السلام عليكم ورحمة الله

انا الحقيقه نادر ما أكتب المواضيع بشبكتنا الرائعة

لكن ما حصل اليوم من من مهزلة وقلة حيا جبرتني اني اكتب

اول شي :: نعاني من قلة شبابيك التذاكر

تلقى الصف يمكن فيه 300 شخص !!

يعني اكيد نص المباراة راحت عليك يالي جاي قبل المباراة بربع ساعة !!

ثاني شي :: مهزلة رجال الامن ( وانا اشك انهم يستحقون لقب الامن لأن كل المشاكل منهم )

تعامل همجي بكل ماتعنيه الكلمة

انا جاي احضر مباراة ماجيت لبيتكم !!

على تعامله .. تحس انك بمجلسهم وقاعد يذلك

ثالث شي :: كان لي صديق تأخر وماجا معي

ووصل للملعب قبل بداية المباراة بـ 10 دقايق

والله انه مادخل الملعب الا بعد الدقيقه 20

يقول عااالم برى وأمم مايقدرون يدخلون والسبب التعنت من رجال الامن

ولا بعد يقول لك ان التذاكر خلصت وجوانب الملعب فاضية !!

رابع شي :: حشروونا الله لا يحشرنا بجهنم في نص الواجهه

وعند كل درج واقف 4 رجال مشاكل اسف قصدي 4 رجال امن

ويرفضون ان الجماهير تذهب لجوانب الملعب وانهم يكونون بالواجهة

لين طفحنا بنص الشوط الاول وذهب بعض الجماهير للجوانب غصب عن رجال الامن

خامس شي :: بعد نهاية المباراة يوم جينا نطلع

تصدقون بس فاتحين الابوب الصغيره !!

والابواب الكبيرة يرفضون

الجماهير حاولت تفتحهن ولكن رفضوا !!

وانغمتنا :s5s:وصدقوني لو واحد من الجماهير فيه مرض كان انتشر بين كل الجماهير


:: رجال الشعر مغطي وجوههم .. ويجي رجل امن همجي يضربهم بالعصا ::

وتقولون ليه ماتحضرون يا اهل الرياض :mad:

الله يعينكم
وإن شاء الله يحلها أبوفيصل مع ذا الهمج

لكن فعلاً الف شكر يامن أنتقدت جماهير الزعيم في منطقة الرياض
لو جاكم ربع اللي يجيهم ما شفنى واحد منكم في الملعب

لكن اللي رجله في المويه مو مثل اللي رجله في النار



صحيح ما قدر احضر المباريات بس اللي يوصلني من أخواني يخلي الواحد يحرم يحضر<<:ranting:

الرسالة الأصلية كتبت بواسطة آكـوس هـلالـي.! (مشاركة 12914429) أتوقع تأتي العساكر مأموريات من ظباط رتب عليا لأن مايحدث لجمهور الهلال غريب في استاد الملك فهد والملز كلاهما سواء حتى أذا انتصر الهلال على النصر أو جلب بطولة أو اي انتصار منعونا من الأحتفال !! همج همج همج ألا من رحم ربي