ماني من الرياض!! والاعضاء منزلة مواضيع الساعه عشره وربع !! .. وشفيه الحضور اليوم ها ؟ - نادي الهلال السعودي - شبكة الزعيم

ناعس الطرف · #1 27/08/2009, 01:37 AM

-
-
-
-

السلام عليكم ورحمة الله وبركاته ..

فيه عقليات أعضاء جالس تتفرج على التلفزيون ببداية المباراة وشايف الجمهور قليل على
طول على المنتدى ومطلع سالفه جديده ومنزل موضوع الجمهور وجمهور الرياض
وبرربرة مالها اول ومالها آخر ..

ياحبيبي انتظر نص ساعه لين يجون الجمهور العالم عندها اشغال وتوها طالعه
من صلاة التراويح شوف الملعب بعد كذا !!!

اليوم الحضور جيد جداً الى ممتاز وانا متاكد بان هذا الحضور اثلج صدر الادارة
واللاعبين وان كنا نطمح في المزيد خصوصا في المباريات الكبيره ..

الشئ الأخير انا ماني من الرياض عشان ادافع عن جمهور الرياض واصلا فكرة
جمهور الرياض وجمهور الغربيه وجمهور الشرقيه فكره فيها تفرقه غريبه
والاصل بان جمهور المناطق هو جمهور الزعيم وحده والتسميات هذي لا تسمن
ولا تغني من جوع وتثير العدواة في بعض الاحيان !!

اتمنى اتمنى من ادارة المنتدى حذف جميع المواضيع التي فيها تسميات
بجماهير المناطق لانها لا تحمل اي هدف واي معنى مع الابقاء على المواضيع
التي تحفز الجماهير للحضور وتشجعها ..

وياجماعة الخير الحافظ الله وفيه الف طريقه للوقايه اذا كنت خايف من الوباء
المنتشر يعني ابتكارك لعذر المرض بس عشان يمنعك عن الحضور هذا غريب جداً ..

الف مبروك الفوز .. ورمضان كريم ..

W.H 50 · #2 27/08/2009, 01:39 AM

مشكور اخوي ..

فعلاً الناس منزلين مواضيع اول ما بدأ البث على art ..

الناس توهم طالعين من صلاه التراويح << فيهم خير ..

احس ان اللي منزلين المواضيع ما يبون لـ اهل الرياض الخير ..

يعني الناس مصليه التراويح و معينه من الله خير ..

وهذا اول ما خلصت الصلاه .. قال وين الجمهور !!

يعني بـ العقل المباراه باقي عليها ساعه الآ ربع .. و الناس توهم طالعين من صلآه التراويح ..

تبيه يجي صاروخ ..!

..

الشيء الثاني ..

اللي هو جمهور الشرقيه و الغربيه و الجنوب !

انا و الله مدري وش يحسون به اللي حاطين ذي الفكره ..

فيه جمهور يرحل ورى الهلال في كل مكان ..

تلقاه في الشرقيه و الغربيه و القصيم والرياض في كل مكان ..

..

على العموم الحمد لله على الفوز اليوم .. << بدري ..

و الجايات اكثر ..

و كل عام و انتم بخير ..

<< لآ احد يزعل >>

@@زعيم نصف الأرض@@ · #3 27/08/2009, 01:41 AM

والله الجمهور فل اليوم وانا توني جاي من الملعب

والى زعلان ع شان الجمهور يجي يحضر ولايهايط في المنتدى بس

كفو والله يا اهل الرياض

هلالي%ولدسليم · #4 27/08/2009, 01:44 AM

إقتباس

الرسالة الأصلية كتبت بواسطة @@زعيم نصف الأرض@@


	والله الجمهور فل اليوم وانا توني جاي من الملعب والى زعلان ع شان الجمهور يجي يحضر ولايهايط في المنتدى بس كفو والله يا اهل الرياض

صدقت والله ...............................

ابو علاوي · #5 27/08/2009, 01:42 AM

يبوووووون زيادة في المشاركات

والردووووووود

السلطاني · #6 27/08/2009, 01:44 AM

يا اخوان اللي حدث اليوم فضيحة من ادارة ملعب الامير فيصل بن فهد لانهم قفلوا البوابات قبل بداية المباراة وقالوا ان التذاكر خلصت!!!!

وكان الجمهور اللي خارج الملعب اكثر من اللي داخل الملعب

T U R K I _ 15 · #7 27/08/2009, 02:03 AM

إقتباس

الرسالة الأصلية كتبت بواسطة السلطاني


	يا اخوان اللي حدث اليوم فضيحة من ادارة ملعب الامير فيصل بن فهد لانهم قفلوا البوابات قبل بداية المباراة وقالوا ان التذاكر خلصت!!!! وكان الجمهور اللي خارج الملعب اكثر من اللي داخل الملعب

ليتك تكتب موضوع مستقل لتبين للجمهور الكريم ...

وبرضه واحد من الشباب جاي من ( حي العقيق شمال الرياض ) وراح لاقرب مقهى لانه تفجأ من موزع التذاكر بذكر اسف التذاكر خلصت

ابو فارس اكتب موضوع وثبته لتبين للجمهور الكريم .. الله يرضى عليك .. وكلامك مسموع ومصدقينه يالغالي ..

تكديسة · #8 27/08/2009, 02:14 AM

تبي الصدق
ماشفنا احد بالملعب لاقبل ولا بعد المباراه

{vip} · #9 27/08/2009, 02:44 AM

إقتباس

الرسالة الأصلية كتبت بواسطة السلطاني


	يا اخوان اللي حدث اليوم فضيحة من ادارة ملعب الامير فيصل بن فهد لانهم قفلوا البوابات قبل بداية المباراة وقالوا ان التذاكر خلصت!!!! وكان الجمهور اللي خارج الملعب اكثر من اللي داخل الملعب

والله أنك صادق أخوي ..

أول شي أبارك للزعيم على هذا المستوي الرائع

أنا حضرت معي أثنين وكرهت عمري علشان أشتري تذاكر ؟؟
وللأسف الشديد كان التنظيم سيئ جداً جداً وأنتظرت شوط الأول وأنا أمسك سرا علشان أشتري ؟؟
والله لو انها مباراهـ برشلونه وريال مدريد ؟

بس لعيون الزعيم أنتظرنا حتي أخذت التذاكر

أنا سمعت أنهم يقولو ما وزعو التذاكر وقت المغرب .. يعني موزعين التذاكر على وقت بدابه المباراهـ ؟؟
والدليل على كلامي ( العدد القليل من الجماهير في الشوط الأول ) وفي الشوط الثاني كان الجمهور خيالي وخصوصاً الرابطه ..

وكان فيه ضغط شديد عند بيع التذاكر .. منفذ واحد لبيع التذاكر فقط

زاجروس · #10 27/08/2009, 01:47 AM

اي والله انك صادق !

قهر والله ! اول مايشوف الجمهور فـ اول ثانيه يجي يمشي مليون للمنتدى ..

ياخي اصبر خلـ الناس توصل .. وترتاح

وبعدين فـ منتدى الفقر , مزلين موضوع عن تعلقيات بعض الجماهير عندنا

واقولها مره ثانيه .. ياجماعه لاتستعجلون ..

وانا بعد اول ماشفت الجمهور استغربت ! لكن وبعد 5 دقايق وانا اقول كفو والله ياجماهير الزعيم ..

وشكراَ لك ..

وياليت بعض الجماهير فـ المنتدى مثلك ياخي ..

..

ناعس الطرف · #11 27/08/2009, 01:48 AM

معقوله يا السلطاني ؟؟؟ ................

الــســـلـــمـــي · #12 27/08/2009, 01:59 AM

إقتباس

الرسالة الأصلية كتبت بواسطة ناعس الطرف


	معقوله يا السلطاني ؟؟؟ ................

ماشفت شي ........
المفروض الملعب اليوم فل ، بس نص العالم راحو يوم شافوا البوابات مسكره .
فعلا فضيييييحة .

السلطاني · #13 27/08/2009, 02:05 AM

إقتباس

الرسالة الأصلية كتبت بواسطة ناعس الطرف


	معقوله يا السلطاني ؟؟؟ ................

أنا والله مقهور علشان الجماهير المساكين من القصيم وحائل والشرقية أو من أقصى أطراف الرياض وفي الأخير يلقون البوابات مسكرة!!

ويروحون يدورون مقهى يشوفون فيه المباراة علشان يلحقون عليها قبل لاتنتهي

$ مجنونك ياهلال $ · #14 27/08/2009, 01:48 AM

والله بلاك ماتدري

اليوم الشوط الأول انتصف وجمهور كثير جالس برا

قاعدين ننتظر شفقة اللي يبيعون التذاكر تخيل تاركينا عند الشباك ويسولفون

ومافيه تنظيم نهائيا طقاق على الشباك خلها على ربك

انا يوم شفت الشوط الاول انتصف على طول رجعت البيت اشوف المباراه

!!هلالي الرس!! · #15 27/08/2009, 01:50 AM

لبىىىى قللللللللللبك هذا الكلام ولا بلااش