إقتباس الرسالة الأصلية كتبت بواسطة العب ايوه العب 1/هل سبق وان حصلت على انذار او توقيف في شبكه ؟ وكم لو فيه؟ هاذا الي عندي

نعم كان عندي عضويه (غيرتها في مابعد الى تركي ورفعت عنها الايقاف) وتوقفت قبل تسجيلي بعضويتي هذي .

إقتباس الرسالة الأصلية كتبت بواسطة $اسير الحب$ السلام عليكم متى تحدثون الصور ليه الموقع صاير بطيئ وش رايك بالمنتخب والسلام خير ختام

هلا وسهلا باسير الحب

1 : ان شاء الله عما قريب باذن الله تعالى
2 : والله يابعدي انا شايفة يسابق الطيور , يمكن المشكلة من عندك
3 : منتخب سئ للاسف مع انه يملك عناصر مميزه الا انها لايتم توظيفها بشكل سليم وكذلك المنتخب كله سئ من الادارة السئيه .

إقتباس الرسالة الأصلية كتبت بواسطة G o L d E s T حيا الله تركي عندي سؤال من زمان ودي اسألك إياه لكني أنسى وش كان يوزرك قبل مستر جول ؟؟

هلا ابراهيم وينك ماعاد اشوفك هناك

كان يوزري ياسلام ياهلال .

إقتباس الرسالة الأصلية كتبت بواسطة Los Merengues ما هو ناديك المفضل في اوروبا ؟ من هو لاعبك المفضل عبر التاريخ ( غير سامي )؟ ايهم تتابع اكثر طاش او بيني و بينك ؟

هلا والله
والله يابعدي كل الانديه مفضلة عندي , يعني هالسؤال ماراح اجاوب عليه
لاعبي المفضل عبر التاريخ غير سامي طبعا اكيد انك تقصد عالميا , فهناك بلاتيني وزيدان بالنسبة لي هم الافضل على مستوى العالم .
والله كلهم حسب الفضاوه , يعني الان قاعداجاوب الاسئلة وماني معطي طاش وجه

إقتباس الرسالة الأصلية كتبت بواسطة K I N G . M I L A N ~ ~ ما لقيتوا الا تريكي يالله خلني بسألك كذا فضاوه متى بيتكرم ويتنزل أبو غامد ويغير الصور الرمزيه القدييييييييييييييييييييييييييييييييييييييييييييييييييييمه !؟ من هو أفضل لاعب مر بتاريخ الهلال من وجهة نظرك !؟ من أفضل فريق في التاريخ من وجهة نظرك المتواضعه ؟! ثانكس يا لجنتنا // حبــي وتقديــري //:smilie47:

هلا بالكنق

الصور الرمزيه عما قريب ان شاء الله
النعيمه وسامي ويوسف هم الافضل عبر تاريخ الهلال , وان كان تاريخ الهلال مشرف لكل لاعبينه حتى يوسف جازع
اممممممم تبي سعودي طبعا المقياس هو الانجازات فالهلال طبعا هو الافضل , اما عالميا فهناك اندية كبيرة في قارة اوروبا بانجازاتها وتاريخها الحافل والمشرف , فريال مدريد هو زعيم دوري الابطال وميلان انجازاته الاوروبيه تشهد له ويوفنتوس انجازاته ايضا وتاريخه العظيم كذلك , ومانشستر يونايتد وليفربول جميعهم انديه كبيره وعظيمه .

إقتباس الرسالة الأصلية كتبت بواسطة GoldenEngineer السلام عليكم .. كل عام وأنتم بأجمل حال .. أسألتي كما التالي !! * ليش ما نلاحظ تواجد أعضاء مجلس الإدارة إلا نادراً ؟!! * التعصب ظاهرة طبيعية في كرة القدم !! ما رأي مستر قول في تعصب بعض الأعضاء في مواضيع ما تستاهل، والبدء في الإستهزاء والشماته ضد الأندية الأخرى ؟؟ ( أرجو تقديم نصيحة لهم ) .. **حاب أسألك سؤال بس إذا تسمح لي أرسله عالخاص** ألف شكر على تواجدك ... تحياتي وتقديري ... ،، نسيت أشكر اللجنة الإستشارية .. ألف شكر لكم .. :rose:

يامرحبا يابعدي

1 : والله يالغالي كلنا موجودين وشخصيا انا موجود بشكل مستمر .
2 : والله يالغالي هذي المشكلة اللي نعاني منها , الاعضاء بعضهم التعصب يجعله يسب ويتكلم على اخونه وهذا شئ مرفوض وغير مقبول لان التعصب مسموح فيه بشرط عدم الاساءة للاخرين , واقول لهؤلاء الاعضاء وسعوا صدوركم وروقوا ترى الكوره لسعة الصدر والرواقه ماهي للتعصب والسب والشتم وغيرها .
3 : تفضل اسأل بالخاص يابعدي .

إقتباس الرسالة الأصلية كتبت بواسطة هلالي @#& للأبد السلام عليكم عوافي عالمجهودات اللي تسوونها س1 : وش رايك بالليفر و هل تتوقع ان يحقق الدوري الموسم هذا ؟؟ س2 : التحكيم بالدوري الإنجليزي عليه اكثر من علامة استفهام وش رايك انت ؟؟ س3 : وش جدولك اليومي بهالشهر الفضيل

حياك الله يالغالي
1 : امممم الليفر يخنبق والسبب هو ان الملاك ماوفروا المبالغ الماديه الكافيه للتعاقدات , والا النادي الي بينافس على الدوري الانجليزي مايتخلى عن نجومه بالسهوله هذي وخصوصا لاعب مثل الونسو اللي بوجهة نظري انه اهم من رونالدو في مانشستر سابقا وان رونالدو بامكان اي لاعب يعوضه , لكن وين تحصل لاعب يعوض الونسو ؟؟؟ مع احترامي للبديل اكويلاني اللي مفروض ان ليفربول يتعاقدون مع طبيب معاه .

