وضاعت حقوقك يالهلال .. كالعادة بس هالمرة من سوريا ( بالصور ) - نادي الهلال السعودي - شبكة الزعيم

HOME SICK · #1 03/09/2009, 03:08 AM

السلام عليكم

مساكم الله بالخير

مالكم بالطويلة .. امس بعد العصر وأنا نازل أدور على سوبيا

قلت آخذ لي لفة على محلات الملابس الرياضية بما انها على طريقي .. دخلت من أول الشارع وأشوف واجهات المحلات مزررررررقة << يعني لونها أزرق ..

نزلت ولفيت المحلات محل محل لقيت الموزع توة ماشي من عندهم ومنزل ملابس الزعيم بأشكال وألوان . بس الجديد هالسنة أن الملابس مي صناعة أبو بنقل

.. صناعة سورية

واحنا مستانسين لأنها على قولة بعضنا ( أرخص )

هذي صورة لوحدة من الفنايل مع العلم اني لقيت ثلاث اطقم اللي هي طقم تدريب الفريق والطقم الأساسي والطقم الرديف

وهذي صورة لطقم التدريب

معني S.A.R هو SYRIAN ARAB REPUBLIC

لكن الشرهة على الجمارك اللي تسمح لكل من هب ودب يجيب له بضاعة وتفضل طال عمرك

طبعا ماراح أقول للناس ليه تشتري لأني أول وحد أشتراها .. بس ليه مايكون فيه بديل عن طريق النادي ؟؟
يعني بدال ماتروح دراهمنا برا الديرة من باب أولى تروح لزعيمنا ..

وعلى قولة حافظ المدلج ( الأطقم راح تكون بالأسواق خلال أسبوعين وأسعارها مابين 60 الى 400 ريال ) وردد يالييييل مطولك

أشوفكم على خير

أول الهلال وآخره · #2 03/09/2009, 04:14 AM

كبير يا زعيم شعبية جارفة

مين يعلم الهمج اللي عندنا

مشعل+نواف=عشق · #3 03/09/2009, 04:19 AM

هذي من ضمن الخطط المدروســ9 الي تحااول هئية المحترفين التعامل معها ..

وياقلب لاتحززن ..

آنـآ هـوون · #4 03/09/2009, 04:22 AM

هذآك قلتهآ الشـرهه على الجمـآرك اللي دخلته والله

لكن تدري بخير ..~ سلم لي على آلدف اللي خلآهم يدخلونها .!!

لآهنت ولآهآن جهدك

العب ايوه العب · #5 03/09/2009, 04:24 AM

هل يوجد فرق بين القماش الاصلي والتقليدي ؟

اذا لايوجد فرق اكيد نشتري المقلد افضل

المالكي توب · #6 03/09/2009, 05:31 PM

إقتباس

الرسالة الأصلية كتبت بواسطة العب ايوه العب


	هل يوجد فرق بين القماش الاصلي والتقليدي ؟ اذا لايوجد فرق اكيد نشتري المقلد افضل

والله انك صادق........................................................................

السامي كالزعيم · #7 04/09/2009, 01:27 PM

إقتباس

الرسالة الأصلية كتبت بواسطة العب ايوه العب


	هل يوجد فرق بين القماش الاصلي والتقليدي ؟ اذا لايوجد فرق اكيد نشتري المقلد افضل

ياحبيبي انت كذا تفكر ياخوي الأصلي راح تروح فلوسك إلي دفعتها...

للنادي يستفيد منها النادي

وبالتوفيق إن شاء الله

الـزعـBNadIRــيــم · #8 06/09/2009, 05:04 AM

إقتباس

الرسالة الأصلية كتبت بواسطة العب ايوه العب


	هل يوجد فرق بين القماش الاصلي والتقليدي ؟ اذا لايوجد فرق اكيد نشتري المقلد افضل

المسأله اخوي موب مسألة قماش اصلي او تقليد

هذي حقوق نادي

أمورة الزعيم · #9 03/09/2009, 04:27 AM

إقتباس


	لكن الشرهة على الجمارك اللي تسمح لكل من هب ودب يجيب له بضاعة وتفضل طال عمرك

ايوه وانتا الصادق والله ..

قلبي اسيرك يالهلال · #10 03/09/2009, 04:36 AM

اللـه يعـطيـك آلعآفيه آخـوي

آلشكـوى للـه

انا مادري وين راحت الشركه اللي وقع معاها الهلال علشان يكافح هالنصب

ارجوا من الاداره تفعيل اشتراكي بالمنتدى مع العلم اني من زمان مسجل واقول كل يوم بتتفعل ))

المـــــوج الأزرق20 · #11 03/09/2009, 04:40 AM

طيب وشلون ادري ايهم الأصلي

سامي فوق القمه · #12 03/09/2009, 04:42 AM

كبير ياهلال

الله يوفق الهلال انا شاء الله

هلالي رويلي · #13 03/09/2009, 04:47 AM

اقول خلهم يقللون الاسعار ترا فيناس ما معهم دراهم

هلالي الليث · #14 03/09/2009, 04:46 AM

بس يااخوكـ التيشيرت مو كذا الجديد؟؟؟

فيه لون ابيض من الكتف الى الكوع.. الايسر وش فيهم ذولي غلط في غلط...

نبي الاصلي وين نلاقيه في الغربية؟؟ والله في الليث عندنا ( محافظة قريبة من جدة)) الماضي قلدوااااااا كل شيء للهلال..

HOME SICK · #15 03/09/2009, 04:50 AM

إقتباس

الرسالة الأصلية كتبت بواسطة هلالي الليث


	بس يااخوكـ التيشيرت مو كذا الجديد؟؟؟ فيه لون ابيض من الكتف الى الكوع.. الايسر وش فيهم ذولي غلط في غلط... نبي الاصلي وين نلاقيه في الغربية؟؟ والله في الليث عندنا ( محافظة قريبة من جدة)) الماضي قلدوااااااا كل شيء للهلال..

هذا طقم التدريب الله يسلمك