السلام عليكم ورحمة الله وبركاته

قبل أن ترموني بوابل من الشتائم كعادة بعضكم :naughty: ---> بتنجلد :laugh: ، أدعوكم لزيارة موضوع سابق لي حتى تعرفوا وش أنا من لحية :d

http://vb.alhilal.com/showthread.php?t=789452




بما أننا في شهر خير ، ومغفرة ورضوان ، ومبادرة لما يرضي الرحمن ، وفيه خير للأوطان ، اشربوا قهوةً في فنجان ، ولتقرأوا موضوعي بروقان ، لا يجيكم يرقان :s2: ---> خربت السجع :d

المهم ، قررت أنا مهبولة أن أبادر لعقد صلح بين الهلاليين والنصراويين ( شوفوا حطيت الهلاليين أول :s2: ) أو إن لم يعجبكم العرض فليكن هذا الموضوع وطناً للنصرواويين :smilie47::smilie47: المتواجدين في المنتدى مندسين أم مصرحين ! :naughty:

لماذا التعصب ؟؟؟ لماذا لماذا لماذا ( صدى :d ) ، لا الجد إلى متى وأنتم تلعبون القطو والفأر ؟ ما مليتوا ؟
أو لهالدرجة اللعبة حلوه :d يعني بالعقل والمنطق واحد حط صورة واحد شين وقال شوفوا هذا هلالي وهو واضح انه أوروبي أو ملعوبن في الصورة بالفوتوشوب ، أو أو أو غيرها من هالفشايل اللي تجينا بالإيميل ، ليش تعصبون وتردونها لهم ؟؟ والله فشلة ، يعني لو أنها شيء يسوى ممكن ، وحتى لو ماله داعي تردون وكيذا الحقران يقطع المصران ترى:d ، هذا يهون عند مشاكل ممكن تحصل بين الناس وتتسبب بطلاق وغيره والسبب التعصب ! ترى آخرتها كورة وجحلط يلعبون ( إلا الشلهوب :smilie47: :d ) فليش حرقة الأعصاب =) روقوا واستمتعوا ترى الدنيا حلوة بس ما عطتنا وجه (أدري مالها دخل بس أبي أقولها :d) سؤال يقرقع في قلبي من فترة : ليش مهما يكن مستحيل تفرحون للنصر ، وتنبسطون إذا صار لهم شر ؟ :s2: وش تحسون به وأنتم كيذا :d والله النصراويين حليلين :smilie47: وما هنا أحلا منهم :smilie47: ( :naughty: )


أما أنتم إخواني النصراويين :smilie47: وأخص المندسين :smilie47::d ( ما عرفت الإندساس إلا من رد لأحدهم في موضوعي السابق :d ) لماذا الإندساس ؟ ترى ماله داعي والله ، يعني خايفين من الهلاليين ترى ما حولكم أحد :s2: ---> فاهمة الإندساس غلط :wub: ، أطلعوا وبانوا عليكم الأمان :smilie47: في رأسكم حرش طلعوه عادي وبكل ثقة وشجاعة ولا هم برادين عليكم ترى ، هُما يئدروا :s2: ( حسب ما كتبت لهم أعلاه :s2: ) لماذا تكبت مشاعرك أخي النصراوي :smilie47: ؟ عادي سب وحارش طلع اللي بقلبك ، ترى في هذا وقاية من أمراض القلب وغيره =) أهم شيء خلوا شغلكم ع المكشوف لا تندسون :smilie47:


قفلة :
الموضوع لا يحمل هدفاً [ إلا إذا استوطنوه النصراويون ] ، ولا أنتم تهموني أصلاً هلاليين ونصراويين ، بس اليوم خميس وسوالف أهلي ع القهوة ماصلة قلت أوسع صدري عندكم ، عاد عطوني جوي وتطاقوا تكفووون :s2: وأحد يتبرع ويقول أني مندس خل انبسط :s2:


للمشرفين
إن ما جاز لكم الموضوع انقلوه للمجلس ، أهم شيء لا تقفلونه :s2: ويضيق صدري زود ما هو ضايق :cry: :d

جماهير الهلال تتعامل مع الكورة السعودية بتعامل احترافي وترى جميع المشجعين للأنديه الاخرى جماهير تمتلك قرارها بالتشجيع واختيار الفريق علاوة على ذلك لاتوجد بينها وبين اي الجماهير عداوة فإنها تشاهد المباراه وبعدها تغلق التلفاز وتعود الى الحياة الطبيعية لكن المشكلة من بعض جماهير الفرق الاخرى التي جعلت شغلها الشاغل العبث من اسفل الطاولة على الهلال والهلاليين حيث بعضهم يرى انه يمثل القدّيس المطلوب منه تفريق شتات مشجعين الهلال لم يسبق لي أن رأيت هلاليا يكذب ويجمع تصاريح رؤساء انديه ويأخذ منها مايريد من اجل التلفيق على الرؤساء لم يسبق لي وأن رأيت هلاليا يتابع مباريات انديه اخرى محدده وبعد انتهاء المباراه يقوم بالخروج بالصحف والمجلات والبرامج المرئية وشن الهجوم على الهلال , لأن جماهير الهلال معنيه بفريقها وتشجع فريقها وليست متواجده من أجل البحث عن اخطاء الاخرين لم يسبق لي وأن رأيت هلاليين يكذبون ويلفقون الاحاديث والحقائق ويخرجون بشاشات التلفاز من اجل إيذاء الانديه الاخرى فجماهير الهلال تتعامل مع الكوره بإحترافيه وبأخلاق وبنضوج عقلاني فالمشكلة ليست في جماهير الهلال المشكلة في بعض ضعاف النفوس من مشجعين الاندية الاخرى ولو ان هؤلاء ضعاف النفوس يهتمون بأنديتهم كإهتمامهم بالبحث والتحري خلف اخطاء الهلال ومحاولة ايجاد هفوات , صدقني لأصبح فريقهم من افضل الفرق العالمية ولكن لاحياة لمن تنادي فتواجدهم بالرياضة ليس لأجل تشجيع انديتهم بل موجودين من اجل زعزعة كيان الهلال