نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   أمس صارت مهزله مايعلمها الا ربي ولا راح يحس فيها الا اللي عاش الوضع (http://vb.alhilal.com/showthread.php?t=804690)

دمي أزرق موووت 27/08/2009 09:28 PM

أمس صارت مهزله مايعلمها الا ربي ولا راح يحس فيها الا اللي عاش الوضع
 
بسم الله الرحمن الرحيم

ملاحظه عنوان موضوعي (( والله ماعاد احضر ولا مباراة للهلال في الرياض ))

وتم تعديله من المشرف بالعنوان الحالي ..

ليش ياخي تعدل العنوان ؟؟

خايف الجمهور مايحضرون .؟؟ خل الاداره تشوف حل للمهزله وقلة الحيا اللي تصير لنا

وسكوت الامير عبدالرحمن بن مساعد يدل على رضااه التام عن الشي هذا والامر هذا صاير من العام

_________________

طبعا انا بختصر لكم الموضوع وياليت تقرونه كامل

انا من سكان الرياض واعمل في الخبر والحمد لله حضرت مباراة الهلال والقادسيه وكان الحضور رائع

والتنظيم جميل والعسكر متفتحين والامور كلها ولله الحمد زينه ..

أمس جيت للرياض وافطرت عند الأهل وقررت احضر مباراة الزعيم مع نجران .. مع العلم اني الموسم اللي راح

شفت البلاوي من العسكر ( اصحاب شهادة خامس ابتدائي ) واصحاب الميول ( الصفراء ) ..

أمس صارت مهزله مايعلمها الا ربي ولا راح يحس فيها الا اللي عاش الوضع

لكن اللي جالسين في المنصه وتعبنا واحنا نصايح من العام ونطلب منهم يشوفون لنا حل مع العسكر ومع التنظيم

ومع البوابات مادروا عنا .. والموت والقهر يقولون جمهور الرياض مايحضر ولايحب الفريق والجمهور مايساند

ياخي تعال شوف المهزله وانزل من كرسيك اللي في المنصه ونزل بيالة الشاهي وتعال طال عمرك

شوف بعينك المهازل وبعدها تعرف ليش نصفهم مايحضر ..

ملاحظه : اقسم بالله من العام واحنا نصااايح من معاملة جمهور الهلال في الرياض ولا احد جاب لنا خبر وهذا يدل على شي

ان حضورنا مو مهم عشان كذا والله ماعاد احضر مباراة في الرياض

مجنون تـوتـي 27/08/2009 09:33 PM


ياليت الي برى الرياض يعرفون ليه الجمهور ما يحضر
اخر مباراه حضرتها مع ام صلال شالات ممنوعه دخول الماء ممنوع
ضرب بالعصا اشياء وكوارث لا يعلمها الا الله
\

جرح أيامي9 غياب سامي 27/08/2009 09:40 PM

كلااام في الصميم ..
..
..
وكل ماذكرت اخي الكريم ( موثق بتصوير فيديو ) 25 دقيقة ... كاملة لام المهازل ..
..
وخذ مشهد حصري (( ضرب شايب بعصى رجل امن )) اقسم بالله عيب ..
..
..
..

الأرسنالي المرعب 27/08/2009 09:43 PM

خطط مدروسهـ , خطط مدروسه , خطط مدروسه !

دمي أزرق موووت 27/08/2009 09:44 PM

ياشباب من يعرف الايميل حق الاداره تكفووووووون

جرح أيامي9 غياب سامي 27/08/2009 10:31 PM

للرفع..أتمنى الأمر يصل للمسؤلييين..!!

معذبهم 15 27/08/2009 10:38 PM

يا رجال يكفيك رد الاستاد سامي ابوخضير قهر والله انه يكون من الادارهـ

اجل يحط الحق كله على الجمهور انا اللى قاهرني انه ما تحرك ولا طلع شاف

وش الموضوع ياليت نتعلم من نادي الجار كيف يتعاملون مع جمهور ناديهم والله قهر


الوقت المعتمد في المنتدى بتوقيت جرينتش +3.
الوقت الان » 01:27 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd