06/09/2009, 12:57 AM
|
| زعيــم جديــد | | تاريخ التسجيل: 05/01/2009
مشاركات: 37
| |
من يقف هذه المهزلة من قبل موبايلي
مالكم في الطويلة ,, قبل اسبوع قررت مثل غيري من محبي هالكيان الازرق دعمه ولو بشي بسيط لعيون اميرنا الشاعر ولعيون الكيان اللي نحبه
قررت انقل خطي من الاتصالات لموبايلي دعما للزعيم
وصلت للفرع وطلب مني الموظف بطاقة الاحوال ووقعني على ورقه الى الحين كل شي تمام وقعدنا نسولف عن الشركه ودعمها للهلال ووضحت له ان سبب نقل الرقم لمشغل اخر سببه الهلال (( قلتله بالعاميه ما جابني لكم الا الهلال))
في الاخير قدملي ظرف فيه صور وكتابات من ضمنها باقة حلا وشي ثاني والموج الازرق
رجعت سالته اي باقه ذي قالي حلا لانها اوفر لكـ !!!! سالته بس انا ابغى باقه الموج الازرق قالي مهيب مشكلة اذا تفعلت الخدمه اتصل علينا ننقلك لباقه الموج الازرق قلت سمـ ومشيت
اشتغلت الخدمه بعدها بـ 4اريام وضبطت خدمه البلاك بيري وكلش تمام لييين ما اتصلت عليهم وطلبت باقة الموج الازرق انصدمت بردهم الصاعق لي
قالي الموظف اوكي ننقلك لباقه الموج بس ماراح تجيب مكافات ونقاط لان باقتك ((حلا)) في الاساس!!
انا الحين مدري وش اسوي ضعت بين نظام سخيف وتصرف ارعن من موظف موبايلي
انا من حقي كمشجع هلالي ان تلبي طلباتي ولا احد يصرفني بباقه بخطأ منه بعدين ربعه يقولون لي انت باقتك ((حلا)) ما تقدر تستفيد
الكلام هذا ما كمل اسبوع واسم الموظف اتذكره واعرفه بالشكل ياليت احد يصعد هالمهزله لاي احد يقدر يرجع لي حقي لان مالي نيه اغير رقمي واطلع شريحه من جديد باسم باقه الموج !!!
اخر تعديل كان بواسطة » هلالي اكسفورد في يوم » 06/09/2009 عند الساعة » 02:19 AM |
الوضع الشجري
