|
تم تنزيل الاحداث في اليوتيوب (( اغلاق الابواب على الجماهير الهلاليه )) والملعب فاضي !! http://www.youtube.com/watch?v=uJmTLpPFRUY http://www.youtube.com/watch?v=v9dpKFzJO_U |
الله يعطيك العـــافية على الموضوع والله اذا السجادهـ ممنوعــه وش بقاء بكــرهـ يقولون ممنوع تصلــي بممرات الملــعب ولكن اذا كان هذ المنتدى ا له سلطـــه بل تكلــم الاسطورهـ سامــي الجــابر او شبية الريح (( الله يطول بعمرة )) يضــع احــد الاعضــاء بالنادي على البواابــة ويجـــلس علــى كرســي ويلاحـظ كل شئ لانني ليس المرهـ الاولــى اسمــع بتــــلك الحالات . |
والله مهزله ثم مهزله ثم مهزله |
والله يا أخوي ( كان هنا ) إنك جبتها في الصميم ...!! أنا ماودي اطول السالفه واحكيلكم معاناتي إلين أخذت التذاكر .. راح أعدي هالنقطه وأوصل للنقطه اللي تهمني وتهمكم ( الزبده )!! تدرون ياجماعة ليه كانوا يقولون مافي تذاكر ؟؟ مع انها متوفره ؟؟ .. شوفوا اللي صـار واللي شفتـه بعيني .. بعد مااخدنا التذاكر وجينا بندخل مع البوابه .. طبعا عطينا لرجل الأمن التذاكر .. المفروض هو وش يسوي ؟! مثل أيام ماكنا ندخل للملاهي ! ... يشقهااااااا طبعا .. طيب وش رايكم انه قاعد يجمعها عنده وفي واحد بلوشي ينتظر جنبه ( البلوشيين هم اللي يبيعون التذاكر بالسوق السوده على 30 ريال وانت طالع ! ) طيب حنا شكينا بالوضع .. المهم خويي اللي معي يعرف ياسر الطلاسي ( تقريبا هو رئيس مجلس الجمهور الهلالي ) واتصل عليه وعلمه بالوضع اللي صاير وقالنا أنه بيحل الموضوع .. وخويي من زود القهر والله انه قعد لرجل الامن في حلقه يقوله شقها قدامي ياللي ماتخاف الله .. وخلاه يشقها .. ورحنا للبوابه الثانيه وياللعجب !! نفس المشهد يتكرر .. رجل الامن يجمع التذاكر وجنبه البلوشي ينتظر .. وخليناه يشققها ..!؟؟ وين التنظيم وين الاحترافيه .. والله ان حنا تبهذلنا بهذله غير طبيعيه .. اتمنى الموضوع هذا يصل للاداره او القائمين على امور الملعب ليتم اتخاذ اجراء صارم ورادع .. يشهد الله ان الكلام اللي قلته صحيح وانا صائم |
حسبنا الله ونعم الوكيل .. اتمنى من الشباب اطلاع شبيه الريح على هذا الموضوع واطلاعه على الفيديوهات .. وهذا موجه لكل من ينتقد جمهور الرياض .. |
لا ينفع البكاء على اللبن المسكوب يجب من تقديم شكوى رسميه على رجال الامن في الشرطه او اي جهه مسؤله عنهم اما الصراخ من على المنابر لن يفيد شيء ولابد من العمل على ارض الواقع |
لا أقول سوى : حسبنا الله و نعم الوكيل ..! و اللهم إني صائم . |
انا ودي بس يعرفون الي خارج الرياض كيف تعامل رجال الامن مع الجماهير الهلاليه كرهت الملعب عشانهم . . توصل لمد اليد والعصا والناس الثانيه جمهور الرياض جمهور الرياض طل في عين العدو احضر مباراه في الملعب |
الى متــى كـل هذآ ؟ ؟ حسبنـآ الله ونــعم الوكيل ،، |
قمه الهمجيه وقله الادب تجدها ضد الجمهور |
الله يعين المهم ماتعبت على الفاضي الحمد لله انك رجعت فرحان وخمسه في عين العدوا |
الله يكون في عونكم بس كل شي يهون في الحضور لزعيم |
مشكوووووور اخووووووووووي ونبي حل تكفوووووون |
الله يعيين جمهور الزعيم ان كاانت الامور على مااهي |
ياخي ليه الحرب على الزعيم والله وربي انه شي يقهر حنا نبي نتابع الزعيم ونشوفه نجومه ننهان ونننذل ياخي والله شي يقهر وربي اني جايي من حائل علشان اتابع مباراة الزعيم ونهايته يصير شي يضيق الخلق وربي اني تكسرت لم قلت بس (((صحيح اني احب ازعيم بس اذا صار شي مثل هذا ماني حاضر مبارة للزعيم مره ثانيه))) |
| الوقت المعتمد في المنتدى بتوقيت جرينتش +3.
الوقت الان » 01:16 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd