نادي الهلال السعودي - شبكة الزعيم - الموقع الرسمي - أول مره أشوف مباراة للهلال من ثمان سنوات !! تدرون ليش ؟!

بسم الله الرحمن الرحيم

نواف الهلالي يعود لكم من جديد :yes:

فعلا .. هذا هو الهلال هذا هو الزعيم هذا هو بطل آسيا .. أما الفريق الجبان أبو ثلاث محاور

اللي دبل كبودنا باللعب الممل من ثمان سنوات فهو ( لا يمت للزعيم بصلة ) !!

الله لا يعيدك يا باكيتا ولا يعيد أيامك أنت وخطتك الجبانه !! قال إيش قال في حالة الهجمة

يصيرون أربع مهاجمين s121s يا شيخ والله ما ضيعنا إلا هالخرط الفاضي !!

أبشر يابو يعقوب :naughty: الهلال اللي ورثته أنت وجيلك الذهبي ما مات هذا حنا نشوف بداية

رجعته بعد غياب طويل .. والجاي أحلى بإذن الله s13s

وما أقول إلا يسلم لي مخك يا ( جريتس ) :ba:

http://upload.alhilal.com/img/019/SP...-0Najran-6.gif

البسمه عساها ما تفارق محياك .:. وعساك تبقى يا كريم السبالي

يسلم لي راسك سلم الله يمناك .:. يابو مساعد قدركم حيل عالي

نعزك قبل والحين والعـز ويـاك .:. إن كنت شاعر أو رئيس الهلالي

والله تستاهل يابو مساعد وإن شاء الله نشوف هالفرحه طول الموسم .. أما الأسلوب الجديد

مع الحكام ومع من يتعرض للهلال فهذا والله اللي كنا نتمناه من أول .. وهذا هو الأسلوب الوحيد

اللي ينفع معهم s13s

http://upload.alhilal.com/img/019/uvs090827-002.jpg

مشكلتنا مع الحكام السعوديين - ما نبي ندخل بذممهم مثل غيرنا - لكن نقول إنهم جبناء ولا يمتلكون

الشجاعة الكافية لاحتساب ضربات الجزاء ولإخراج البطاقات الحمراء ؟!! ولا فيه لقطه أو ضح من هذي

يعني لاعب قدام عينك ما بينك وبينه الا متر تارك الكوره وراه - وناحر - رجل اللاعب وش فيه أوضح من كذا ؟!

وأنا قلتها من بداية المباراة لما شفت خشونة اللاعبين قلت إذا ما صار الحكم شجاع وطلع الكرت الأحمر

نبي نشوف مصايب وفعلا جاء بعدها بغت تروح رجل رادوي والثاني قام يلعب كرتيه مع الصويلح !!

عاد يوم شفت اللي ضرب الصويلح قلت وينك يابو جمعان تشوف صاروا يهايطون علينا من بعدك s121s

لكن ما أقول إلا الله يستر على لعيبتنا في المباريات الجاية ..!

http:///photo/2009/5/21/02/t1g7cqo3k.jpg/jpg

ياخي الشخص هذا أنا أقدره تقدير غير طبيعي << احلف :razz: يعني بصدق لاعب تحبه غصب عليك

لاعب قتالي ومستواه دايم ممتاااز واليوم شفنا كيف مسك المحور لحاله وهذا الشيء اللي نبيه .. يعني مع الفرق الضعيفة يكفي رادوي

لحاله محور .. ما يحتاج تكديس لعيبه على غير فايدة !! خلونا نهاجم نبي أهداااااف وهذا اللي متوقع مع الداهية جريتس بإذن الله s13s

http://upload.alhilal.com/img/019/SP...l1-0Najran.gif

ويلي .. إبداع × إبداع في المباراتين هذي .. مستوى خرافي ومميز اللي قاعد يقدمه

مع إني خفت إنه يتأثر نفسيا من سالفة المنتخب لكن ما شاء الله زاد إبداع الولد .. شكله ماخذها عناد s121s

أتمنى إنه يستمر على هالعطاء الجميل s13s

http://upload.alhilal.com/img/019/SP...-0Najran-5.gif

المحبووووووووووووووب وبس :ba:

يا حبيلك يابو شلهوب .. كنا متأكدين إنك تبي تلعب بهالمستوى الرااائع والأروع الهدف التكتيكي

الأول منذ سنوات في الدوري السعودي .. أكثر من 14 تمريرة s13s مب غريب عليك يا موهوب :yes:

http://upload.alhilal.com/img/019/SP...-0Najran-2.gif

انتقدنا ياسر كثير لكن .. حتى لو ياسر ما سجل في هالمباراة ما راح ننتقده !! لأن انتقادنا له

