هلا بولد التويجري:smilie47:

يابعدي الله يحييك بكل مكان:rose:

1 : عطني الايميل اللي كنت مسجل فيه اذا تذكر واجيبها لك .

2 : القلوب عند بعضها :s2: يابعدي هالفكره مطروحه منذ زمن بس الان تغيروا المشرفين ولازم تتغير الامور حسب مايرونه مناسبا لتنفيذ عملهم .

حياك يابعدي


حياك الله

1 : والحين :s2:
2 : الهلال :s5s: والله احب اشوف الكوره كلها باي دوري كان , حسب الفراغ يعني انسان كورجي:s2:
3 : اللاعب اللي مايلتزم بما يطلب منه سواء في الملعب او خارجه .


مرحبا حياك الله يابعدي

1 : التنس حسب الفراغ .
2 : يس لكن للاسف ماسافر :( بسبب كثرة الاشغال والارتباط في الفتره الاخيره واتمنى السفر لاسبانيا منذ سنتين وودي بزيارة لها , وبالنسبة للدول اللي سافرت لها مرني واعطيك جوازي تشوفه:s2: اهم شئ ان السودان وايران وسوريا وكوريا الشماليه ليست من ضمنها :s2: << اخاف انك من FBI
3 : التقليد الاعمى لبعض الثقافات الغربية السئيه , يعني لو اننا ناخذ من الغرب التزامهم بالمواعيد ودقتهم فيها وكذلك ثباتهم على المبادئ وكذلك تفانيهم واخلاصهم باعمالهم كان نقول صح , بس للاسف ماستوردنا منهم الا كل شئ سئ مثل طيحني واخوانه:s2:
4 : الاكلة المفضلة الثوم بالبصل :s2: والسيارة المفضلة ددسن 84 :s2: واحب اسمع بشير حمد شنان وعيسى الاحسائي :s2:
5 : اجيد منها القدر الذي يكفيني شر متحدثيها .

هلابك يابعدي

انت عضو كويس ومن الكويسين بالشبكة ياراوؤل سابقا:s2:
والله كلهم كويسين باستثناء ابوحمد واسير الزعيم لاتمشي معهم ابدن الاثنين هذولا من المفسدين في الارض:s2:

حياك
هلابك يابعدي

الاستايل تغير حسب الموعد , والفيسات بنغيرها بس مو الان او بنحدثها بالاصح .
:rc: واحد شاطر بدروسه
:vasco: يالبا فاسكو دي جاما :s2:
:baby: ينطبق على بعض اعضاء المنتدى للاسف:s2:


حياك الله

هلا تركـي :smilie47: ..
اول شئ اقولك العشر عليك مبـآركه :smilie47: :rose: ،

- بصراحه مالي احتكـآك كثيير فيك :smilie47: .. لكن اشوف لك بعض الردوٌد ..
99.99% من ردودك "دبلومـآسيه" :smilie47: :d !
يعني مـآفي أمـل تعرف منهو تركي "الحقيقي" من خلال ردوده :smilie47: !
لـيش :) ؟

- مع احترامي للجميـع :smilie47: .. لكن فيه بعض المشرفيين عقولهم جـدن صغيره :) ..
سـؤآلي .. على أي أسـآس يتم اختيـآرهم ؟ وهل المفروض انكم تعرفون الشخص قبـل ماتنصبونه ؟
يعني تتعرفون عليه شخصـياً وعلى طريقة تفكيره !


بس هـذا اللي عندي :wub: .،

اول شي احب امسي / اصبح عليك بالخير ..

بصراحه انا ما تابعت لك الكثير من الردود لآكن بشكل عام انا لاحظت بأغلب المشرفين والمسؤولين بالشبكة ..

انه للاسف ولا تزعل مني اخوي يحس انه وزير الصحه ولا مسؤول كبير بالمجتمع :D .. وش تتوقع السبب ؟!؟ طبعا انت محشوم وبالعكس ما شفنا منك الا كل تقدير واحترام لاكن بعض المشرفين والمستشارين ماخذين بإنفسهم مقالب ..

السؤال الثاني .. انا لآحظت بتثبيت المواضيع خصوصا بقسم الجمهور الهلالي يكون فيه مجاملات بشكل واضح واللي متابع هالشي راح يعرف اللي اقصده ..

