تحليلي الخاص للاعبي المنتخب السعودي وبسيرو من خششهم وعلاقتها السيكولوجية في أدائهم
 

طبعا كلنا شاف مستوى المنتخب السعودي أمام المنتخب البحريني..
الله يعين المشجع السعودي بصرااااحة..ارتفاع في ضغط الدم..ارتفاع في نسبة الكوليسترول..ارتفاع السكر..و و و و
شر البلية ما يضحك يا جماعة الخير..
بتسألوني ليش!!
تعالوا أقولكم ليش!!
لأني بعد نهاية المباراة حسيت فجأة اني دكتور نفسي وقمت أحلل أداء كل لاعب من ملامح وتعابير وجه..بتضحكووون علي بكيفكم لكن أنا انسان تعودت على الصراحة وبقووول اللي بخاطري..
المهم في النهاية مصلحة المنتخب السعودي ككيان وما راح يهمني الأسماء لأن في النهاية أي نجاح راح يكتب باسم الوطن الغالي..
ما راح أطول عليكم وراح أقولكم وشلووون حللت أداء لاعبين المنتخب من وجيهم وما أنسى طبعا بسيروووو اللي راح أبدأ فيه أول واحد وبسم الله أبدأ..

بسيرو : بعد ما شبعت من النظر في ملامح وجه وصلت لقناااااعة تااااامة انه مدرب غبي جداااااااااا ومب بس من وجه بس كمان من طريقة مشيته..وهالشي يكفيني اني أربط تحليلي باداء هالمدرب انه فاشل..لا تكتيك ولا ما يحزنون ولا هو اللي يقدر يوظف امكانيات اللاعبين..

وليد عبدالله : ملامح وجهك كلها طيبة وتدل على ثقة عالية بالنفس وفيها برود بعض الشي ما شاء الله عليك عيني عليك باردة تستاهل أساسي وان حصل أي تقصير في يوم من الأيام كبوة جواد..والله تستاهل كل خير..

أسامة هوساوي : اخلاص وجدية ورجولة هذا ما حسيته من ملامحك وكلها تأدي الى أداء رااائع

حمد المنتشري : لا تزعل مني يا حمد بس ملامح وجهك حسيت منها انك لاعب من غير عقل أقصد في الملعب..أداء جيد نوعا ما بس أتمنى تلعب بقتالية أكثر واخلاص أكثر..

عبدالله شهيل : طيوب حبوب فيلسوف اترك عنك الفلسفة الزايدة لأن هالشي يؤثر على أدائك لأن أدائك حلو ويكمل لو تبطل الفلسفة الزايدة والكورة معاك..

عبدالله الزوري : من ملامحك ومع احترامي لك لاعب شارد الذهن وهالشي لو تلاحظون عبدالله مافي مرة رفع كورة ورفع راسه واذا ركض يركض خط مستقيم..

أحمد عطيف : ملامحك تدل على برائة وعيونك تنم عن حب للنجاح ما شاء الله عليك أدائك شعلة عطاء واخلاص..

حسين عبدالغني : عجزت أقرأ ملامح وجهك لكن ما أرتااااح لك أبدااا يا حسين ومستحيل يطمن قلبي لك لذلك بصراح أدائك أقل من عادي..

محمد نور : ملامح وجهك أشياء كثيرة حسيتها بس ما أقدر أعددها لأن راح أخدش صيامي تؤدي باختصار الى أداء ما ينعرف له متى يكوون ممتاز ومتى يكوون سيء لأن المزاجية طبعك..لكن لو ما أربط الأداء بملامح وجهك..بصراااحة حاليا انت أفضل الموجودين أداءا فقط..

سعود كريري : ملامحك مريحة وأداء جيد نوعا ماا ويا ليت يرجع لنا سعود أيام زمااان..

مالك معاذ : ملامحك دهاااء وتعرف من أين تؤكل الكتف..أتمنى عودتك سريعا لمستواك خصوصا في مباراة الاياب..

