السلام عليكم

هلا وغلا رهيف .. واحشنا يا رجل من زمان عنك .. اسولف انا ومهند مسن عن موضوعك قال كلمه توصف الحال .. انت مثل البدر يطلع بالشهر مرة .. الله الله .. الله الله .. مهند يقلب شاعر لا صار صايم

هالبطولة سبحان الله من بد بطولات الغراند سلام ما هضتها يمكن لان ملاعبهم بايخه .. والا توقيتهم بايخ .. ما ادري بس ما اهضمها

عموما فيدرر فرصته كبيرة يلقط البطولة ويدوس بصدارة التصنيف .. نادال فرصهجيدة يحسن وضعه .. موراي برضو عنده فرصة يبعد بالمركز الثاني ويقرب من فيدرر .. يعني موراي لو لقطها بيكون ضرب عصفورين بحجر .. إبتعد عن نادال و قرب من فيدرر

في لاعب اتوقع بيكون له دور كبير وما راح استغرب لو فاز فيها .. اندي روديك .. انا صراحة ودي اشوف هالولد شلون يرسل يا عليه يد لا إله الا الله شي عجيب غريب .. اتوقع مع دعم الجمهور يقدر يوصل بعيد

عقب كل هالقرقة اتمناها لـ موراي .. لاعب ينحب .. على الطاري تراني نحس .. وما احب اشجع لاعب معين بالتنس .. شجعت نوفاك قام يستهبل شجعت نادال جته اصابة ودحدر من التصنيف الأول .. فكرت بس اشجع فيدرر وخسر المركز الأول لـ نادال .. تحمست مع موراي بويملبدون وطلع مع اول مباراة شجعته فيها .. الظاهر نص النهائي هههههههههههههههه لذلك اللي يبيني اشجع منافس لاعبه المفضل يعلمني ارسله رقم حسابي خاص

فيدرر قلبي معك <----- ما وده يفوز فيها عشان موراي خخخخخ

معليش على القرقه الزايدة .. ترى بداية الرد كانت اني ارحب بعودتك حبيب ئلبي .. ومسكت خط تحملونا