يعني تجد مواضيع اقل من عاديه ومثبته .. وهل تثبيت المواضيع حكرا على اصحاب المشاركات العاليه ؟؟ ولا وش السالفه :D

السؤال الثالث .. هو بنفس المحور اللي هو ان الواسطات ذاابحه شبكة الزعيم وانا ما ابالغ لاكن لاحظت هالشي بعد متابعه مني ..

يعني على اي اساس يتم أختيار المشرفين والمحررين و و و إلخ ..؟

وعلى فكره .. ما تلاحظ ان المندسين كثرو ؟! ما عندكم حلول لهذي المشكله

وآسفين على القصور .. :wub:

هلا ابونواف :smilie47:

خالد انا كنت اتابعك من اول وكنت (خاق) معك :d وانت قلم مميز وتستاهل كل خير ولو ان الاشراف حرمنا من قلمك شوي وجيتك لشبكة الزعيم يعلم الله انها شرف لنا وتزيدنا فخر بوجود هلالي مثلك بينا .

بالنسبة لسؤالك الاول : ياخالد القضية كانت في فتره من الفترات اني تعبت وارهقت وطفشت حتى من ملابسي (بس بدون تفصيخ :s2: ), وكان عندي مشروع آخر وكان من الصعب التوفيق بين المشروع الآخر وشبكة الزعيم :smilie47: فاضطريت اضحي بشبكة الزعيم اللي كنت اتوقع العوده لها باسرع وقت ممكن لو فشل مشروعي الثاني او استقر وقام على رجلينه , ومثل مايقولون (العمر ياشامان) قلت بجرب مشروعي واشوف , وللاسف كانت قدامي عراقيل كبيره ماهي مشاكل , لاني ولله الحمد قادرا على تجاوز جميع المشاكل التي تمر بي , ولكن كانت عراقيل بيروقراطيه , ادت الى اني طفشت ايضا من كثرة التردد على بعض الوزارات:ranting: لاني كنت ابي كل شئ يمشي بالسليم بس للاسف بالغصب الا يبوني اصير حرامي والف وادور وهذي ماحبها انا :s2: , اللي صار اني كنسلت المشروع الاخر ايضا وقلت هذا وقت لنفسي من منطلق (ولنفسك عليك حق ) والحمدلله كانت فتره استرخاء ماكنت غايب فيها عن الشبكة بل كنت اتابع من بعيد لبعيد وكنت متواصل مع الامير بندر في امور تخص الشبكة وماكان الاتصال منقطع بينا بس تقدر تقول اني صرت حر وانطلقت وخففت من بعض الاعباء اللي كانت ملقاه على عاتقي واللي ماكانت تمشي بدوني , ولما حسيت اني اصبحت لدي القدره على العوده للشبكة كلمت الامير بندر وقلت له ابي ارجع ورجعت وكانت طلعتي بارادتي ورجعتي بارادتي وفي كل الحالتين كنت اضغط على الامير بندر لتنفيذ طلبي سواء بالخروج او العوده , المضحك المبكي انه بعد العوده للشبكة بفتره تيسرت امور المشروع ذاك ولكن وفقني الله في احد الشباب الموهوبين واوليته زمام الامور ويديرها الان بكل اقتدار بكل لو كنت مكانه لما حققت نصف ماحققه , واكتفي بتقرير اسبوعي مرسل بالايميل منه عما حدث ويوجز فيه كل ماحدث وماسيحدث الاسبوع القادم بمشئية الله والامور تسير ابشركم وفق خطط علمية مدروسه (مش مثل خطط الجماعه :s5s:) وبينا اجتماعات دوريه كل فتره , وبعد العوده لاشراف الشبكة ايضا تيسرت امور كثيره منها اني انضممت الى النادي في العلاقات العامه والاعلام وكذلك استلمت جزء من ادارة احد الاقسام في احد اكبر المواقع على الاطلاق بالاضافة الى عضوية مجلس الادارة بشبكة الزعيم , فالحمدلله على كل حال ومن صبر ظفر وكل شئ بامر الله سبحانه وتعالى وتوفيقه .

