|
ممتاز ان الجمهور شبه مجمع على ان طريقة الرابطة في التشجيع خطأ من ناحيتي لا اؤمن بالروابط التي تعتمد على الفن الشعبي واغاني الكسرات الملاعب لها جو مختلف تماما عن الاعراس وجو الطرب , الرابطة في كل دول العالم تتطلع من الجمهور المتعصب لناديه هناك اناس تحب هذه الاعمال , الهلال لديه هذه الفئة لكن مافي شي يجمعهم ولا يعرفون احد , الان المنتديات الهلالية يزورها مو اقل من مليون ليه ما تكون هي المنطلق بفتح اقسام (في المنتديين الرئيسيين ) تسمى قسم الرابطة , او منتدى خاص يكونه هؤلاء المتحمسين ليجتمعو ويعرفو بانفسهم ويرتبو وضعهم مع الوقت سيجدون الرعاية من النادي وربما موبايلي او اعضاء الشرف , يجب ان نتحرك استاد الملك فهد اصبح مكانا مريحا للاندية الزائرة كم نهائي خسرناه في الاستاد في الخمس سنوات الاخيرة ؟؟؟ |
يا عزيزي والله هالموضوع تعبنا من كثر ما ناقشناه وكل كلامنا ما ينسمع ولا يتطبق منه شي وفي الاخير تروح الملعب وتسمع الطيران والخرابيط من الرابطة تجيك خيبة امل وتستلم انا بالنسبة لي اول ما طلع ايميل الادارة ارسلت لهم اقتراحات تقريبا نفس اللي انت قلتها في موضوعك وقلت في الايميل ان الهلال جالس يخسر في ملعبه لان جمهور صاير عامل سلبي عليه وليس عامل ايجابي وطلبت من الادارة تفعيل سلاح الجماهير بشكل اكبر ولكن لا حياة لمن تنادي بالنسبة للرابطة بعطيك اياها من الاخر لن تنجح الرابطة الا اذا مسكها شاب متعلم وطموح وعنده افكار وقادر يوصل افكاره للادارة لان كل اللي مسكوا الروابط مع احترامي لهم ما امسكهم مجموعة من خمسة اشخاص فكيف امسكهم مدرجات فيها الاف الجماهير الموضوع لو اعطي حقة وصرف عليه تراه سهل كل الموضوع متوقف على التنظيم بس التنظيم الموجود الحين ما راح يقدر يوصل للجماهير الافكار اللي الرابطة تبي توصلها لهم شغل الطيران والرقص لازم يوقف شغل المواوييل وقلة الحيا لازم يوقف شغل كل مباراة اهزوجة جديده لازم يوقف نبي تشجيع جماعي نبي رئيس رابطة محترم وذكي ومحبوب من الجماهير ما نبي مطربين شعبيين عشان تنجح الرابطة لازم يشرف عليها عضو شرف قوي يكون عنده الماده والطموح مثل ما كان يسوي سعد الجريد في وقت من الاوقات ولكن بشكل افضل |
طيب كيف نطور رابطة الهلال ؟؟؟ ؟ ؟ ؟ الحل موب سهل ولكن في نفس الوقت موب صعب ولا مستحيل انا بشرح باسهاب( خطة الطريق ) كما اشوفها انا اول شي العمل لازم يكون على مدى طويل وما ننتظر النتايج في شهر او شهرين او حتى موسم كامل انا اقترح تكون خطة عمل على ثلاث مواسم في المواسم الثلاث نسبة النجاح راح تعتمد على التالي الادارة 80% الجماهير 20% لان الادارة راح تتحمل المصاريف وتشكيل الروابط وتنفيذ الافكار وتنظيم الجماهير والجماهير راح يكون عليها التجاوب ومحاولة التفاعل بعد هذي الثلاث مواسم راح تنقلب المعادلة الادارة 20% الجماهير 80 % لان الادارة راح تكون عملت التنظيمات والافكار واسندت ادارة الجماهير الى الجماهير انفسهم كيف ؟؟؟ كالتالي الموسم الاول ( اتمنى يكون الموسم الحالي ) تعيين احد اعضاء الشرف او الداعمين كمشرف على روابط الجماهير ويكون شغله كامل للجماهير بمعني ان ما يكون عنده اعمال ثانية داخل النادي يكون شخص متحمس وذكي وطموح ومطلع على الجماهير الاوروبية ومدعوم بالمادة من الادارة راح ناخذ كمثال ( طارق التويجري ) تغيير فكرة رابطة الجماهير الحالية يعني معد نبي واحد يغني ويطبل والباقين يرقصون فكرتي هي انه يكون فيه مجموعة ما تقل عن 100 شخص متطوع او براتب رمزي ويكون بينهم قائد لهم ومجهزين باجهزة اتصال وظيفتهم تنظيم الجماهير و شرح الحركات ويكون لهم زي موحد وموزعين على ارجاء الملعب في الموسم الاول راح يكون التركيز على الاهاازيج المحبوبة من الجمهور الهلالي واللي تجد التفاعل وما راح تتغير هذي الاهازيج نهائيا طيلة المواسم الجاية ويكون لكل اهزوجة وقت معين وحركة معينه بشرط ان الاهازيج ما تتعدى اربع او خمس وتثبت في السنوات القادمة وما يضاف عليها اي جديد مثال عند دخول اللاعبين قبل المباراة او بعد الشوطين hilal hilal we love you والشالات يمين ويسار بعد تسجل الهدف او في اوقات لضغط على الخصم اولي اولي اولي والشالات على شكل مراوح قبل نهاية المبااراة hilal hilal ooh ooh حركة الزلزال الاوقات اللي الفريق يحاول ويحتاج تشجيع ثلاث صفقات وبعدها hilal مع رفع يد واحده او يا هلال عزك عزنا وتكون هذي الحركات والاهازيج في كل المباريات في الموسم الاول والهدف اللي ابي اوصل له ان المشجع يتشرب ثقافة معينه ويعرف مع الوقت ان الهلال وقت الهجمة له اهزوجة معينه ووقت الهدف له اهزوجة معينه بحيث انه يسويها من دون ما احد يطلب منه ونستمر الموسم الاول على هذي الطريقة بس حتى الكل يتعلمها طيب وش دور رابطة المشجعين هنا ؟؟؟ رابطة المشجعين لازم تبتكر لها حركات جديده توصل فيها طلباتها للجمهور وهذي عاد تعتمد على ابداعاتهم خاصة انهم راح يكونون متخصصين وخبيرين في الشغلة مثال كلنا نعرف ان الرابطة مكانها الجديد يمين المنصة وعشان توصل صوتها للجماهير في الواجهة تحتاج الى مكبرات صوت وحنا ما نبي مكبراات صوت لانها مزعجة وش الحل ؟؟ نجيب 9 اشخاص من الرابطة ونجلسهم على مقاعد على شكل مربع ويكون معهم لوحات ملونة وكل لون يرمز لشي معين او شكل معين مثلا اللون الاحمر يرمز لحركة المراوح اذا رفعوا الرابطة اللون الاحمر بالشكل اللي انا وضحته لك كل المدرجات راح تشوفهم وراح تسوي المراواح وبكذا ارتحنا من صوت المكبرات ومن توجيهات رئيس الرابطة المزعج تخيل لو استمرينا الموسم الاول كامل بالطريقة هذي ما فيه اهازيج جديده ولا فيه حركات جديده كل واحد يجلس في مكانة في المدرج عارف وش الاهازيج الهلالية ووش الحركات الهلالية سواء كان يتفاعل او لا المهم في الموسم الاول انه يعرف في الوقت الحالي الرابطة كل يوم جايبه اهزوجة جديده كاتبها الشاعر الكبير رئيس الرابطة ويجلس يغنيها لحالة بصوته الشجي والجمهور ما يعرفونها وما يقدرون يتفاعلون معها وحتى لو عرفوها ما راح يتفاعلون معه لان كلماتها سامجة كذا خلصنا من الموسم الاول الموسم الثاني تستمر الرابطة على نفس افكار الموسم الاول اللي الجمهور خلاص معد صار يشوف فيها صعوبة لانها عاش معها موسم كامل وفي الموسم الثاني نضيف عليها تلوين المدرجات مثلا وهذي سهلة جدا ولكن تحتاج تنظيم ممتاز فقط ويستمر الموسم الثاني بنفس اهازيج الموسم الاول + تلوين المدرجات في بعض المباريات+مثلا اعلام من المدرجات العلوية الى المدرجات السفلية على طريقة تشجيع الارجنتين الموسم الثالث نفس الموسم الاول والثاني + نشيد خاص لنادي الهلال يكون من سطرين او ثلاثه وتكون كلماته سهلة وقوية وفيها مد ( عشان تكون واضحة وقت التشجيع ) وتكتب كلماتها في المنتديات وتوزع اوراق عند دخول الملاعب عليها