,,

بسم الله الرحمن الرحيم
السلام عليكم ورحمة الله وبركاته

كالعاده أكررها / لآ املك مقدره على كتابت المقدمات , ولا احبها ايضاً لاني اعتبرها شيئاً اضافي ليس له مغزى , لذلك سأتجنبها لنضل احباب .



| رحلة نيوكاسل |



عدنا والعود حميد بالجزء الثاني , وبهالجزء عندنا ( 33 ) أن شاء الله تكفي وتوفي .

بهالجزء تجنبنا ششغلتين , واحد زودنا عدد الصور بناء على طلب المشاهدين لـ( 33 ) صورة وأضن أنها تكفي وزيادة .

ثانياً كرشنا أحمد بسبب سخط المشاهدين على أدائه السيئ بالتصاميم .

وثالثاً خلينا الصوره بسس أيطار وحفظ حقوق = )



بعد ماجينا بثلاث ولا أربعه أيام أبلشنا الوالد الله يرضى عليه , نبي نروح لبحر الششمال ماتعرفون بحر الشمال لاقالولك نفط بحر الششمال هذا هو عندنا ومارحناله .

طبعاً لضيق الوقت ماقدرنا نروح الا بعد المعهد الساعه 5 العصر والجو كان بارد بالحييل .

هاذي صوره وحنا بالطريق من الترين للبحر






وهذي صور ثانيه بعد التقطتها وحنا بالطريق , الوالد الله يصلحه مسسكنا مشوار فوق كيلو الين وصلنا .





وهنا أخيراً يوم وصلنا للبحر , صوره للشاطئ طبعاً كما ذكرت سلفاً الجو كان بارد جداً بس بالنسبه لنا اما لهم مششمس وحار ومتسدحين ع البحر .





وهذي صوره ثانيه بعد والله بحرهم يخقق من جد يستاهل العنوه





شوفو هالصوره لاحد يسأل وش كان يحس فيه فهد وهو يصورها شوفوها وأنتم سساكتين .





بعدها بيومين وحنا طالعين من المعهد انا وخالو , قمنا نلف بهالششوارع يقالنا نستكششف .

بس طحنا لنا بمزرعة بط زي المستنقع وفيه بط وحوله أرض خظره , من جدد خقق .

هذي صوره اول مادخلنا للمزرعه .





وهذي صوره ثانيه بعد وحنا بالطريق للمستنقع الي بوه البط .





هنا يوم وصلنا , بالله تلوموني يوم خقيت






وهذي صوره ثانيه بعد بوسط الحديقه .





وهذي صوره للبط لبا قلبه .






طبعاً بعد مادخنا فيها طلعنا من درب مدري من وين , بسس درب يخقق بعد .

أرض خظره تخلي سعابيلك تقوطر وبقر ترعى يوم جيت بصورها خفت وبطلت , ومن الخوف بس صورت الارض .





مره ثانيه مسسكت مع الوالد قال بالويك أند يالله أدمبرا أسكوتلندا , منا منا يبا تعوذ من أبليس العن الششيطان , والله الرجال صامل يقول وش يفهمكم أنا بوديكم للهستوري للتاريخ للعراقه , ووالله ماجاب لنا العيد غير هالعراقه

لاكن مششيناها وقلنا يالله نروح لأدمبرا .

يوم الرحله السساعه 7 الصبح , الوالد كسر باب الغرفه من كثر مايدقه قومو يالله قومو هيا السسواق جا ينتظرنا تحت , والله وقمنا طبعاً انا أول واحد نزلت على طول دشش وألبس وأنزل مافي شي أسمه فطور , يوم نزلت ولا هالسواق بوجهي الله يقرفه بسس المهم وهو يقب بوجهي , يقول أنتم ناس ليه ماتعترفون بالنظام موعدنا الساعه 7 الحين 7:23 دقيقه ومامشينا قلت توك ماشفت شي أترك عنك والله مانتحرك قبل 8 لاكن أركد الله يصلحك , المهم هو قام يسسبنا بنفسه وقام يسولف مع نفسه جت 8 الا ربع وحنا بالسياره وجاهزين توكلنا على الله وتحركنا .

الطريق كانت مدته ساعتين , بسس أمتع طريق عششته بحياتي .

هذي بعض الصور وحنا بالسسياره , معلشش على ردائة الصور لاكن نايم خلقه والسياره تمشي .





وهذي وحده ثانيه .





وهذي بعد .





وهاذي .





طبعاً انا نششبت بحلق السواق كل شوي أقول أوقف أوقف وهو جاحدني , الين شفت هالمنظر وقفلت معي قلت وقف , الظعيف انخرش ووقف على جنب .

انا من الفهاوه نزلت وقمت أصور صراحه .





جنة الدنيا ورب البيت





شوفو النهر والزرع الي حوله , ورب البيت جنااان





طبعاً وحنا بالطريق واجهنا مزرعة نحل , ووقفنا ودخلنا لها , هالمزرعه كل شي فيها من عسل كريمات صابون ششمعات عسل طبيعي .






وهذي صورة للشمع من عسل بعد مدري وشلون مسوينه , شوفو يد الوالد يتفلسف على أخواني وخالي وهم نايمين ماهم حوله والله .





وهذي كتب وصور وششغلات صراحه ماعطيتها وجه للبيع .





وهنا عارضين لبس ذاك الي يصيد النحل .





وهنا بعد صورة ثانيه لغرفة مافهمت وش فيها بس صورتها .





وهنا مسسوين زي الفصل للمدارس لاجو يشرحون لهم , على كلام الي تشتغل .






وهذي صوره لنحل حاطينه قدامنا قلت لازم أصوره .






بعد كذا طلعنا من المزرعة , وغلطه اني كملت باقي الطريق من التعب نايم , ماصحيت الا يوم وصلنا .

طبعاً أدمبره ذي كل حته فيها فيها قلعه . تدوخ وأنت ماخلصت هالقلاع .

هذي صوره لقلعه فيها .





وهذي صوره ثانيه بعد .






وهذي صورة لمدرج عند بوابة وحده من القلاع , يسسون عليه احتفالات هالمدرج ويسون فيه عروض .





وهذي طلعنا لوحده من القلاع , وصورت أدمبره من فوق .





وهذي صوره ثانيه بعد , بالله شوفو السسحاب وشلون جاي .





وهذي صورة بعد .





بعد كذا رجعنا ع السساعه 6 العصر , وحنا تعبانين وطافين والله .

وحنا بطريق الرجعة وقفنا عند زي القريه صغيره ع البحر بعد , دخلنا مقهى فيها نششرب ششاهي ونتقهوى .

وصورت صورتين للبحر .





وهذي الثانية





خلاص طفيت .

أخيراً وليس أخراً من كل قلبي عبود " قناص سدير " لبا هاليدين بسسس .

أنتظرونا بالجزء الثالث و " الأخير " من رحلة نيوكاسل ( L )

,,