اطلقو عليك هذا اللقب لأنك تقتنص انصاف الفرص امام مرمى الخصوم . . من لافرصه تخلق لنفسك فرصه وتسسجل وتفرحنا كما كنت بالسابق .. هل من المعقول وصلت الى مرحله يا (القناص) بأنك تمرر وتجهز لك الكوره امام المرمى وتسقط بحثن عن ضربة جزاء؟؟ والكوره في متناول اقدامك ؟ نعم هو بنلتي وتعرض لمضايقه ولكن انت مطالب بالتسجيل من اي فرثه تتاح لك . .كان بالامكان يابو سعيد بأنك ومن لمسه بالقدم اليسرى تهز فيها مرمى خصمك الكوره كانت عرضيه وتحتاج فقط لو لمسه منك . . حتى لو تعرضت لمضايقه كان بأمكان فعل شيء افضل من السقوط والبحث عن ضربات الجزاء طيب ماحسبها الحكم بلنتي . . وش بتسوي؟ تصرخ؟ تحتج؟ طيب بعدين؟ فرصه وضاعت وانتهت خطورتها وهي الي كانت بين اقدامك تحتاج فقط لمن يلمسها لو لمسه وهي عليها الباقي وكأن لسان حال الكوره يقول يالقنااااااص سجلني بالقول ياياسر تعبنا تمثيل . . تعبنا طيحات في منطقة الجزاء بحثن عن ضربات الجزاء . . تعبنا واحنا نشوف الفرص تروح بين اقدامك واحده ورى الثانيه . . تعبنا تعبنا تبعنا وبقولها وبكل امااانه تعلم من نايف هزازي . . شوف كيف قتاله على الكوره تعلم اصراره على التسجيل وخدمة منتخبه , , حتى لو ماسجل هذا الشيء احنا نلمسه من اداء اللاعب . . يقاااتل ويقااااتل يحاول التسجيل بأي ثمن ونصفق له .. وانت ؟ لاتلمسوني اطيح . . لحد يجيني ترى بطيح . . احد المحلليل قال كلمه رااائعه . . قال يجب على لاعبين المنتخب السعودي التركيز باللعب وتسجيل الاهداف (وعدم الالتفات للحكم) وقراراته .. وارجع واقول يابو سعيد انت لقبك (( القنااااااص )) هل تخليت عن هذا اللقب ؟ والله انا نحبك ونعشق فنك ولعبك ولا اقبل من احد انه يساومني على حبي لك ولكن؟؟ ارحمنااااا ارحم جمهوورك |
يآآآآخي ترااه آآدمي مو آآاله ..:mad: وبعدين جالس عند المكيف وقدام التلفزيون .. وتقووم تسب بالاعبين .. ترااك كذا تحطم الاعب ,, وبعدين فعلاً يااسر نازل مستوااهـ والله العظيم إن يااسر نفسه يدري وهو وده يصير هدااف ووده يرجع مو بس انت,, انا يرفع ضغطي هالاشكال اللي بس بهالمنتدى ومتكين وسب بهالاعبين , ولا يحسب الاعب مايدري عن نفسه كانه هو الوحيد اللي يدري ,, آستغفر الله العظيم,, :mad: نزل موضوع زي الناااااااس .. ولا لا عااد تكتب والله لو إني من الاداره كان ما تقعد ولا ثانيه بهالمنتدى ,,:mad: ملينا من هالموااضيع وكل يوم ينزلون نفس السالفه ,,:ranting: |
وش سوى ؟؟؟؟؟ !!!! تبيه هو الي يصنع لنفسه وهو الي يسجل وهو الي يداافع ؟؟؟!!! جمهوور غريب ..!! العيب مو في اللاعبين في المدرب |
. . وليه ماتكلمت عن الشمراني الي ضيع فرصتين كانت اشبه بهدف ؟ ومالك يوم ضيع ليه ماتكلمت عليه ؟ ولا بس عشانه ياسر ؟ ياسر اليوم ماقصر لعب وسبب اخطاء حلوه وقريبه من عند مرمى البحرين لاكن انت جيد بالنقد على لاعبينا تكلم عن الاعبين الثانين , وماقصر ابو سعيد وتبقى وجهة نظرك تمثلك انت فقط |
اخوي انا معك بها النقطة ولكن انت اذا كنت تشوف المباراة بالتلفزيون فرق في الملعب ! ثق تماما ان الكورة بعد الاعاقة ماكانت بتناول قدمة ! ومتاكد من الشي هاذا قد رحت وواضح الفرق التلفزيون عن الصدق يقرب الكورة بشكل كبييير ! بالعكس ياسر قدم مستواء جيد نوعا ما والمفروض تلوم مالك على الفرصة الي كان مايبعد عن المرمى الا متر وزاوية المرمى مفتوحة ! كل الشكر لك أخوي |