ياسر القحطاني : أقسم بالله ان ملامح وجهك مرييييحة جدا هيبة أسدددد وعيوووون صقر ياااخي أقرأ بعيووونك كلام كبيييييييير مهما اهتز أدائك تبقى مرعب الخصوووم ومرعب أي أحد ضد ياسر القحطاني..لو أنا مدرب يا شيخ لو ما تتحرك أخليك في الملعب أقلها ماسك معاك 3 لاعبين عيونهم عليك..ويا جبل ما يهزك رييييييح..
ورأس القمة دائما مستهدف يا مخلص يا رائع..

ناصر الشمراني : يا رب سااااااااامحني في هالشهر..ملامحك الأنانية وحب النفس سمة من سماتها..وجهك ما يريحني أبد لو تحرث لي الملعب من أوله لاخره..سهلة جدا الكراهية عندك..أناني من الدرجة الأولى..والله لو مدرب ما أختارك أصلا..وأكبر دليل ارجعوا وتابعواا المباراة من الدقيقة 75 فرصتين الأولى ياسر بلحاله يسار وناصر شاتها والثانية لاعبين معاه في الجهة اليمين لو رفعها كان فيها كلام..حتى خالد الشنيف علق عليها..

تيسير الجاسم : طيوووب وحبوووب وفي قلبك أحس رحمة وحنان..ما في شك انه يكوون أدائك رااائع..

محمد الشلهوب : برااائة الأطفال في ملامحك..وهالشي هو سر فنك وابداعك حتى لو ما لعبت بس سبحااان الله تخيلتك وحبيت أحلل ملامح وجهك..

في النهاية يا اخوااان تحليلي عبارة عن رأي خاص فيني ولو تبغووون نتيجة ايجابية في مباراة الاياب العب يا بسيرووووووووو بهالتشكيلة :

وليد عبدالله..

عبدالله شهيل..أسامة هوساوي..ماجد المرشدي..حسن معاذ..

محمد الشلهوب..أحمد عطيف..خالد عزيز(سعود كريري)..محمد نور..

ياسر القحطاني..مالك معاذ..

لو يبي يغير ما يطلع عن هذولي اللاعبين حسب ظروف المباراة :

تيسير الجاسم..السعران..ريان بلال..حسين عبدالغني

انا تحليلي للمباراه
الحراسه ممتازه
الدفاع هوساوي وبس
المحاور xxxxxxx ولا واحد آآآآآآآآآآآآآآآآآآآه يا عزيز وووبس
محمد نور نوعاً ما
الهجوم ما عليهم عتب لان مافيه صانع العاب

يا رب ان شاء الله الفوز في مباراة الاياب..هذا أهم شي..

الشلهوب عن منتخب ,


يا لبي قلبكـ .

والله تحليلك غير شكل والله تقريبا كله صح


الله يعطيك العافييه


الله يوفق المنتخب :d

اول شي المدرب هالتنكه ملعب حسين محور وثانيا حايس ام التشكيله مقفل انا ماادري العب قدام البرازيل ياعمي افتح والعب
ثالث شي الي يقول محمد نور مالعب اول شي محمد نور الشوط الاول مالعب بمركزه السليم والشوط الثاني لعب بمركزه وشوفو كيف حط كم هجمه خطيره بس عندك واحد اناني الئ انا ابي اجيب قول ولا مااناول(الشمراني)
وشكرا علئ الموضوع وسلملي علئ الدكتور النفساني هههههه

ضروووووووووووووووري جدا محمد الشلهوب يلعب جنب محمد نووور ومن وراهم عطيف وعزيز لو رجعووه رغم ان احساسي يقولي مب مرجعين عزيز لذلك كريري وان كان لا بد من حسين عبدالغني لأن وراه ظهر قوي يلعبوونه ظهير أيسر رغم انه ما يستاهل أصلا يلعب وخصوصا النتن ناصر الشمراااني الحسود لا يطب الملعب..