اما السؤال الثاني :
والله ياخالد ابشرك حتى الوقت الاضافي انتهى والحكم مستعجل بينا نلعب ضربات ترجيح والجمهور يصفر بعد :s2: وعلى قولة سلطان الهاجري :smilie47:

الحظ كوره والنوادي ضحاضيح ** سددتها بالعارضه واحدرتبي
شوطين أضافيه وركلات ترجيح ** وآخر نهايه مابعد سجلتبي
أقول لحظه للجماهير وتصيح ** خسّرتها كاس الفرح واخسرتبي

لكن عما قريب ان شاء الله بلكي قبل عيد الاضحى بلكي بعد عيد الاضحى بلكي باجازة الربيع بالكثيررررررررررررررررررر , خلاص طفشنا وتعبنا من العزابيه يكفي العمر اللي قضيناه عزابيه :s2: ولو انها زينه يوم اشوف اوضاع الشباب بالاستراحه هالايام اقول زين اني عزوبي :s2:

اما السؤال الثالث:

بدون مجاملة وبصراحة متناهيه سامي ابوخضير ثم احمد الخميس ليس لان سامي ابوخضير هو مديري :s2: لكن العمل الكبير الذي يقدمونه هالشخصين بالنادي عمل لايمكن لاي شخص آخر ان يقوم به وهذا من واقع اطلاع يومي ومشاهدة عن قرب لمجريات الامور من غير قصور بالباقين :smilie47: ولو ان ابودعيع لحاله ماهو بقليل بس صدقني سامي الجابر الدعيع القحطاني اعضاء التغطيات بامكان اي شخص يعوضهم والكفاءات ولله الحمد موجوده ومتوفره ولو ان هالاشخاص يقومون بعملهم بكل اقتدار وعلى اتم وجه بس سامي ابوخضير بلحاله :smilie47:


واخيرا

اسير الزعيم لو تمر ساعتين ماكلمته تجيني سكته قلبية واموت :s2:

عزوز انت ماحد قالك اني احبك :smilie47: << بس انتبه يمكن حبي لك ينتهي ثم اصارحك باني ماحبك وتنتحر :laugh:

اولا : ارسلي الفيس على الخاص علشان نعطيه الصبغة الزرقاء ونضيفه للفيسات :s2:
ثانيا والله مدري يابعدي يمكن علشاني ماعندي في المنتدى الا 1+1=2 والناس متعودين على الفوضى ويبوني اصير فوضوي زيهم , يعني يبي لما يصير شئ خطأ منه مايبيني اقوله شئ , بينما اذا حررت توقيعه او رده او حذفته يشوفني مخطئ ويقعد يشهر فيني :s2: لو تعاملنا جيمعا بـ(عامل الناس كما تحب ان يعاملوك) صدقني ماحد يزعل مني ولا ازعل من احد بس للاسف عندنا ناس يبون لهم تعامل خاص , يعني مثلا انت لو تخطئ ياعزوز بقولك انت مخطئ ولو اخطئ انا بتقولي نفس الكلام بدون زعل لامني ولامنك , بس فيه ناس تبي معاملة خاصه في كل شئ ولاتنسى اننا نتعامل في عالم افتراضي ماتعرف الناس اللي تكتب هذي وش هم من ريجيل :d علشان كذا تصير مثل هالامور لان كل البعض الله يهديهم يتوقع انك مثلا كمشرف انك مسخر له ولازم تمشي على كيفه , ويتوقع ان المشرف يفكر كذا , بالعكس المشرف عنده قوانين يمشي عليها انت تخالف تتعاقب ماتخالفها ماحد يدوس لك على طرف حتى المشرف مايقدر يقولك شئ .

