مساكم الله بالخير يالعالميين

كيف الحاش ؟؟

كل شي تماش ؟؟

تحية طيبة من اخوكم الجمهوري

عاد مافيه فرق بيننا.. كلنا نفطر سمبوسة وشوربة

الموهيييم

بين الريال والارسنال... عندي شوية بربرة وثرثرة

الريال

بيريز ماقصر ولعن جدف البورصة العالمية بصفقاته و ( صفعاته )

واثبت للعالم ان الريال وراه ناس ( تاكل الزلط )

لكن في خضم التعاقدات << متعوب عليها

ابو الشباب ما حل المشكلة الازلية من وجهة نظري

وانا اقول هالكلام بعد اول مباراة في الليغا

الدفاع يارعاكم الله

صح ان هجومنا صار قوي وسجلنا ثلاثة اهداف

لكن بالمقابل دخل بنا هدفين

انا ما اخفيكم اني مرتاح نفسيا من يوم ما طس النكبة كانافارو

اللي يخليك طول المباراة حاط ايدك على قلبك... لايمكن التنبّؤ بما يفعل

وازداد ارتياحي وانفرجت اساريري بانقشاع غمّة ( سلجادو ) الاهبل

لكن مازال الوضع ( يرقل ) ياجماعة

خط الدفاع اضعف خطوط الفريق... والموجودين مهوب تكانه

الفريق بحاجة ماسه لمدافع ( بطل ) بكل معنى الكلمة

واحد يكون قائد فعلي وثقل وعاقل وذكي وفنان

باختصار واحد استنساخ لـ( جون تيري ).. ومايمنع اذا كان ( جون تيري ) نفسه

عاد تيري جدد البارح مع تشيلسي خمس سنين... مايمدينا عليه

لكن من جد الدفاع مشكلة لازم تنحل