السلام عليكم ورحمة الله وبركاته

قبل أن ترموني بوابل من الشتائم كعادة بعضكم ---> بتنجلد ، أدعوكم لزيارة موضوع سابق لي حتى تعرفوا وش أنا من لحية

http://vb.alhilal.com/showthread.php?t=789452




بما أننا في شهر خير ، ومغفرة ورضوان ، ومبادرة لما يرضي الرحمن ، وفيه خير للأوطان ، اشربوا قهوةً في فنجان ، ولتقرأوا موضوعي بروقان ، لا يجيكم يرقان ---> خربت السجع

المهم ، قررت أنا مهبولة أن أبادر لعقد صلح بين الهلاليين والنصراويين ( شوفوا حطيت الهلاليين أول ) أو إن لم يعجبكم العرض فليكن هذا الموضوع وطناً للنصرواويين المتواجدين في المنتدى مندسين أم مصرحين !

لماذا التعصب ؟؟؟ لماذا لماذا لماذا ( صدى ) ، لا الجد إلى متى وأنتم تلعبون القطو والفأر ؟ ما مليتوا ؟
أو لهالدرجة اللعبة حلوه يعني بالعقل والمنطق واحد حط صورة واحد شين وقال شوفوا هذا هلالي وهو واضح انه أوروبي أو ملعوبن في الصورة بالفوتوشوب ، أو أو أو غيرها من هالفشايل اللي تجينا بالإيميل ، ليش تعصبون وتردونها لهم ؟؟ والله فشلة ، يعني لو أنها شيء يسوى ممكن ، وحتى لو ماله داعي تردون وكيذا الحقران يقطع المصران ترى ، هذا يهون عند مشاكل ممكن تحصل بين الناس وتتسبب بطلاق وغيره والسبب التعصب ! ترى آخرتها كورة وجحلط يلعبون ( إلا الشلهوب ) فليش حرقة الأعصاب =) روقوا واستمتعوا ترى الدنيا حلوة بس ما عطتنا وجه (أدري مالها دخل بس أبي أقولها ) سؤال يقرقع في قلبي من فترة : ليش مهما يكن مستحيل تفرحون للنصر ، وتنبسطون إذا صار لهم شر ؟ وش تحسون به وأنتم كيذا والله النصراويين حليلين وما هنا أحلا منهم ( )


أما أنتم إخواني النصراويين وأخص المندسين ( ما عرفت الإندساس إلا من رد لأحدهم في موضوعي السابق ) لماذا الإندساس ؟ ترى ماله داعي والله ، يعني خايفين من الهلاليين ترى ما حولكم أحد ---> فاهمة الإندساس غلط ، أطلعوا وبانوا عليكم الأمان في رأسكم حرش طلعوه عادي وبكل ثقة وشجاعة ولا هم برادين عليكم ترى ، هُما يئدروا ( حسب ما كتبت لهم أعلاه ) لماذا تكبت مشاعرك أخي النصراوي ؟ عادي سب وحارش طلع اللي بقلبك ، ترى في هذا وقاية من أمراض القلب وغيره =) أهم شيء خلوا شغلكم ع المكشوف لا تندسون


قفلة :
الموضوع لا يحمل هدفاً [ إلا إذا استوطنوه النصراويون ] ، ولا أنتم تهموني أصلاً هلاليين ونصراويين ، بس اليوم خميس وسوالف أهلي ع القهوة ماصلة قلت أوسع صدري عندكم ، عاد عطوني جوي وتطاقوا تكفووون وأحد يتبرع ويقول أني مندس خل انبسط


للمشرفين
إن ما جاز لكم الموضوع انقلوه للمجلس ، أهم شيء لا تقفلونه ويضيق صدري زود ما هو ضايق