ثالثا : والله يابعدي احنا مانبي احد يزعل علينا باسباب غير منطقيه بوجهة نظرنا , يعني لما احرر لك مشاركه مثلا او احذف لك رد او اوقفل لك موضوع بيسبب لي مشاكل من واقع معرفة باحوال المنتدى , ثم تجي وتزعل وانت عندك فكره اني ضدك واني احاربك واني قفلت موضوعك علشاني ضدك او علشاني اشجع النادي الفلاني او انت تشجع النادي الفلاني , هنا احاول اوصل لك الصوره واوضحها لك كامله وابين لك ان الامور غير عن اللي تفكر فيه , ولابيك تطلع وانت ماخذ فكره خطأ من افكارك الخاطئيه اصلا يعني ماهي موجوده بالواقع .
يعني مثلا قبل فتره احد الاعضاء كتب موضوع مثار جدل , ثم جت فيه ردود وقعد صاحب الموضوع وعضو اخر معه يقللون من بعض الاشخاص في اشخاصهم وليس في ردودهم , يعني لما كتب رد وتجي تقولك ردك غير صحيح والصحيح هو وهو , بس لما اكتب رد وتجي تقول عن وجهة نظري انك ماتفهم وانك جاهل وانكم كلاب :s2: ماتوقع هذي احد يرضاها , الي صار اننا قفلنا الموضوع وحذفنا الردود وقلنا بلاش من المشاكل وخلاص قفل هالملف .

العضو راح وزعل وقال بترك الشبكة وقعد يسب المشرفين ويشتمهم :s2: يعني الان انا ابي كل واحد فيكم يفكر بعقل ومنطق , من المخطئ :s2: اللي خلاك تزعل من اغلاق الموضوع مايزعل غيرك من وصفك لهم بانهم كلاب :s2: (على فكره انا كنت احد الموصوفين باني من طائفة الكلاب اعزكم الله وسامح الله العضو في هذه العشر المباركه) شوفوا بس قمة التناقض , يعني انا طرحت وجهة نظري في وجهة نظرك بدون التطرق لشخصك الكريم , تجي تترك كلامي كله وتروح تقول عني وعن غيري من الاعضاء الذين اختلفوا مع وجهة نظرك بانهم كلاب ؟!!! هنا ياعزيزي انا صراحة مدري وش اقول الا سامح الله الجميع ومن حرض ذلك على العضو على اتخاذ مثل هذا الاسلوب والا كان من افضل اعضاء الشبكة بس للاسف فيه ناس تحرضه وانا متاكد انه هو كشخص طيب وقلبه طيب ووصلته معلومات مغلوطه بان تركي وغيره جايين يخربون موضوعك علشان كذا رد عليهم وسبهم واشتمهم علشان مايدخلون موضوعك ثانيه , ومن هنا اوجه رساله للعضو هذا اقوله اذا تقرأ كلامي هذا تراني مسامحك وترى فكرتك اللي انت ماخذها خطأ وحياك الله بكل وقت وتقدر تجي وتشرف الخاص واتناقش انا وياك ياتقنعني يا اقنعك والشبكة لك ولغيرك بكل وقت , وترى كل اللي وصلك عنا وصلك من شخص مريض يريد تصفية حسابات شخصية بعيده عن المنتدى انا اعرفها واعرف اسبابها وهو الخسران الوحيد في هذه الحرب اذا كان هناك فعلا حرب :d

صدقني مثل هالعضو اللي اقولك زعل علشان فهم خاطئ وملعومات خاطئية هم اللي نحرص على ترضيتهم اما البقيه فـ (روحة مقيط ورشاه :s2:) لان مثل هالاعضاء ناس موهوبين وحرام انك تخسرهم علشان اشياء غير موجوده بالواقع اصلا .

وبالنسبة لعدم تقبل القرارات السبب هو الافكار الخاطئية لدى الشخص او تحريضه من آخرين فقط وانا ضربت لك مثال اما المثال الاخر تعرفه انت شخصيا وهو ان عنده معتقدات خاطئيه مثل اني ماحبه وهو مايحبني :s2: بالله هذي وش علاقتها بالمشاركة بالشبكة :s2: سامح الله الجميع في هذه العشر المباركه واتمنى منهم ايضا ان يسامحونا .

