""الســــلام عليــــــــكم ورحـــــــمة الله وبركـــــاتهـ""


اولأ احــب اباركـ لكل هلالي/هلاليه/ بالفوز المستحق بالامس ....واباركـ بالـحصول بـ 3 نقاط

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــ

صرااحة يعني كان الملعب امس حوسه وحااله يعني انا حضرت امس لكن اللي برى الملعب اكثر من اللي داخل وتنظيم زفت للأسف يعني مكنت متوقعه كذاا والشرطة اللي ينضمون قامو يضربون بالعصي واناوالله بغت تجيني ضربه مع ظهري لكن الله سترقدرت اهرب .. ولا والله كنت برووح فيها.. والهوشه اللي صارت بالملعب بين لاعبين نجران ولاعبين الهلال يعني الصويلح جاي يفكك وش دخله يعطيه الحكم كرت اصفر .. ظلم والله ظلم... حسبنا الله ونعم الوكيل.. وبعدين تر لاعبين نجران هم البادين مهب لاعبين الهلال لكن وش بيدنا نسوي... والجمهور امس صرااحة انظلم جمهور الهلال امس انظلم انا لو اقولكم وشلون دخلت والله اني جخلت بالضرب واعوذبالله يالله يالله قدرت ادخل الملعب والله العظيم اول مشريت التذكره وشفت الزجمه اقسم بالله اني قلت مالي امل ادخل اجل لكني نزلت تحتهم ودخلت ...لكن ليش طيب كذاا..! ليش الملعب فااضي كان من داخل ماكانو الجمهور كثير وشوله اللي برى فوول اعووذبالله اللي برى اكثر من اللي داخل ...
_______________________________________

1- صرااحة امس مستوى زعيمنا مبـــــــدع صحيح اننا قداام نجران لكن ابدعو صراااحة تكاتف بين الاعبين يعني والله مستوى يفتح النفس ياناس والله انهم كفوو وبقيادة ابوكلبشه اسامة هوساوي لبى قلبه.... وصحيح ان غياب الدعيع اثر فينا حنا وخفنا ..لكن زين انه مأثر في نفوس الاعبين ووالله امس مدري وش اقول ماشاءالله ...

2- ياسر ..اخير يااياسر رجعت ياسر قنااصنا اللي عرفناهـ..! والله يااسر رجع اخير مستواهـ امس مبـــــدع صرااحة ووالله تغير 200و80 درجه عن مستواه قدام القادسيه يعني من الشوط الول لعب تكتيكي فن والله يوم يعطيها لـمسه لـ طلق المحيا يعني والله لعب ماشاءالله ...وياسر انا قلتها ومخاب ظني فيه انه راح يرجع بـس عطوهـ الفرصه وشوفو هاه رجع لمستواهـ ... وباءذن الله نشووفه احسن واحسن بالمباريات الجاايه..

3- ويليهامسون ..ويلي ياويلي... يالبى قلبكـ ياويلي فنااان..ياويلي والله لعب امس يعني فن وابدااع صرااحة واحسن بـ 200 مرة عن مستواه امام القادسيه صحيح انه كان مبدع امام القادسيه بس امس والله لعب لعب ماشاءالله عليه..
والله انه كابتن اخيرا جاء مستواه اللي نبيه وينه الموسم اللي راح مشفناه بهالمستوى لكن زين اننا قدرنا نصبر عليه وطلع لنا هالمستوى الخيــــــــاأألي ... وان شاء الله يزيد مستواه ويتقدم الى الافضل والافضل بالمباريات الجايه...

4- طلـــق المحيــااا...عيسى يالبيـــــــه بــس...والله انه رجع لمستواه اللي كنا نشوفه فيه يومنه بالوحده يعني بـ مبارة اللي كانت بالنمسا مكان كذاا كان مستواه ناازل وقدام القادسيه كاان الجو مأثر عليه.. لكن اليوووم والله كابتن ياعيسى لعب ماشاءالله عليه لعب والله فنااان يعني تحسونه دااخل يبي يسجل ميهمه وشلوون كيف..؟ يبي يسجل بي طريقه وحطها قبل نهاية الشوط الاول ثناااائي خطييييير صرااحة ياااسر وعيسى...! مأقدر اقوول الا يالبى قلبكـ ياعيسى على هالعب وقل لـ اللي كانو يبونهـ يحلموووون يحلموووون..!

5- الشهووووب... الموهوب... والله اني عرفت سر نجاحه .. سر نجاح الموهوب الشلهوب هو انه يلعب اساسي ويااخذ الثقه الازمه من المدرب يعني حس هو ان المدرب عطاهـ ثقه وشوفو وشلون بدع امس...مستوى يحسد عليه صرااحة ماشاءالله عليه يعني احسه لعب بمستوى مغاااير جدا جدا عن مستواه الحالي.. ونا اوجه كلمه لـ المدرب ايريك جيريتس .... اقووله بها.. الشهوووب لازم يلعب اساااسي....!
وبتشوفون مستواه وشلووون بيتقدم الى الافضل والافضل.. ان شاء الله...

6-نيفيز... نيفيز صرااحة امس مستواه معجبني ابد ابداً..! يووم قدام القادسيه قلنا منحكم على الاعب من اول مباراة لكن وش الحل اللحين..! لاتعليق ابد على مستواه للأسف..!

7-المرشدي... فــنـــان ومبدع كـ عادته...

8-ابوكلــــــبشه .. تستاهل الكاااأإأإأإأأإبتينيه ياابوكلـــــــبشه لبى قبلبك بس..فناان كـ عادته...

9-حسن العتيبي.. مستواه يعني يعتبر جيد جدا عن مستواه الاول تغيير يعني شوي... ونتمنى منه الافضل والافضل...

10-رادوي... فنــااان كـ عادتكـ وصراحة تمنيت لونك حاطلك بصمه امس بالمباراة بهدف لكن قدر الله وماشاء فعل..

11-الزوري... مشفناك بمستواك اللي كنت ابدااااع فيه قدااام القادسيه بسوتاتك الصاروخيه لكن نتمنى انكـ تقدم الافضل بالمباريات الجايه...

12- ومستوى الفريق كله صرااحة كان مستوى يليق بالمباراة لكن انا ابي اقولكم شي ترا مستوانا مينحسب قدااام نجران مستوانا قداام افرقه كبيـــرهـ ينحسب لكن ان شاء الله نتقدم اكثر واكثر بالمباريات الجايه...

والله يوفق زعيمنا بمبارياته الجايه.,,
تقبلوني اخوكم: زياد العتيبي