والله شف وانا اخوك لو ما كنت واثق من كلامك وعارف ان حبك لـ ياسرر ، خلاك تقول كذا ولا كان قلت عندك مندس وصدقني كل كلمه قلتها كنت صادق فيها لاني من جد مستغرب من اداء ابو سعيد فـ ها الفترره وبنفس الوقت ما نقول هـ الكلام الا من حبنا له لان ياسرر مستواه من سئ الى اسوئ بكل صراحه تعبنا من كثر ما نقول القادم اجمل وان شاء الله الجايات تكون احسن وراح يتطور لانه مر في ضروف في نهايه الموسم المنصرم بس اتضح لنا العكس ماكانت الضروف هي السبب واكبر دليل الى الان ما رجع مستواه زي اول ولازلنا ننتظر ياسرر لاكن مابـ اليد حيله يبقى ياسر هو ياسر وبـ اذن الله .. ياسر راح يرجع لما هو عليه .. الف شكر لك ع ها الطرح الجريء بررررب |
إقتباس:
انا قلت يدافع؟؟ قلت اصنع لنفسك ؟؟؟ المهاجم وظيفته تسجيل الاهداف وانا ماطلبت منه اكثر من كذا هل طلبنا منه شيء صعب او خراااافي |
إقتباس:
. يعني مافيه الا ياسر مهاجم ؟ ليه ماتكلمت عن مالك والشمراني وقلت ليه ماتسجلون ؟؟ .. |
ياسر يوم تجيه فرص مايقصر بس المشكلة في المدرب اللي لاعب بثلاث محاور.؟؟. |
إقتباس:
إقتباس:
الله يبيض وجهك على هالررد يامتربع . . والحمد لله انك عارف نيتي وحتى لو خالفتني الرأي ماراح ازعل من حقك يالغاالي . . فيما يخدم الموضوع يعلم الله الثقه الي كانت فينا احنا ياجمهوره بمستواه قبل بأسيا وغيرها من البطولات لما نشوفه يقود الهجوم . . لكن ياااااااارب يرجعلنا قناصنا مثل مستواه المعروف عنه |
اليد الواحده ما تصفق اليوم المنتخب مهو في يومه الوسط ضايع صانع لعب مافيه ثلاثة محاور مع البحرين شي غريب ومالك ماهو جاهز للمباراه من البدايه انشاء الله نعوض في المباراه الجايه وبيسيرو يعدل شوي في التشكيله الاساسيه وبالتوفيق لمنتخبنا |
الفريق ككل سيء اليوم ... ليه ما تكلمت عن الشمراني .؟!! ليه ما تكلمت عن مالك ... من يوم شفت ركضه وانا غاسل يدي منه .! الى متى .؟! الى متى وانتم تسبون بياسر .؟! فعلاً الى متى .؟!! |
إقتباس:
يالغاالي الشمراني انا واقولها لك بصراحه ما اشره عليه وحتى لو اضيع هل من المعقول اني اقارن الشمراني بــ ياسر القحطاني الشمراني كلنا نعرفه ما ابدع وصار هداف الا بها النوادي الضعيفه او خلنا نقول المتوسطه . . وحتى لو ماقدم شيء انا كواحد من الجمهور ما انتظر منه شيء .. الشخص ماينقد او يزعل او يتشره او سميها الي تسميها الا على اللاعب الي يثق فيه وينتظر منه شيء . . اما انصاف المهاجمين محد درى عنهم . . بالنسبه للعضو الي يقول مالك معاذ مالك معاذ اول مشاركه رسميه مع المنتخب من فتره طويله وراجع من اصابه يعني برضو مانقدر نطالبه بجهد اكثر من الي يسويه بالملعب . .مو مثل جاهزية ابو سعيد |
اخووووي اسمح لي في موضوعك انت كاتب الموضوع وانت معصب ياسر كان في هجمة التي كنت انت تقصدها سقط غصباً عليه وانت تتكلم على ياسر قل اي هجمة اهدر غير البلنتي الذي سقط غصباً عليه انت ماتوقع انك هلالي لو انك هلالي كان تكلمت على ناصر الشمراني ومالك معااذ ايش سوو في المبارااه؟؟ |
إقتباس:
لاتعليق . . ؟؟ ___________________ |
| الوقت المعتمد في المنتدى بتوقيت جرينتش +3.
الوقت الان » 09:05 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd