>فيديو< وربّ البيت (كآآآرثــة).. (فضيــحة).. (مَهْزَلة) ماحصل خارج الملعب..ضرب بالعصي..سبّ..منع من الدخول..أقْسَمْت بالله أفـْضـَحــْهُم >فـيــديـو<
 

تقبّل الله صيامكم وقيامكم ..

ثانيا ً أبارك لــ جميع أفراد الشعب الهلالي .,. من رئيس النادي الله يحفظه مرورا ً بـ المدرب واللاعبين وصولا ً للجماهير ..على الفوز والمستوى المــُـبهر (ما شاء الله) ..

بعد هالمقدّمة الإجبارية .. بدخل في الموضوع .. وكلامي موثــّق بـ الفيديو

ما حصل اليوم خارج بوّابات استاد الأمير فيصل بن فهد من قبل المباراة وحتى الدقيقة 30 من الشوط الأول مهـــزلة و كااااارثة و فضيحة ورب البيت .. تعامل همجي .. مغوليّ .. وتخلــّف .. أجل ترتيب الدوري الـ 16 عالميا ً !!!

ضرب بـ العصي .. سبّ وشتم .. إغلاق البوّابات قبل المباراة بـ قليل إلى الدقيقة 30 من الشوط الأوّل (بدوووون سبب) سواءا ً معك تذكرة أو لا

بذكر لكم مثال من حوار صار بيني وبين العسكري ( صورته في أحد مقاطع الفيديو أسفل الموضوع) ..

أنا : ليه ما تخلـّونا ندخل !! المباراة لها ربع ساعة بدت
العسكري : ممنوع ( ويناظر في جهة ثانية )
أنا : ليه ممنوع وش السبب ؟؟ معنا تذاكر ياخي
العسكري (بـصوت عالي) : إنت ماتفهم !!
أنا : ليه ما أفهم .. جايين قبل المباراة وشارين تذاكر والمباراة لها ربع ساعة ولسة مادخلتونا .. أنا اللي ما أفهم في هالحالة !!
العسكري : أقول إنقلع < وربي بالحرف قالها
أنا : ليه أنقلع وش هالأسلوب الهمجي
العسكري : أقول لاتغلط ترى أنا عسكري < حسّيت إني أكلــّم لواء
هنا تعالت الأصوات وأغلب الجماهير شبــّت عليه صراخ ودفّ من القهر .. وبدأو يضربون الأشخاص الأقرب لـ ناحيتهم من الجمهور بـ العصي
وقفــّلوا الباب من داخل ( وهو الباب الوحيد اللي كان مفتوح)

رجعت ورا وتعوّذت من ابليس .. معاي إخواني الصغار ..

الأخ كان لابس كمــّامة .. ما درى إن (التخلــّـف) أخطر من انفلونزا الخنازير ..

توجــّـهت لــ باب ثاني صغير بـ جانب شبابيك التذاكر .. شفت اثنين عساكر فاتحين الباب وكل دقيقتين يدخـّـلون لهم واحد أو اثنين .. يعني يأذن الفجر ومادخلوا نص اللي برّة
بعد الدف وصلت لـ عندهم وكانوا مايدخلون أحد .. رجع الصراخ مرة ثانية .. والله راح صوتي وأنا لسة ما دخلت .. بعد جهد ٍ جهيد ومن كثر الصراخ والدف أخذ التذاكر وصارو يدخــّلونا من هــ الباب .. والأبواب الرئيسية مقفلة

وررركض إلى أن دخلت للمدرّجات .. ناظرت ساعة الملعب .. النتيجة 1-0 .. والدقيقة 26 .. وأنا أقسم لكم بالله العدد اللي كان لسّة برّة عدد كبيييير .. وبـتشوفون هالشي في الفيديو

لاحظوا عدد ومنظررر الجمهور .. وربي شي يقهرررر

أترككم مع الفيديو .. ( ركــّزو على العسكري في المقطع الثالث )

المقطع الأوّل

http://up4.m5zn.com/download-2009-8-26-06-gb5wc9ftw.mp4

أو

http://www.youtube.com/watch?v=eS4F6wZlNds

المقطع الثاني

http://up4.m5zn.com/download-2009-8-26-06-ahjeqf1rg.mp4

أو

http://www.youtube.com/watch?v=v9dpKFzJO_U

المقطع الثالث (المقطع الأهمّ)

http://up4.m5zn.com/download-2009-8-26-06-x99lt5hra.mp4

أو

http://www.youtube.com/watch?v=k8m11HkwYig

المقطع الرابع

http://www.youtube.com/watch?v=sF-0-3LEzlA

المقطع الخامس

http://up4.m5zn.com/download-2009-8-26-06-jxl78czqn.mp4

أو

http://www.youtube.com/watch?v=uJmTLpPFRUY

ملاحظة : بعض الردود ذكــّرتني بـ نقطة التذاكر .. من كثر الزحمة اللي كانت برّة والتأخير .. وصل سعر التذكرة مع الأفراد اللي يبيعون في الشارع ( السوق السوداء) لـ 50 ريال !! هذي وهي مع نجران !!!!
أتركم لـكـــم التعلـــــيـــق .. :mad:

حسبي الله عليكم يالي متخافون الله شكلهم ذولو مو اااااااااااواادم

زين ماسويت رح افضحهم خلهم يعرفوووووووووووون طفشتونا ياااااااا استغفر الله بس



معليك هونها وتهون وان شاء الله اداره الهلال يحلونها مع هالاشكااااااااااااال هذي


اااااااف عليهم بالله عليكم ذولو عساكر الله يخلف بس كل هذا حقد وحسد اعوووووووووذ بالله منكم

لابد من تدخل الامير عبدالرحمن فالأمر زاد عن حده ..

لازم المقاطع هذي يشوفها رئيس النادي .. ويجب على المراقبين تثبيت الموضوع ..

اهـ بس

لازم شبيه الريح يشوفها ,, هو الي بيحلها

البوابات مفروض تكون مفتوحه سواء للخروج او للدخول ،، لو صارت حاله طارئه ويبون يطلعون وهذولا مقفلين البوابات !!!

لا حول ولا قوة الا بالله

حسبي الله

لازم يتدخل الآمير ويوقف الهمج

تماااااااااااااااااااااااااادوا

الله لا يوفقهم

تجردت من هلاليتي ؛ لأجل الهلال [ كامل تفاصيل كارثة ملعب الملز ] !</STRONG> ‏

ورررررررربي مهزلة

اقرا الموضوع هذاك

المقطع مشتغل عندي لاكن مشكور ماقصرت الله يصبرنا

حسبي الله عليهم

كل هذا تطفيش للجمهور

هونها وتهون ومااقول الاحسبي الله عليهم

يرجال الجمهور خذا ان فلونزا القذاره من النصر والاتحاد

لآحول ولآقوة إلا بآلله

حسبنآ الله ونعم الوكيـل

إخوي والله مدري وش اقول .!!

لكن ربك مايضيّع حق ابد والله ثم والله إن كآن لك إنت وغيرك حق تبي تشوفه إن شالله

يا اخوي انا كنت متواجد المشكلة في الملعب مافيه نوافذ كثيرة لبيع التذاكر انا شريت التذكرة من واحد بــ40 ريال ودخلت وانا مرتاح واستقبال حلو من رجال الامن

مشككووور اخوي والله لا يوفق الي كآآن السبب