2 : التحكيم بكل دوريات العالم يابعدي عليه ملاحظات والكل يشتكي بس متى نقتنع ان الحكم بشر مثلنا ويمكن يخطئ !!!

3 : اجبت عليه سابقا .

حياك يابعدي

اهـلــين اسـتاذ تـركـي....

كـل عـام وانـت بصـحـه وسلامـه>>> بعد الزحمه

يالله ابدأ


س- سمعـت ان فيـه مسـابقه فمنتدى الزعـيم وبترعاها جرير صدق الكلام او لا ؟؟

س- متـى تبـدأ بطـولة شبـكة الزعـيم الثـانيـه ؟؟

اكتـفي بهذا القدر


الله يعطـيك العـافيه

مسترٍ ترٍكي

1 _ صحيح كلنآ نحب آبوٍيعقوٍب لكـن آنت تحبـة بزيآدهـ هل فية موٍقف آو شي ؟

2 _ مـن تتوٍقع يفوزٍ بآلدورٍي آلآنجليزٍي وآلآيطآلي وآبطآل آوروبآ ؟

3 _ من تتوٍقع يفوز بآفضل لآعب بآلعآلم هآلسـنة ( ميسي _ رونآلدور _ آكزٍآفي ) وآذا فية غيرهـم آذكرٍهـم

يعطيك آلعآفية يآ ترٍكي
ويعطيكم العافية ياللجنة الاستشارٍية وكثروٍ من هآلموٍاضيع

تحية طيبة اخي العزيز : تركي

لك جزيل الشكر والتقدير على جهودك المبذولة والرائعه في خدمة الشبكة واعضاؤها .. حيثما حللنا في احد الاقسام كان ( Mr.GoaL ) حاضرا .. بارك الله وقتك وجهدك ،،،

ليست لدي اي اسئلة فقد استنزفناك يا صديقي في وقت مضى

يعطيك الف عافية ،،،

إقتباس تقبلوا تحيات أخوانكم مشرفي واستشاريي منتدى الرياضة العربية والعالمية

يحفظكم ربي .. والله يعطيكم الف عافية ،،،

مرحباأ يامرحبا بالطش والرش <

عندي سؤال واحد بث :

"" هل الشغل اللي تسويه بـ شبكه الزعيم ياخذ من وقتك كثير ..؟!
او انه يخرب عليك مثلاً .. يعني بتطلع ولا عندك شي لكن تكون مرتبط بالشبكه هالوقت .. ؟!

وشكراً .

اووووه تركي

اختيار جميل صراحه

كان ودي اسألك عن الاستايل والصور الرمزيه

لكن الشباب سألوك قبلي

بكتفي بهالسؤال

س / ليه ما نشوف يوزرك بالمتواجدين تحت ،، مثلنا يعني ؟

السلام عليكم ..

حيا الله أخونـا تركي متى المعرفه؟

حبيبي .. حبيت اسألـك هل هناك لجنة تطويريه لقسم الثقافه الاسلاميه ؟؟

لأن القسم الحين صايـر نآآآآيـــم .!. وينمل منه للأسـف ..
..2_ ليه ما نقدر ننسق الملف الشخصي مثلك ؟ لا تصير متكبّر أمزح معـك

ايضاً ياليت تشيّك على كوول الأقسـام .. بعض الأقسام مملة جداً ..! ف ياليت يتم تطويرهـا أو تقشعها يكون أفضـل

أخيـراً ..

شكــراً لـــك .

يالله حي تركي ..
- ليه ماتكون لرؤساء روابط الاندية صلاحية لتعديل الردود في الرابطة وتغيير العنوان .. ولا هذا الشي ما يجي ؟
- هل الموقع مدعوم من ادارة الهلال بحكم انه الموقع الرسمي ، اذا كان ايه ، ليه والدعم متوفر ما تدفع مكافأة لـ اللجان اللي تشتغل بالموقع مثل لجنة الفيديو . واذا كان لا .. ليه مايكون لهم رواتب نظير الشغل المميز اللي يقدمونه ؟
- قبل سنوات كانت فيه مسابقة بالمجلس العام ، وكان فيه سؤال غلط وجاوبته غلط وبعدين اعترضت على ان السؤال كان مقدم بشكل خاطئ لأن التاريخ غير صحيح .. اجابتي رفضت لأنها خطأ ،، واعتراضي على كلامك في ذاك الوقت " قبل شكلاً ورفض مضموناً "
السؤال كان عن كابتن السعودية في بطولة بتاريخ 1958 والصحيح 1957 الخطأ منكم وما بني على باطل فهو باطل ..
وللاسف كان فيه بعد سؤال ثاني خطأ .. والسؤال كان عن ابعاد حقل .. ولا حدد الشكل الهندسي للحقل .. وهذا في الرياضيات خطأ ..
وهذى الاخطاء راجعه لـ الاشخاص المنظمين للمسابقة لأنهم ما تحروا الدقة في الاسئلة ..
أتمنى تعطيني سبب مبرر .. عن اللي صار في المسابقة ؟
وما يحتاج اقول ان الاساسات اذا كانت خطأ فـ اللي يبنى على الاساس بيصير خطأ