في السابق كان بسبب إنه ما كان يبذل جهده للعوده لمستواه ..! لكن الحين لا !! واضح إن ياسر

مجتهد ومتحمس ويحاول يسجل بأي طريقة عشان كذا لو ما سجل ( لكل مجتهد نصيب ) .. لكن الحمد لله

حصل له التوفيق وسجل هدف جميل .. بس الهدف مب من سهم هالمره إلا ( صتم حلبي :naughty: )

للأماااااااام يابو سعيد s13s

http://upload.alhilal.com/img/019/SP...-0Najran-2.gif

بداية صاروخية !! إلا بداية خرافية وهدف ما يسجله بهالطريقة إلا الكبار .. ما أقول إلا :

هذا عيسى جاكم .. ويا شقى مرماكم :naughty:

# أتمنى لأبو عبد العزيز إنه يقوم بالسلامه :ba1: وأنا بصراحه استانست يوم شفت الكبتنية مع أبو كلبشة

لأنه لو شفت اللاعبين فيه اثنين هم اللي يحملون صفات الكبتنية : أسامة و رادوي .. هذا إضافة للمستوى

الثابت اللي يقدمه أبو كلبشة من الموسم الماضي ما شاء الله عليه .. ونجومنا كلهم يستاهلون وكلهم كباتنه s13s

# مع الكوري نسينا الظهير .. ومع الزوري الأزرق خطير .. والمرشدي للقمه يسير << يا عيني على الأسلوب :razz:

اقتراح سابق اقترحته وأتمنى إنه يلقى من يطبقه :naughty:

إقتباس:

الرسالة الأصلية كتبت بواسطة نـواف الهلالي (مشاركة 12840439)

مشكلة الرابطة وعدم التفاعل معها تتلخص في ثلاث أمور رئيسية :

الأمر الأول هو إن الرابطة الله يوفقهم ( صادّين ) لهم بزاوية ما أدري هم خايفين من شيء أو إنهم مستحين :yes:

يعني والله لا أحد يسمعهم ولا أحد يرد معهم ولا أحد يدري وش يقولون !! والواحد وهو جالس في المكان المقابل لهم

ما يدري وش يقولون كيف عاد اللاعبين إذا صاروا بالجهة الثانية من الملعب !! وحتى لو صاروا بالجهة اللي عندهم برضوا

محد يسمعهم ؟؟! يعني الرابطة قاعدة تشجع نفسها !!

والأمر الثاني هو الأهازيييج !! يا جماعة في فرق بين الأغاني وبين الأهازيج .. يعني المشكلة اللي قاعدين نسمعه

أغاني وموالات غير قابلة للترديد يعني طويلة والجمهور لو بيرددها يبغى لهم كل واحد يسمّع للثاني قبل المباراة

عشان يحفظونها s121s !!

وثالث شيء هو حتى لو كان الجمهور يسمع الصوت تمام والأهازيج قابلة للترديد تبقى مشكلة إن فيه بعض الجماهير

يبون يرددون لكن السكوت الرهيب من حولهم s121s يخلي عندهم شيء من الحياء !! يعني ما لها داعي الواحد

قاعد يصارخ لحاله تقول مهبول :d

طيب السؤال هنا : مـــا هـــو الــحــل ؟؟!

الحل الله يسلمكم بسيط جدا .. يعني من ناحية الطبول والطقطقة والموالات والخرابيط ما لنا فيها حاجة !!

و(حمادة) والطبل اللي معه حد الله ما بيننا وبينه .. يكفي وجع راس !!

الموضوع ببساطة هو أن يتم تقسيم أعضاء الرابطة إلى مجموعات وكل مجموعة عشر أشخاص تقريبا

وينتشرون بعدها في الملعب يعني يكون مثلا بين كل مجموعة ومجموعة عشرين متر .. وإذا كانت

المباراة بالاستاد فيكون بين كل بوابة وبوابة مجموعة في الدرجة الأولى والدرجة الثانية ..

ويكون قائد الرابطة في منتصف الملعب ..!

بعد التقسيم هذا يختار قائد الرابطة الله يوفقه من الأهازيج اللي يسهل ترديدها ويكون فيه تجديد بالأهازيج !!

وبهذي الطريقة لما تنتشر المجموعات كذا وقائد الرابطة يبدأ بأهازيجه والمجموعات تردد معه نقدر نضمن

وقتها إن 80% من الجمهور ســيــتــفــاعــل !!!

قفلة

الهلالي يوم يهاجم يشعل الملعب حريقه .:. ويتلاعب في خصومه ويا هجومه من يصدك

والهلالي لا لعب والذهب يلمع بـريـقـه .:. ما لها إلا هلالها ويا هلالي منهو قدك
.
.