رابعا : افتح الرابطه واعتبرني محرر اخبارها من الان :) بس بشرط يوافق احمد هلالي موت :s2:

خامسا : امممم مممممم والله مدري بالنسبة لسؤالك هذا صعب , ياخي مانيب مجاوب عليه كم درجه بالله , يامدرسين حطوا العلامات قدام الاسئلة علشان نعرف نسحب على بعض الاسئلة , بس اللي جاوبت ان شاء الله ينجحني :s2:

حياك عزوز :smilie47: وتراني احبك:smilie47:

تدري اني ارتفعت عن الكرسي ووصلت السقف من هالترييش :s2: طيب لوحلقت شنبي:s2:

هلا والله بالدلخ :s2:

وش كان اسمك القديم بالله :s2:

1 : يالغالي هذي معلومة صحتها نسبية يعني يمكن انت تشوفها وغيرك يقول لا القسم من افضل الاقسام صحيح فيه مشاكل بسبب كثرة الاقبال لكن صدقني بذلنا كل الجهود من اجل حجب بعض المواضيع الغير مفيده والتي ليس لها هدف وشنوا علينا الاعضاء حملة بسبب هذا يعني صعب ترضي الجميع لكن سددوا وقاربوا وبالله التوفيق .
2 : جاوبت عليه من قبل وكسلان ادور :s2: رح دور انت :s2:
3 : هيكا وهيكا يعني احيانا اقول قدمت كل شئ واحيانا اقول مقصر واحيانا اقول مخطئ , يعني بين وبين , والحكم النهائي عند الناس لاني ماقدر اقيم نفسي , انت وش رأيك ؟

وحياك ياصديقي :smilie47:

يابعدي حصل خير وصدقني لو ماصار هالموضوع يمكن نبقى انا وياك كل واحد فينا فاهم الثاني خطأ , وهذا الكلام اللي اقصده دائم انا اي واحد عنده مشكلة او يتخيل مشكلة معي يجي ويقولها لي بالخاص , وصدقني انا بنفسي كنت سابادر واقولك ترى صاير كذا وكذا بس اني ماحصل لي وقت وكنت انتظر هالمقابله لاني ابي اوضح فيها مثل هالامور , عموما لو حصل وبغيت رقم فارس عوض :s2: علمني :s2: ولو بغيت منه مقابله علمني ومالك الا اللي يرضيك واعذرنا يابعدي بس انا هذا اللي وصلني .

سلام , تعبت اليوم :s2:

مستر قول متى بتغيرون اليوزر حقي ؟

سؤالي ارسلته في رساله خاصه هع

مع ان لدي الكثير من الأسئله بس خليني اخلص من السؤال الأول

برب

باك
حسيت نفسي أنا البنت الوحيده الي داخله على ذا الموضوع ... رحت أتأكد أشوف وش الشروط يمكن ممنوع للبنات يضعون أسأله خخ

بسم الله ...

أول سؤال .. شي شاغل بالي من زمان مره .. هل أنتم تاخذون رواتب مجزية لأن شغلكم بصراحه متعب ويأخذ وقتا..

السؤال الثاني ..
ماشاء الله من خلال اجوبتك على الأعضاء .. اكتشفت شي بس بخليه سر هع ..
نظرتك للبنات الي يكتبون بالمنتديات أو اختصر السؤال هل أنا عضوة شريره هع << ماطلع معي غيره هع

السؤال الثالث ...
.
الحين العضو النشيط مره من خلال المواضيع والردود .. أقصد على ماذا تعتمدون في اعطاء الألقاب .؟

شوكرا لك تركي وفعلا دائما مانتعبك ونسبب لك ازعاجا ولكن ماباليد حيله ...

¤لكم حرية تعديل وتحرير وحذف وانذار وتوقيف ذلك العضو (ميمي )<< مسالمه


اختكم .. ميمي














أختكم ميمي

اعدك ياصديقي ببحث هذه المشكلة وايجاد حل لها وانصحك باستخدام برامج التحميل افضل لك .

هلا والله بالحكم الخامس :smilie47:

1 : النجم الاحمر اليوغسلافي :s2:

2 : والله ماصار شئ كان فيه مشروع وتوقف اذا مارجعناه هالايام اوعدك باني اعيده لك .

تحياتي ياصديقي:smilie47:
هلا بالدب:smilie47:

1 : والله يابعدي كلها مميزه بس الايطالي له رونق خاص لمتذوقي كرة القدم الحقيقيه , يعني اللي يبحثون عن المهارات والكره السريعه يتابعون غير الايطالي , تبي تعرف وش الفرق بين الايطالي واي دوري ثاني : مثل القهوه لما واحد/ه ي/تضبطها لك وتصير تحس فيها في المخيخ والقهوه اللي تسويها الشغاله:s2: سريع سريع تصير قهوه تمشية حال , هذا الفرق , الدوري الايطالي للي يفهم معنى كرة القدم الحقيقيه .