الكلمات وتستمر موسم كامل حتى يتقنها الجمهور ونصير مثل باقي اندية العالم بعد كذا في الموسم الرابع والخامس واللي بعدها راح يكون التشجيع ثقافة معينه عند كل مشجعين الهلال اهازيجهم معروفة ما تزيد على اربعة اهازيج والكل حافظها وعارف حركتها ومتى يقولها راح يكون المشجع متجاوب مع الرابطة وقت تلوين المدرجات لانه تعود على الشي هذا راح يكون اغلب المشجعين عارفين النشيد الهلالي ووقتها دور الادارة والصرف المطلوب منهم راح يقل وحتى دور الرابطة راح يقل وراح يكون الدور بشكل كبير على ثقافة التشجيع لدى المشجع الهلالي هذي مجرد افكار اتوقع لو طبقت وكان وراها شخص مدعوم من الادارة مثل طارق التويجري او غيره اتوقع راح تنجح وبشكل كبير وراح تزيد الحضور في المدرجات لان المدرجات وقتها راح تكون متعة |
مو ضوع ممتاز جداً ويعطيك العافيه يالبى قلبك ياحمد بصراحه انا لي تعليق بسيط متى نتطور ونترك الطبول والخرابيط كأنا بحفله و لا بعرس خلونا مثل الجمهور الاوربي بدون مايكات وبدون رزفه واتمنى يصدر قرار في منع تلك الطبول وتلك المايكات نبغى هدير بدون مايكات بالله لما يسمع اللاعب قايد الرابطه وهو يقول ردو معاي ياهو شيبي يكون حاله. اذكر مباراة النصر الموسم الماضي اللي فزنا فيها 2-0 وكنت انا و3 من اصحابي قاعدين بالواجهه ومتفقين انا نقول اولاي اولاي ونقوم ناقز الا والشعب الهلالي كله معانا وتذكرون الصخب كيف كان مانبي حفلات جماهير الشباب ولا الاتحاد يانعم الجفن والناس تلعب كورة ولا خليلو تكفوووووووووووووووون نبي تشجيع اوربي بدون طيران وبدون مايكات وتقبل مروري ياحمد,,, |
ذيبان و الله دام طبقنا داخل النادي نظام اوربي بقيادة شبيه الريح لي حتى الجماهير يكون نظامها اوربي يكون في نفس تشجيع تشلسي و المان نشيد خاص لهم |
|
موضوع رآئع , جهد كبير تشكر عليه يعطيك العافيه |
مشكووور وننتضر تشجيع راقي..وجماعي..وحماسي..:smilie47: |
انا والله معك اخوي بس الرابطه عليها طلعات ما ادري وش تبي |
موضوع رائـــــــــــــــــــــــــــــــــــــــــــع |
بصراحه كلامك بمكانه وجمييل يعني يوم فكرت به الا بس عندنا (طبول وباقي العده) يعني تقل رايح للمناسبه مو مباراة ... ويا ليت مثل ما قلت بصوت واحد يمسكوا الرابطه ومثل ما قلت على حسب مجريات المباراة . وطبعاً كذا افضل وارقى وجمهور بقلب واحد (واهـ يا جماهير الارجنتين) افضل جمهور على مستوى عالم الكره إقتباس:
برغيييف جدتي يوم ان طلعته من الفرن .. حمــد يعطييك العافيه على الموضوع .. اللي فعلا ما احد تطرق له .. ودائما ما تبدع تسلم يمينك لاهنت |
اشكرك اخي حمد جمهور الهلال للأسف الشديد يحضر المبارايات علشان الوناسه او يشوف اللاعبين على الطبيعه حنا نشكر جهود الرابطه ومجلس الجمهور لاكن ماحنا مثل جمهور الاتحاد والاهلي ياخي صفقه ايديهم مع الصوت وحدة جمهور يعشق الاهازيج بس طرح الافكار وتطبيقها راح نصير احسن منهم بس يبيلنا على الاكثر سنتين وشكرا لك |
إقتباس:
لاهنت يالغالي |
اشكرك على اقترحاتك ورؤيتك الجميله تجاه الجمهور وهذا مانريد من الرابطه والجمهور فعلة |
الله يكتب اللي فيه خيـر للزعيـم وان شاء الله يستفيدون منك الرابطـه ويقدمون بما يليق لنادي القرن .. ومشكور يالغالي .. |
| الوقت المعتمد في المنتدى بتوقيت جرينتش +3.
الوقت الان » 09:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd