ملعـــــــــــــب الملــــز .. والجمهور الهلالي يطلع مع باب نص متر .. وتعبنا وحنا نردد وش ذا التنظيم - نادي الهلال السعودي - شبكة الزعيم

إبراهيم الهزاع · #1 27/08/2009, 04:00 AM

بسم الله الرحمن الرحيم
السلام عليكم ورحمة الله وبركاته

اتركمم مع الصور من تصويري الخاص ..
ونكمل الموضوع ..

سأبد ..
بصراحة شي يفشل .. ملعب الملز دون اي تنظيم واي ترتيب
فوضى فوضى .. لابعد الجدود

اليوم الساعه 9 ونص زحمه فوق الخيال اوكي في زحمة ..
بس لا يوجد اي ترتيب عشان نحص على التذكره وقفت في طابور
ما ادري وش اسميه بس طابور كلما قربت من احس ان الزحمة تزيد
حتى وصلت القوضى الا بالقوه بدخل وبلا طابور وبلا هم ..
ملعب الملز فاتح لنا نافذتين للتذاكر ..
اضنهم يحسبون المباراة للرياض و سدوس
مب الهلال ختى أتت الساعه 10 وبقي على مباراة ربع ساعه فتحت نافذتين وما تغير شي اكيد بيفتحون اجل زحمه فوق الخيال ..
نمشي القصه ونقول نسو .. وانا اخذت التذكره بـ 50 ريال

بس توصل فيهم اننا اذا جينا نلع يحطون لنا باب نص متر يطلع منه كل الجمهور الهلالي اللي بالواجهه .. لا بالله مب ملعب ذا وين المسؤولين وين رعاية الشباب عن هالملعب المتهالك ما فيه اي تجديد له قديم بكل معنا الكلمة .. حنا كشعب سعودي عادي بس اذا زائرين للملعب وش يقولون ..
هذا افضل دوري عربي .. وثاني ملعب بالعاصمة بهالشكل ؟؟!
اترك لكم الجواب واكيد ناس كثار ودهم يتكلمون بالامر اللي صار اليوم ..
مع خالص الود .. الصوره تتكلم

W.H 50 · #2 27/08/2009, 05:04 AM

مشكورين اخوان على الحضور ..

رغم التوجيهات لـ اعاقه زحف الجمهور الهلالي ..

بس الحمد لله على كل شيء ..

..

اتمنى ان هذا الكلام يوصل لـ الامير عبدالرحمن بن مساعد ..

عبر ايميل الاداره الهلاليه ..

[email protected]

لـ انه كلام ما ينسكت عليه ..

و السلام ..

تووم كرووز الهلالي · #3 27/08/2009, 05:18 AM

تصدق فيه ايدي خفيه لمحاربه الزعيم ااجل الامن جالسين يضربون في خلق الله الشايب والطفل والصغير والكبير وكل ماتناولته ايديهم
وش ذا الكلام اعتقد ان العساكر ناوينها طقطقه

Z3EEM . FC · #4 27/08/2009, 05:20 AM

الامر واضح ومكشوف
حقين السوق السودا منتشرين وبقووووه ويبيعون التذاكر بخمسين ريال
كل مامريت لقيت واحد بوجهي
وحق التذاكر فاتح شباك صغير
واضحه يبون يفلسون بالجمهور الهلالي
وبعد المباره الخروج من باب صغير لكل الجمهور
ماحصل يعتبر وقاحه

برشلونه الهلال · #5 27/08/2009, 05:21 AM

اتمنى ان هذا الكلام يوصل لـ الامير عبدالرحمن بن مساعد ..

هلالي وافتخر · #6 27/08/2009, 05:37 AM

صراحة .. المفروض الجماهير يشرون التذاكر قبل المباراة بيوم .. مو اذا بقى على المباراة ربع ساعة جيتوا تدورون تذاكر !!

جلنار.. · #7 27/08/2009, 05:52 AM

.. حنا كشعب سعودي عادي بس اذا زائرين للملعب وش يقولون ..

ليش حنا عادي

؟؟؟ لا مو عادي ..

بالعكس .. لأننا الشعب السعودي لازم لنا كل الاحترام والتقدير ..

هذي مشكلتنا حنا .. نهتم بالأجانب والمظاهر والشكليات .. والشعب الي له الحق يستمتع ببلده ..

ماله نصيب منها

اعذرني على كلامي .. ولكن كلمتك أغضبتني ..

جلنار

..

صــويــلــح · #8 27/08/2009, 06:21 AM

اللي حصل اليوم مهزله كبرى
العالم كلها متجمعه على شباك تذاكر واحد
ونص الجمهور فاته اول نصف ساعه من المبارة

سالم الجواس · #9 27/08/2009, 06:37 AM

بصرااااحة قمة في الوقاااحة

يا رجل ملعب مافيه الا شباكين تذاااكر وياربت فيه تنظيم والله مافي تنظيم

ووقت الخرووووووووج قسم بالله يا شباب انهم فاتحين نص البوابة

ليه كذا يعني وفيه بوابات مو فاتحينها

حسبي الله عليهم بس

الحرس الوطني · #10 27/08/2009, 06:40 AM

الله لا يوفقهم

ظلم والله ظلم

اللهم اني صائم

ليه العيد يجي ويروح · #11 27/08/2009, 06:54 AM

قسم بالله ورب الكعبه اني حاضر انا وواحد شارين التذكره الوحده ب50 ريال..
ومادخلنا الا بعد مابدت المباراه ب20 دقيقه.. والعساكر مسكرين الابواب واخلاقهم بذيئه حتى اما كبار السن .. وضرب بالعصي ويتلفظون بالفاظ قسم بالله ماكننا مسلمين وفي رمضان ..
والله انواع التطفيش والمهازل من هالهمج العساكر...

تكفى يابن مساعد شفلنا حل واشتك لوزاره الداخليه للمهازل الي تصيرلنا وسكوتك هو سبب الي يصير فينا

انت تسكت وحنا الضحيه (( نصيحه لجمهور الهلال الي يبي يجي للمعلب يحط كرامته في البيت ويتوكل))