2 : والله يابعدي هالموضوع تكلمنا فيه كثير استايل الشبكة واحد والمناسبات الخاصه لها استايل غير كذا مرهق لنا وللاعضاء ايضا .

3 : الاسطوره لايمكن يكون اسطوره الا بعد مايصير اسطورة نادي ثم منتخب ثم على مستوى العالم , وتوتي من اساطير نادي روما وايطال والعالم , ويستاهل ابو التوت:smilie47:


مشكلتك يابعدي , لان ماعندنا مشكله ويوم شفت ردك برابطة الريال خليتها تعرض 4 صور في الاعمده و24 صورة بكل صفحه وان شاء الله تكون انتهت .


مطيحن يابعدي مابي اعيد نفس الكلام كل مره , لاتسرق مواضيع ماحد يقولك شئ نهائيا وبس هذا اخر كلام عندي لانك يبدو مانت عارف وش تبي ولانت عارف وش الذنب اللي ارتكبته وحجم هذا الذنب .

هلا لحون :smilie47: وعمره مقبوله :yes:

والله يابعدي انا ذكرت سابقا لازم تكون علاقاتك بالانترنت محدود لان اصحاب الانترنت غير موثوق فيهم الا من رحم ربي , يعني لو اجيك وافرط السبحه عندك وتعرف عني كل شئ , عند اقرب سوء تفاهم بينا على سبيل المثال قعدت تكيل الشتائم والسباب لي وهذا حدث معنا, يكفي ان الواحد يعرف رقم جوالك مثلا عشان يسبك ويشتمك من خلال المسجات , فخلها على مستوى المنتديات لان عندي فصل بين حياة الانترنت وحياتي الحقيقه وحتى ذلك على مستوى علاقاتي مع الاعضاء اللي اعرفهم برى , مافيه علاقه بيني تركي المشرف وتركي الصديق مع العضو , هذا بكل اختصار ومن واقع تجربه اذا انت راعي طويلة بعالم الانترنت انصحك بهذا الاسلوب , وستجد الفرق مع الايام .

اما سؤالك الثاني فيالغالي والله احنا اختيارنا للمشرفين يتم عن طريق نشاطهم بالمنتديات وهذي وجهة نظرك ولو انها غير مقبوله ومرفوضه , فاحيانا انت تكون فاهم هذا المشرف او ذاك بشكل خاطئ , جرب تراسل احد المشرفين الذين تصفهم بهذا الوصف وتكلم بكل صراحه واكتب كل مافي خاطرك وستجد الفرق , ستجد الفرق جرب وعد هنا او راسلني عبر الخاص .

تحياتي لك .


حياك يابعدي

1 : بشكل مؤقت حاليا (بارينا 2003 :s2:) وذلك لاني ناوي اغير سيارتي السابقه فماحصلت سيارة كويسه تناسبني فاخذت هذي بشكل مؤقت حتى ييسر الله السياره اللي ابيها . وقبلها كان معاي كامري 2006 ولكزس 2006 بس بعتهم كلهم وكنت بشتري لكزس 2009 بس حصلتها غاليه بالمره المستعمله و2010 بتنزل قريبا فقلت ننتظر وناخذ 2010 طبعا لكزس ES350 وان شاء الله بشتريها خلال شهر قدام باذن الله .

2 : والله حسب الفضاوه يعني ماني ملتزم بشئ معين اتابعه بس تقريبا قناة ام بي سي كلها .
3 : سمبوسه باللحم واللقيمات :s2:

هلا والله ابونياز :smilie47:

وين الناس ياخوي ترى فاقدينك وفاقدين محارشك ولك وحشة قوي قوي قوي :s2:

حياك ابوريناز وشكرا على الهديه

تسجيل اعجاب بفكرة الموضوع,,
وتسجيل اعجاب بالضيف تركي ,,
الحقيقه ماعندي اسئله كل الاسئله اللي ببالي
سئلوها قبلي كثير ,,الف شكر لك تركي على صراحتك بالردود

تحياتي